ក្លិបកាំភ្លើងធំ Arsenalត្រូវបានគេនិយាយប្រាប់ថាឲ្យបំភ្លេចចោលទៅ គំនិតចង់បង្កើតការផ្ទេរដ៏ដុំកំភួនមួយ សម្រាប់កីឡាករ David Villaដែលជាខ្សែប្រយុទ្ធឆ្នើមម្នាក់របស់ក្លិប Barcelona។
គួររំលឹកដែរថាខ្សែប្រយុទ្ធលេងឲ្យក្រុមជម្រើសជាតិអេស្ប៉ាញវ័យ៣១ឆ្នាំម្នាក់នេះលែងជាកីឡាករសំខាន់ទៀត ហើយនៅក្នុងទឹកដី Nou Camp។
លោក Arsene Wengerត្រូវការពង្រឹងជម្រើសខ្សែប្រយុទ្ធរបស់គាត់នៅក្នុងទីផ្សារកីឡាករក្នុងខែមករាខាង មុខនេះហើយកីឡាករ David Villaស្ថិតក្នុងចំណោមខ្សែប្រយុទ្ធចង់បានរបស់គាត់។
អ្នកចាត់ការក្លិប Arsenalម្នាក់នេះស្ទើរតែអស់ជម្រើសរបស់គាត់ ក្រោយពេលដែលកីឡាករ Klaas-Jan Hutelaarបានសម្រេចចិត្តបន្តនៅជាមួយក្លិប Schalke។
យោងតាមសម្តីនាយកគ្រប់គ្រងផ្នែកបាល់ទាត់របស់ក្លិប Barcelonaលោក Andoni Zubizarretបានឲ្យដឹង ថា កីឡាករ Villaនឹងមិនផ្ទេរទៅកាន់ទឹកដី Emiratesនោះទេ។ នៅក្នុងខែមករានេះ យើងនឹងមិនអនុញ្ញាតឲ្យ Villa ផ្ទេរទៅណានោះទេ។ រឿងដែលសំខាន់បំផុតនោះគឺគួរចងចាំក្លិប Barcelonaកម្រនឹងទទួលយកការផ្តល់ជូនណាមួយ ណាស់នៅក្នុងខែមករា ហេតុដូច្នេះហើយពួកគេមិនចាំបាច់ដាក់តម្លៃដេញថ្លៃទេ វានឹងធ្វើឲ្យពួកគេខាតពេលប៉ុណ្ណោះ៕
សារ៉ាត់
| < មុន | បន្ទាប់ > |
|---|
