ផល​ឌឿ​សងសឹក​ប៊ុន​ហាន​បានសម្រេច ខ​ណៈវាសនា​ចាញ់​រក្សា

ថ្ងៃ សៅរ៍ ទី21 កុម្ភៈ ឆ្នាំ2015 ម៉ោង09:53   ផ្នែក: ព័ត៌​មានកីឡា    ដោយ: វិសិទ្ធ​

T-02-21-15-b-full

អ្នក​ប្រដាល់​ចៅ ផល​ឌឿ ក្លឹប​សំរោង​កោង​ខេត្តបាត់ដំបង បាន​វាយ​ឈ្នះ​ថៃ ប៊ុន​ហាន អ្នក​ប្រដាល់​ក្លឹប​ឫទ្ធី​ពោធិ​សែន​ជ័យ​ដោយ​ពិន្ទុ នៅ​ថ្ងៃទី​២០ ខែកុ​ម្ភៈ ឆ្នាំ២០១៥ លើស​ង្វៀន​បាយ័ន ស្ទឹងមានជ័យ។

ផល​ឌឿ ធ្លាប់​វាយ​ចាញ់​ប៊ុន​ហាន​ដោយ​ពិន្ទុ កាលពី​ថ្ងៃទី​០៧ ខែកុ​ម្ភៈ ឆ្នាំ២០១៥។ តែ​ក្នុង​ការ​ឡើង​សងសឹក​វិញ​នេះ ផល​ឌឿ​បាន​វាយ​ឈ្នះ​ប៊ុន​ហាន​ដោយ​ពិន្ទុ​វិញ ធ្វើអោយ​ការ​សង​សឹក​របស់​បាន​សម្រេច។

ថៃ ប៊ុន​ហាន ចាញ់​នៅ​ពីរ​ទឹក​ចុងក្រោយ ដោយ​ត្រូវ​ចៅ ផល​ឌឿ ដេញ​វាយ​ជាប់​រហូត គ្មាន​ឪ​កាស​បាន​តបត​វិញ​នោះ​ទេ។ កាលពី​ក្នុង​បី​ទឹក​ដំបូង ប៊ុន​ហាន ប្រកួត​ក្នុង​លក្ខ​ណៈវាយ​ទៅ​វា​យមក​ប៉ុណ្ណោះ ប៉ុន្តែ​ចាប់ពី​ទឹក​ទី​៤​ដល់​ទឹក​ទី​៥ ប៊ុន​ហាន​គិតតែ​ពី​ដកថយ ក្រោយ​ចៅ ផល​ឌឿ សម្រុក​វាយ​មកលើ​នោះ។

ទោះជា​យ៉ាងនេះ​ក្តី មាន​ចៅក្រម​ម្នាក់​ដែរ ក្នុងចំណោម​ចៅក្រម​ទាំង​៥​រូប បាន​ផ្តល់​ពិន្ទុ​ឲ្យ​ថៃ​ប៊ុន​ហាន​ឈ្នះ​ដែរ ខ​ណៈ​ដែល​ចៅ​ក្រោម​៤​រូប​ទៀត បាន​ផ្តល់​ពិន្ទុឲ្យ​ចៅ ផល ឌឿ​ឈ្នះ​នោះ។

សុខ វាសនា អ្នក​ប្រដាល់​ក្លឹប​ឃ្លាំងមឿង​កីឡា ដែល​មាន​កាយសម្បទា​ធំ​រឹងមាំ​នោះ​បាន​វាយ​ចាញ់​ចាន់ រក្សា អ្នក​ប្រដាល់​ក្លឹប​អេ​ភូ​ថង​កីឡា​ដោយ​ពិន្ទុ បន្ទាប់ពី​ប្រកួត​គ្នា​ប្រាំ​ទឹក​ពេញ​នោះ។

វាសនា ក្នុង​ការ​ប្រកួត​ពីរ​ទឹក​ដំបូង ហាក់ដូចជា​គ្រាន់បើ​ដែរ ដោយ​បាន​ដាល់ និង​ទាត់​ទៅលើ​ក​ចាន់ រក្សា ត្រូវ​ច្រើន​ដែរ តែ​ក្រោយពី​រក្សា​ចាប់បាន​ចំណុចខ្សោយ​របស់​គេ​នោះ វាសនា​ចាញ់​រក្សា​ដាច់​តែម្តង។ ចំណុចខ្សោយ​របស់​វាស​នា​នោះ គឺ​ចាញ់​ជង្គង់​និង​ចាញ់​កាច់​ដែល​ធ្វើ​ឲ្យ​ចាន់ រក្សា ឈ្នះ​ដាច់​តែម្តង។

ចាន់ រក្សា នេះ តាំងពី​មានប្រៀប​ឈ្នះ​នោះ គេ​វាយ​រាង​រំលោភ​លើ​វាសនា​តែម្តង ដោយ​ក្នុង​ទឹក​ទី​៣ គេ​បាន​វាយ​ថែម​ជង្គង់​ទៅលើ​វាសនា​ដែល​ដួល​លើ​រេញ​ហើយ​នោះ តែ​វាសនា​មិន​ឡាំប៉ា ហើយ​អាជ្ញា​កណ្តាល​ក៏​ពុំបាន​ព្រមាន​ចាន់​រក្សា​ដែរ។

ទឹក​៤​ដល់​ទឹក​៥ សុខ វាសនា រឹតតែ​ចាញ់​ទៅទៀត ដោយ​រត់គេច​ពី​ការ​ចាប់​វាយ​ជង្គង់​របស់​ចាន់ រក្សា​នោះ។ ចប់​ការប្រកួត​វាសនា ចាញ់ ចាន់ រក្សា​ដោយ​ពិន្ទុ​ដាច់​តែម្តង ដោយ​ចៅក្រម​ទាំង​៥​រូប​បាន​ឲ្យ រក្សា​ឈ្នះ​ទាំង​៥​រូប។

មាស ចាន់​នឿន អ្នក​ប្រដាល់​ក្លឹប​ដួង​សែន​សុខ​គុន​ខ្មែរ ប្រកួត​ចាញ់​ធាន ពុធ អ្នក​ប្រដាល់​ក្លឹប​កុមារ​ទេព​មាន​រិ​ទ្ធ ដោយ​ពិន្ទុ ក្រោយពី​វាយ​គ្នា​ប្រាំ​ទឹក​ពេញ​នោះ។ ចាន់​នឿន គេ​ចាញ់​ដាច់​តែម្តង ដោយ​ចៅក្រម​ទាំង​៥​រូប​ឲ្យគេ​ចាញ់​ទាំងអស់។

ធាន ពុធ បាន​ដណ្តើម​ប្រៀប​ឈ្នះ​លើ​ចាន់​នឿន តាំងពី​ក្នុង​ទឹក​ទី​១​មកម្ល៉េះ ដោយ​បា ន​វាយ​កែង​ឆ្វេង​ត្រូវ​ចិញ្ចើម​ស្តាំ​របស់​ចាន់​នឿន បណ្តាល​ឲ្យ​បែក​ហូរឈាម ដែល​តាម​គ្រូ ពេទ្យ​ឲ្យដឹង​នោះ គឺ​ត្រូវ​ដេរ​៤​ថ្នេរ។

ចាន់​នឿន ក្រៅពី​អន់​ស្នៀត​ប្រដាល់​នោះ គេ​ចាញ់​កម្លាំង​ស៊ុ​ហ្វ​ថែមទៀត គឺ​វាយ​បី​ទឹក​ហត់​ហារ​មាត់​ទៅហើយ ទម្រាំ​ដល់​ចប់​ទឹក​ប្រាំ​ចង់​លើកដៃ​លែង​ចង់​រួច។

ម៉ន វ​ណ្ណី អ្នក​ប្រដាល់​ក្លឹប​ការិយាល័យ​ទី​៥ កងទ័ពជើងគោក បាន​សន្លប់​ក្នុង​ទឹក​ទី​៤ ក្រោយពី​ត្រូវ​រឿង ប៊ុន​រ៉ា អ្នក​ប្រដាល់​ក្លឹប​សំរោង​កោង​ខេត្តបាត់ដំបង ទាត់​ត្រូវ​ឆ្អឹងជំនី​ខាងស្តាំ​នោះ។ ជាមួយនឹង​សន្លប់​នេះ វ​ណ្ណី ត្រូវ​បែក​ឈាម​ដោយសារ​កែង​របស់​ប៊ុន​រ៉ា​ថែមទៀត ហើយ​ត្រូវ​ពេទ្យ​ដេរ​ប្រមាណ​៤​ថ្នេរ។

គេ​កម្រ​ឃើញ​អ្នក​ប្រដាល់​ក្លឹប​ការិយាល័យ​ទី​៥ កងទ័ពជើងគោក របស់លោក​ម៉ាង ម៉ន​សន្លប់​បែបនេះ​ណាស់៕

T-02-21-15-bb-full