*កីឡាករGareth Baleកោតសរសើរការហ្វឹកហាត់របស់ក្រុម Spurs
កីឡាករ Gareth Baleបានកោតសរសើរយ៉ាងខ្លាំងដល់ការហ្វឹកហាត់របស់ក្រុមមាន់ខ្នាយមាស Spursក្រោយ ពេលគាត់រកបាន២គ្រាប់ ពីការស៊ុតបាល់ពិន័យ Free-kickជាមួយក្រុម Lyon នៅការប្រកួត Europa League កាលពីថ្ងៃ ព្រហស្បតិ៍នោះ។
កីឡាករវែសល៍ម្នាក់នេះបាននិយាយថា ខ្ញុំពិតជាសប្បាយចិត្តខ្លាំងណាស់ ក្រោយពេលរកគ្រាប់បាល់បានបែបនេះ វាពិតជាស៊ុតបាល់មួយដ៏អស្ចារ្យបំផុត។ ខ្ញុំបានលត់ដំខ្លួននៅការហ្វឹកហាត់ពីរបៀបស៊ុតបាល់ Free-kick ហើយជាលទ្ធផលខ្ញុំពិតជាអាចធ្វើបានពិតមែន។
*លោកRafael Benitez ៖ ក្រុម Chelseaត្រូវតែមានការប្រុងប្រយ័ត្នច្រើនជាងនេះ
អ្នកចាត់ការរបស់ក្លិបតោខៀវ Chelseaលោក Rafael Benitezបានជំរុញឲ្យក្រុមរបស់គាត់ត្រូវតែបង្កើនការ ប្រុងប្រយ័ត្នឲ្យបានច្រើនជាងនេះ ក្រោយពេលពួកគេមានលទ្ធភាពអាចរកគ្រាប់បាល់ត្រឹមតែ១គ្រាប់ប៉ុណ្ណោះនៅ ការប្រកួត Europa Leagueជាមួយក្រុមSparta Prague កាលពីថ្ងៃព្រហស្បតិ៍នោះ។
កីឡាករOscar ជាអ្នកជួយឲ្យក្រុម Chelseaសម្រេចបានជោគជ័យទាំងប៉ផុតប៉ផើយមួយនេះ ប៉ុន្តែទោះជាយ៉ាងណាក៏ដោយលោក Benitezនៅតែកោតសរសើរផងដែរចំពោះសកម្មភាពលេងនៅមុខទីរបស់ក្រុមគាត់។
*កីឡាករ Fabregasសង្ឃឹម Bojan Krkic ថានឹងវិលត្រឡប់មកកាន់ក្លិប Barcelonaវិញ
កីឡាករ Cesc Fabregasសង្ឃឹមយ៉ាងមុតមាំនៅថ្ងៃណាមួយយកីឡាករ Bojan Krkic ប្រាកដជានឹងវិលត្រឡប់ មកកាន់ក្លិប Barcelonaវិញជាក់ជាពុំខានឡើយ។
ខ្សែប្រយុទ្ធម្នាក់នេះបានចាកចេញពីទឹកដី Nou Camp កាលពីឆ្នាំ២០១១ដើម្បីផ្ទេរទៅកាន់ក្លិប Roma ប៉ុន្តែកាលពីពេលថ្មីៗនេះគាត់បានបន្តផ្ទេរចេញជាកីឡាករខ្ចីជើងជាមួយក្លិប AC Milanជាកន្លែងដែលគាត់ត្រូវប្រឹងប្រែង ដើម្បីដណ្ដើមកន្លែងលេងនៅក្នុងក្រុមដំបូងជាមួយកីឡាករសំខាន់ៗ ដូចជាកីឡាករ Stephan El Shaarawy, Mario Balotelli និងកីឡាករ M’Baye Niang ជាដើម។
*លោក Robert Pires ៖ Iniestaទេដែលសមទទួលបានពានរង្វាន់ Ballon d´Or
អតីតកីឡាករលេងឲ្យក្រុមជម្រើសជាតិបារាំងលោក Robert Pires មានជំនឿយ៉ាងមុតមាំថាកីឡាករ Andres Iniestaទេ ដែលសក្ដិសមបំផុតក្នុងការទទួលបានពានរង្វាន់បាល់មាស Ballon d´Or គឺមិនមែនជាមិត្តរួមក្រុម Lionel Messiនោះទេ។
ខ្សែបម្រើលេងឲ្យក្រុមជម្រើសជាតិអេស្ប៉ាញម្នាក់នេះបានត្រឹមតែជាប់នៅលេខ២និងលេខ៣ប៉ុណ្ណោះ ពីក្រោយកីឡាអាហ្សង់ទីនម្នាក់នេះនៅប្រកួតប្រជែងដណ្តើមពានរង្វាន់បាល់មាសឆ្នាំ២០១០និងឆ្នាំ២០១២។
*លោកDiego Simeone ៖ ថ្ងៃណាមួយខ្ញុំនឹងធ្វើជាគ្រូបង្វឹករបស់ក្លិប Inter Milan
អ្នកចាត់ការរបស់ក្លិប Atletico Madrdលោក Diego Simeoneបានប្រកាសឲ្យដឹងពីគោលបំណងរបស់គាត់ចង់ធ្វើ ជាគ្រូបង្វឹករបស់ក្រុម Inter Milanនៅថ្ងៃណាមួយនាពេលអនាគត។
គ្រូបង្វឹកសញ្ជាតិអាហ្សង់ទីនម្នាក់នេះកំពុងតែកសាងកេរ្តិ៍បោះសម្លេងរបស់គាត់ជាមួយក្លិបនៅប្រទេសអេស្ប៉ាញ មួយនេះ ដែលបច្ចុប្បន្នឈរនៅលេខ២លើតារាង La Ligaប៉ុន្តែគាត់បានប្រាប់រួចហើយពីគំនិតនៃការមានះអនាគត នៅក្រៅទឹកដីVicente Calderon។
*លោក Massimiliano Allegri ៖ ថ្ងៃណាមួយ Balotelliនឹងក្លាយជាកីឡាករបាល់ទាត់ឆ្នើមរបស់ពិភពលោក
អ្នកចាត់ការបស់ក្លិប AC Milanលោក Massimiliano Allegri មានជំនឿយ៉ាងមុតមាំថានៅថ្ងៃណាមួយកីឡាករ Mario Bolotelliនឹងក្លាយជាកីឡាករឆ្នើមរបស់ពិភពលោកជាក់ជាពុំខានឡើយ។
ខ្សែប្រយុទ្ធលេងឲ្យក្រុមជំរើស ជាតិអ៊ីតាលីម្នាក់នេះ បានវិលត្រឡប់មកកាន់អតីតក្លិបរបស់គាត់វិញ កាលពី ចុងខ្សែមករាមុននេះ ពីក្លិប អង់គ្លេស ហើយការផ្ទេរជាលើកទី២នេះ គេសង្ឃឹមថានឹងមានអនាគតល្អជាក់ពុំខានឡើយ។
*កីឡាករ Bacary Sagna ៖ Arsenalមិនត្រូវការកីឡាករ Van Persieនោះទេ
ខ្សែការពារ Bacary Sagna មានជំនឿយ៉ាងមុតមាំថាក្រុមកាំភ្លើងធំ Arsenalបច្ចុប្បន្នមិនត្រូវការកីឡាករ Robin van Persie នោះទេ។
សូមបញ្ជាក់ដែរ Van Persie ដែលជាខ្សែប្រយុទ្ធលេងឲ្យក្រុមជម្រើសជាតិហុល្លង់ហើយសព្វថ្ងៃលេងក្លិប Man Utdនោះធ្លាប់ជាកំពូលខ្សែប្រយុទ្ធម្នាក់របស់ក្លិប Arsenal គឺនៅមុនពេលដែលគាត់បានផ្ទេរទៅកាន់ទឹកដី Old Traffordកាលពីដើមរដូវកាលនេះ៕
សារ៉ាត់
| < មុន | បន្ទាប់ > |
|---|
