សហរដ្ឋ​អាមេរិក​ថា ទង្វើ​របស់​រុស្ស៊ី​ នៅ​អ៊ុយក្រែន​ ធ្វើ​ឲ្យ​មានគ្រោះថ្នាក់​ដល់​សណ្ដាប់ធ្នាប់​សកល

ថ្ងៃ សៅរ៍ ទី21 កុម្ភៈ ឆ្នាំ2015 ម៉ោង13:56   ផ្នែក: ព័ត៌មានអន្តរជាតិ​ទូទៅ    ដោយ: រឹទ្ធ​

M21-02-15-k

សហរដ្ឋ​អាមេរិក​ បាន​ព្រមាន​ប្រទេស​រុស្ស៊ី​ នៅ​ថ្ងៃ​សុក្រ​ថា ​ការ​បន្ត​ការ​គាំទ្រ​របស់​រុស្ស៊ី​ ចំពោះ​ការ​ប្រយុទ្ធ​របស់​ពួក​អ្នក​បំបែក​ខ្លួន​នៅ​អ៊ុយក្រែន​ ទោះបី​ជា​មាន​បទ​ឈប់​បាញ់​មួយ​ គឺជា​ការ​គំរាម​ដោយ​ផ្ទាល់​មួយ​ចំពោះ​សណ្ដាប់ធ្នាប់​សកល​ថ្មី​ក៏ដោយ ក៏​វា​អាច​នាំ​មក​នូវ​ការ​ខាត​បង់​ថែម​ទៀត​ដែរ។

នោះ​គឺ​ជា​ការ​ព្រមាន​ដ៏​ខ្លាំង​បំផុត​របស់​សហរដ្ឋ​អាមេរិក ចំពោះ​ប្រទេស​រុស្ស៊ី​ ចាប់តាំង​ពី​ការ​រំលោភ​ការ​ឈប់​បាញ់​ដែល​សម្របសម្រួល​ដោយ​ប្រទេស​អេហ្ស៊ីប​ កាល​ពី​ថ្ងៃ​អាទិត្យ​សប្ដាហ៍​មុន និង​បន្ទាប់ពី​មានការ​អំពាវនាវ​ពីសភា​ខុន​គ្រេស​របស់​សហរដ្ឋ​អាមេរិក​ ឲ្យ​មាន​ទណ្ឌ​កម្ម​ប្រឆាំង​នឹង​ក្រុង​មូស្គូ ហើយ​និង​ផ្ដល់អាវុធទៅ​ឲ្យ​ក្រុង​គៀវ។

ស្ដ្រី​អ្នកនាំពាក្យ​ក្រសួង​ការបរទេស​ លោក​ស្រីចេន​ ផ្សាគី ​និយាយ​ថា ការ​បន្ដ​ការ​គាំទ្រ​របស់​ប្រទេស​រុស្ស៊ី ​ចំពោះ​ការ​វាយប្រហារ​របស់​ពួក​បំបែក​ខ្លួន​ដែល​កំពុង​បន្ដ​នោះ​ កំពុង​បំផ្លាញ​កិច្ច​ការ​ទូត​អន្ដរ​ជាតិ​ និងស្ថាប័ន​ចម្រុះ​ភាគី និង​មូលដ្ឋាន​គ្រឹះនៃ​សណ្ដាប់ធ្នាប់​សកល។

លោកស្រី​និយាយថា ប្រទេស​រុស្ស៊ី​ ត្រូវតែ​គោរព​ការ​សន្យា​របស់​ខ្លួន​ឲ្យ​បាន​ឆាប់។

លោកស្រី​ផ្សាគី បាន​និយាយ​ប្រាប់​សន្និសីទ​កាសែត​ទៀងទាត់​មួយ​ថា ប្រសិន​បើ​ប្រទេស​រុស្ស៊ី​ និង​ពួក​បំបែក​ខ្លួន​មិន​បាន​អនុវត្ដ​កិច្ច​ព្រមព្រៀង​​ និង​បញ្ចប់​អំពើ​ហិង្សា​ទេ​នោះ ប្រាកដជា​នឹង​មាន​ការ​ខាត​បង់​ថែមទៀត​ជាមិនខាន៕