បើក​ម៉ូតូ​ទៅ​បុក​ពីក្រោយ​រថយន្ត​Montero​ ដែល​អស់​សាំង​ឈប់​នៅ​ចិញ្ចើម​ផ្លូវ​របួស​បាក់ជើង

ថ្ងៃ សៅរ៍ ទី21 កុម្ភៈ ឆ្នាំ2015 ម៉ោង08:21   ផ្នែក: សន្តិសុខ និង សង្គម    ដោយ: អ.ពៅ​

Pisey-02-2015-21-full-a3

បន្ទាយមានជ័យ ៖ បើក​ម៉ូតូ​ពេលយប់ ​យុវជន​ម្នាក់​រងគ្រោះ​បាក់ជើង​ ដោយសារតែ​បើក​ទៅ​បុក​ពី​ក្រោយ​រថយន្ត​ដែល​ឈប់​ស្ងៀម​លើ​កំណាត់​ផ្លូវជាតិ​លេខ​៥ ខាងលិច​ស្ពាន​ទឹកថ្លា សង្កាត់​ទឹកថ្លា ក្រុង​សិរីសោភ័ណ ខេត្តបន្ទាយមានជ័យ កាលពី​ម៉ោង​៦​និង​៣០​នាទី ថ្ងៃទី​២០ ខែកុម្ភៈ ឆ្នាំ​២០១៥​។

លោក សួន នី​ប៉ូ នាយរង​ការិយាល័យ​នគរបាល​ចរាចរ​ជើង​គោក​នៃ​ស្នងការ​នគរបាល​ខេត្ត​បន្ទាយមានជ័យ​បាន​ឲ្យ​ដឹង​ថា ជនរងគ្រោះ​ដែល​បើក​ម៉ូតូ​ស្មាស​ពណ៌​ខ្មៅ ពាក់​ស្លាក់​លេខ ភ្នំពេញ 1AB 8067 មានឈ្មោះ ខន ពន្លឺ អាយុ​២៣​ឆ្នាំ ជា​និស្សិត UME មាន​ទីលំនៅ​ខេត្តពោធិ៍សាត់ មក​ស្នាក់នៅ​ខេត្តបន្ទាយមានជ័យ បាន​បើក​ម៉ូតូ​ពី​ក្រុង​ប៉ោយប៉ែត​មកកាន់​ទី​រួម​ខេត្តបន្ទាយមានជ័យ ​តាម​ទិសដៅ​ពី​លិចទៅ​កើត ដើម្បី​មក​រៀន​នៅ​សាលា UME នៅ​ថ្ងៃ​សៅរ៍​-​អាទិត្យ ជា​អកុសល​ទៅ​បុក​រថយន្ត​ម៉ាក​Montero ពណ៌​ប្រ​ភេ​ស ពាក់​ស្លាក់​លេខ ភ្នំពេញ 2C 2974 ត្រង់​ខាងក្រោយ​ផ្នែក​ខាងឆ្វេង​ដែល​អស់​សាំង​ឈប់​ចត​នឹង​ចិញ្ចើម​ផ្លូវ ក្នុង​ទិសដៅ​ស្របគ្នា បណ្ដាល​ឲ្យ​ជន​រង​គ្រោះ​បាក់​ភ្លៅ​ខាង​ស្តាំ ចំណែក​ម៉ូតូ​ខ្ទិច​ផ្នែក​ខាងមុខ​ ​និង​រថយន្ត​រង​ការខូចខាត​ខាងក្រោយ​ផ្នែក​ខាងឆ្វេង និង​បែក​កង់​ខាងឆ្វេង​។ ក្រោយ​កើតហេតុ​តៃកុង​រថយន្ត​បាន​នៅ​ជួយ​មើល​ជនរងគ្រោះ ​តែ​លុះដល់​សមត្ថកិច្ច​ទៅ​ដល់​ តៃកុង​ក៏​រត់​គេច​ខ្លួន​បន្សល់ទុក​អ្នក​ដែល​ជិះ​ជាមួយ​ទៅ​ទិញ​សាំង​យក​មក​ចាក់​រថយន្ត​ដើម្បី​យក​មក​រក្សាទុក​ទាំង​ម៉ូតូ​មក​ស្នងការ​នគរបាល​ខេត្ត ជនរងគ្រោះ​ត្រូវ​បាន​ប៉ូលិស​នាំ​យក​ទៅ​សង្គ្រោះ​បន្ទាន់​នៅ​មន្ទីរពេទ្យ​បង្អែក​ស្រុក​មង្គល​បូរី​។

​ ​មូលហេតុ​ដែល​នាំ​ឲ្យ​មាន​គ្រោះថ្នាក់ ដោយសារ​តែ​ម៉ូតូ​បើក​លឿន​ចាំង​ភ្នែក​គេច​មិន​ផុត​ក៏​ទៅ​បុក​នឹង​រថយន្ត​ឈប់​ចត​មាន​ភ្លើង​សញ្ញា​៕

Pisey-02-2015-21-full-aPisey-02-2015-21-full-a1Pisey-02-2015-21-full-a5