ភ្នំពេញ ៖ មនុស្សចំនួន៤នាក់បានស្លាប់និង៨នាក់ទៀតរងរបួសធ្ងន់ស្រាល នៅក្នុងឧប្បត្តិហេតុគ្រោះថ្នាក់ចរាចរណ៍កើតឡើងនៅទូទាំងប្រទេសនាថ្ងៃទី១៥ ខែកុម្ភៈ ឆ្នាំ២០១៣ និងបង្កឲ្យខូចខាតយានយន្តសរុប ៩គ្រឿង ក្នុងនោះម៉ូតូ ៥គ្រឿង, រថយន្តធុនតូច ២គ្រឿង, យានផ្សេងៗ ១គ្រឿង និងកង់ ១គ្រឿង។
នាយកដ្ឋានសណ្ដាប់ធ្នាប់ នៃអគ្គស្នងការដ្ឋាននគរបាលជាតិបានឲ្យដឹងថាគ្រោះថ្នាក់ចរាចរកើតឡើងនៅទូទាំងប្រទេសនាថ្ងៃទី១៥ ខែកុម្ភៈ ឆ្នាំ២០១៣ បានកើតចំនួន ៥លើក (យប់ ៤លើក),ថ្ងៃ១លើក បណ្តាលឲ្យមនុស្សស្លាប់ ៤នាក់ (ស្រីម្នាក់), របួសធ្ងន់ ២នាក់ (ស្រីម្នាក់), និងរបួសស្រាល ៦នាក់ (ស្រី ៣នាក់)។
ប្រភពខាងលើឲ្យដឹងបន្តទៀតថាមូលហេតុ ដែលបណ្តាលឲ្យមានគ្រោះថ្នាក់ គឺបណ្តាលមកពីអ្នកបើកបរមិនគោរពសិទ្ធអាទិភាព ២លើក, មិនប្រកាន់ស្តាំ ១លើក, កត្តាយានយន្ត ១លើក, ស្រវឹង ១លើក, ក្នុងនោះគ្រោះថ្នាក់ជិះម៉ូតូមិនពាក់មួកសុវត្ថិភាព ៤នាក់ (យប់ ៤នាក់)។
ចំពោះរថយន្តដែលទទួលរងការផាកពិន័យនៅអង្គភាព នៅថ្ងៃទី១៥ ខែកុម្ភៈ ឆ្នាំ២០១៣នេះ មានចំនួន ១៨៦គ្រឿង គឺរថយន្តទេសចរណ៍ ៣៧គ្រឿង, រថយន្តដឹកអ្នកដំណើរធុនតូច ៩៤គ្រឿង, រថយន្តដឹកអ្នកដំណើរធុនធំ ៩គ្រឿង, រថយន្តដឹកទំនិញធុនតូច ១២គ្រឿង, រថយន្តដឹកទំនិញធុនធំ៣៤គ្រឿង។
រថយន្តទាំងអស់ខាងលើបានបង់ប្រាក់ពិន័យរួចរាល់ នៅអធិការដ្ឋាននគរបាល ស្រុក/ខណ្ឌ ១៤០គ្រឿង និងនៅស្នងការដ្ឋាននគរបាល រាជធានី/ខេត្ត ៤៦គ្រឿង៕
ឌួងវិរៈជ័យ
