អគ្គិភ័យ​ឆាបឆេះ​អគារ​ខ្ពស់​នៅ​ឌុយបៃ

ថ្ងៃ សៅរ៍ ទី21 កុម្ភៈ ឆ្នាំ2015 ម៉ោង14:21   ផ្នែក: ព័ត៌មានអន្តរជាតិ​ទូទៅ    ដោយ: រឹទ្ធ​

M21-02-15-m

អគ្គិភ័យ​មួយ​បាន​ឆាបឆេះ​អគារ​ Torch នៅ​ក្នុង​ទីក្រុង​ឌុយបៃ​ ដែល​ជា​អគារ​មួយ​នៅ​ក្នុង​ចំណោម​អគារ​ដ៏​ខ្ពស់​បំផុត​ដែល​មាន​មនុស្ស​រស់​នៅ​ នៅ​ក្នុង​ពិភពលោក។

ខ្យល់​ដ៏ខ្លាំង​បាន​ជួយ​បក់​អណ្ដាត​ភ្លើង​ឆាប​ឆេះ​រាល​ដាល​ទូទាំង​អគារ​​កម្ពស់​៣៣៦.១​ម៉ែត្រ​នៅក្នុង​សង្កាត់​ម៉ារីណា។

សាក្សី​មើល​ឃើញ​នឹង​ភ្នែក​ម្នាក់​បាន​និយាយ​ប្រាប់ BBC ថា មាន​កម្ទេចកំទី​កំពុង​នោះ​ប៉ើង​គ្រប់ទីកន្លែង​ធ្លាក់ទៅ​លើ​អគារ​ដែល​នៅជិត​ខាង។ ក្រោយមក​សេចក្ដី​រាយការណ៍​នានា​និយាយ​ថា អគ្គិភ័យ​នោះគេកំពុង​ពន្លត់​ហើយ។

រូបភាព​ដែល​គេ​បាន​ផ្សាយ​នៅក្នុង​សារ​ព័ត៌​មាន​សង្គមបង្ហាញ​ឲ្យឃើញ​អ្វី​ដែល​ហាក់​ដូច​ជា​កញ្ចក់​ដែល​លាយ​នឹង​កម្ទេច​កំទី​កំពុង​ធ្លាក់​ពីលើ​អគារ។

សាក្សី​នាង​រ៉ូឡា បាននិយាយ​ប្រាប់ BBC ថា អគ្គិភ័យ​ដែល​ឆេះ​មួយ​ម៉ោង​កន្លះ​ស្ទើរ​តែ​ឆេះ​ចេញ​ពី​អគារ​ប្រហែល​៦០​ជាន់​ គេ​មើល​ទៅ​ហាក់​ដូច​​ផ្ទះ​បន្ទាប់ៗ​នៅខាង​ក្រៅ​ក៏​ត្រូវ​ខូច​ខាត​ដែរ។

លោកស្រី​និយាយ​ថា អគ្គិភ័យ​នោះ​ប្រហែល​ជា​ចាប់ផ្ដើម​ឆេះ​ចេញពី​ជាន់​ទី​៥០៕