កំពង់ស្ពឺ ៖ ស្ត្រីម្នាក់ត្រូវបានក្រុមគ្រួសារប្រទះឃើញចង.កសម្លាប់ខ្លួនដោយក្រមានៅនឹងដើមឈើក្រោយផ្ទះខ្លួនឯងដោយសារតែការប្រចណ្ឌនឹងប្តី ទើបគិតខ្លីសម្លាប់ខ្លួនទាំងនៅវ័យក្មេងតែម្ដង។
ហេតុការណ៍ នេះបានកើតឡើងកាលពីវេលាម៉ោង១៣ និង៤០នាទី ថ្ងៃទី១៥ ខែកុម្ភៈឆ្នាំ២០១៣ ចំណុច ក្នុងភូមិដំបងវិញ ឃុំសង្កែសាទប ស្រុកឱរ៉ាល់ខេត្តកំពង់ស្ពឺ ជាតំបន់ដាច់ស្រយាលមួយ។ ស្ត្រីជនរងគ្រោះក្នុងហេតុការណ៍នោះមានឈ្មោះហេងមុំមានអាយុ២៨ឆ្នាំរស់នៅភូមិឃុំកើតហេតុនិងមានប្តីរស់នៅជាមួយផងដែរ។
ប៉ូលិសឲ្យដឹងថា ក្រោយទទួលព័ត៌មានថាមានស្ត្រី ម្នាក់បានចង.កធ្វើអត្តឃាតសម្លាប់ខ្លួនជំនាញបានចុះទៅពិនិត្យមើលដល់កន្លែងកើតហេតុក្រែងលោជាករណីឃាតកម្មតែក្រោយពិនិត្យសាកសពរកឃើញថាស្ត្រីជនរងគ្រោះពិតជាចង.កធ្វើអត្តឃាតពិតប្រាកដមែន មិនមានជាប់ពាក់ព័ន្ធនឹងករណីឃាតកម្មនោះទេ ដោយស្ត្រីជនរងគ្រោះបានយកក្រមាចង.កទៅនឹងដើមឈើនៅក្រោយផ្ទះខ្លួនឯងដោយគ្មានអ្នកដឹង។
ប្រភពពីអ្នកស្រុកភូមិជិតខាងបានឲ្យដឹងថាស្ត្រីរងគ្រោះក៏ជាមនុស្សមានជំងឺប្រចាំកាយខ្លះដែរតែមិនធ្ងន់ធ្ងរប៉ុន្មានទេ ប៉ុន្តែមានជីវភាពក្រខ្លាំងពេកគ្មានលទ្ធភាពទៅព្យាបាល ហើយក៏ជាមនុស្សមានការប្រចណ្ឌប្តីមិនសូវចេះគិតដែរគឺនិយាយស្តីឲ្យតែរួចពីមាត់ពោលគឺជាមនុស្សគិតខ្លី។
ប្រភពបន្តថា មុនពេលកើតហេតុអ្នកភូមិបានឃើញស្ត្រីជនរងគ្រោះអង្គុយក្នុងផ្ទះជាមួយប្ដី រហូតមានការប្រកែកគ្នាបន្តិចបន្តួច តែគ្មានអ្នកណាចាប់អារម្មណ៍ ដឹងថាស្ត្រីជនរងគ្រោះទៅចង.កសម្លាប់ខ្លួន នោះឡើយទើបនៅម៉ោងខាងលើក៏មានអ្នកឃើញសាកសពបានស្លាប់បាត់ទៅហើយ ដោយការចង.កនឹងក្រមានៅនឹងដើមឈើខាងក្រោយផ្ទះរបស់គេ។
ក្រោយពីពិនិត្យសពជនរងគ្រោះរួចសមត្ថកិច្ចបានកំណត់ជាករណីចង.កនឹងក្រមាហើយត្រូវបានប្រគល់ឲ្យក្រុមគ្រួសារធ្វើបុណ្យតាមប្រពៃណី៕
ច្បារមន
