គ្រូបង្វឹករបស់ក្រុមជម្រើសជាតិអាល្លឺម៉ង់លោក Joachim Loewបានសន្យាថាក្រុមរបស់គាត់នឹងបញ្ចញ ស្ទីលលេងប្លែកៗនៅក្នុងឆ្នាំ២០១៣ខាងមុខនេះ។
ក្រុមជម្រើសជាតិអាល្លឺម៉ង់លេងមិនសូវជាធ្លាក់កូដនោះទេ គិតចាប់តាំងពីអតីតអ្នកចាត់ការរបស់ក្លិប Stuttgartម្នាក់នេះឡើងកាន់អំណាច ប៉ុន្តែពួកគេមិនជាទទួលបានជោគជ័យល្អប្រសើរនោះទេនៅការប្រកួតធំៗ។
គាត់បាននិយាយថា យើងត្រូវតែអភិវឌ្ឍក្រុមរបស់ពួកយើងនៅឆ្នាំ២០១៣ខាងមុខនេះ។ នោះហើយគឺជា ការងារដែលខ្ញុំកំពុងតែធ្វើជាមួយលោក Hansi Flick, Andreas Kopkeនិងលោក Oliver Bierhoff។ ពេលខ្លះ យើងខ្វះខាតការងារចុងក្រោយ។ យើងបានបង្កើតស្ទីលលេងដ៏អស្ចារ្យរបស់ពួកយើងរួចហើយ គ្រាន់តែមិនទាន់ថ្នឹកនឹង វាប៉ុណ្ណោះ។
លោកបានបន្តទៀតថា ការងារសំខាន់បំផុតរបស់ខ្ញុំគឺជាការប្រកួត។ នៅការប្រកួតវគ្គផ្តាច់ព្រ័ត្រ យើងមាន ឱកាសប្រកួតប្រជែងជាមួយក្រុមឆ្នើមរបស់ពិភពលោក។ ខ្ញុំមិនបានយល់ឃើញថាវាជាសំពាធឡើយ ប៉ុន្តែវាគឺជា ឱកាសនិងកម្លាំងចិត្តប៉ុណ្ណោះ។ ជាការពិតណាស់ថាយើងបានកំណត់ទិសដៅខ្ពស់បំផុត។ ក្នុងនាមជាអ្នកបាល់ទាត់ យើង ត្រូវ តែកំណត់គោលដៅឈ្នះការប្រកួត World Cupឲ្យខាងតែបាន៕
សារ៉ាត់
| < មុន | បន្ទាប់ > |
|---|
