ប្រទេស​ហ្វាំងឡង់​នឹង​បន្ត​ជួយ​កម្ពុជា​បន្ថែម​ទៀត

ថ្ងៃ ព្រហស្បតិ៍ ទី19 កុម្ភៈ ឆ្នាំ2015 ម៉ោង10:56   ផ្នែក: ព័ត៌មានជាតិទូទៅ    ដោយ: ស្នាយពល​

M19-02-15-b

ភ្នំពេញ ​៖ ​ឯកឧត្ដម​ Erkki Tuomioja រដ្ឋមន្ត្រីការបរទេស​ហ្វាំ​ង​ឡង់ មាន ប្រសាសន៍​ថា ប្រទេស​ហ្វាំ​ង​ឡង់​នឹង​បន្ត​ជួយ​កម្ពុជា​លើ​គ្រប់​វិស័យ បន្ថែមទៀត ដើម្បី​ចូលរួម​ចំណែក​អភិវឌ្ឍន៍​ព្រះរាជាណាចក្រ​កម្ពុជា។

ឯកឧត្ដម អ៊ាង សុផល្លែត ជំនួយការ​សម្ដេច​តេ​ជោ​បាន​ថ្លែង​ដូច្នេះ​ប្រាប់​អ្នកយកព័ត៌មាន បន្ទាប់ពី​សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា​បានអនុញ្ញាត​ឲ្យ​ឯកឧត្ដម Erkki Tuomioja រដ្ឋមន្ត្រីការបរទេស​ហ្វាំ​ង​ឡង់​ចូលជួប​សម្ដែង​ការគួរសម​នា​រសៀល​ថ្ងៃទី​១៨ ​ខែកុម្ភៈ ឆ្នាំ​២០១៥​នៅ​វិមាន​សន្តិភាព​ក្នុង ខណៈ ដែល​ឯកឧត្ដម​ដឹកនាំ​គណៈប្រតិភូ​មក​បំពេញ​ទស្សនកិច្ច​នៅ កម្ពុជា។

ឯកឧត្ដម Erkki បាន​ជម្រាបជូន​សម្ដេចនាយក​រដ្ឋមន្ត្រី​ថា ដំណើរ ទស្សនកិច្ច​របស់​ឯក​ឧត្ដម​មកកាន់​ព្រះរាជាណាចក្រ​កម្ពុជា នាពេល នេះ គឺ​ដើម្បី​អភិវឌ្ឍន៍​ទំនាក់ទំនង​រវាង​ប្រទេស​ទាំងពីរ​ថែម​មួយ​ជំហានទៀត។ ឯកឧត្ដម​មានប្រសាសន៍​ថា ឯកឧត្ដម​មាន​ចំណាប់អារម្មណ៍​យ៉ាងខ្លាំង ចំពោះ​សេដ្ឋកិច្ច​ដែល​កំពុង​តែ​មាន​ភាព​រស់រវើក នៅក្នុង​ព្រះរាជាណាចក្រ​កម្ពុជា​ នោះ​គឺ​មាន​មោទនភាព​ណាស់​ដែល​សេដ្ឋកិច្ច​នេះ​កំពុងតែ​មានការ​លូតលាស់ ជាពិសេស​ចាប់ផ្ដើម​ពី​កម្ពុជា​ឆ្នាំ​សូន្យ​មក ដែល​ការអភិវឌ្ឍ​នេះ​មាន​ទំហំធំធេង​ណាស់។ ឯកឧត្ដម​រដ្ឋមន្ត្រី​ក៏បាន​ស្នើសុំ​ការ​ស្វែងយល់​ពី​សម្ដេច​តេជោ​នាយករដ្ឋមន្ត្រី​អំពី​ដំណើរ​ទស្សនៈ​នៃ​ការ​អភិវឌ្ឍ​របស់​ប្រទេស​កម្ពុជា​នាពេលខាងមុខ​ទៀត​។​

សម្ដេច​តេជោ​នាយករដ្ឋមន្ត្រី ​បាន​ជម្រាប​ឯកឧត្ដម​រដ្ឋមន្ត្រី​ការ​បរ ទេស​ហ្វាំ​ង​ឡង់​អំពី​ប្រវត្តិ​សង្ខេប​របស់​កម្ពុជា ដែល​ចាប់ផ្ដើម​ពី​បាតដៃ ទទេ​មក ហើយ​ពាក់ព័ន្ធ​នឹង​បញ្ហា​សេដ្ឋកិច្ច​សម្ដេច​បាន​មានប្រសាសន៍​ថា កម្ពុជា​បាន​ដាក់​គោលដៅ​កំណែទម្រង់​លើ​វិស័យ​សេដ្ឋកិច្ច​គឺ​ធ្វើ​យ៉ាងណា​ឲ្យ​មាន​កំណើន​យ៉ាងតិច​៧%​ក្នុង​រយៈពេល​វែង កាត់បន្ថយ​ភាព​ក្រីក្រ​ឲ្យ​បាន​ជាង​១%​ក្នុង​មួយ​ឆ្នាំ និង​ជំរុញ​កំណែទម្រង់​លើ​វិស័យ​ ហិរញ្ញវត្ថុ​សាធារណៈ វិស័យ​តុលាការ ប្រយុទ្ធ​ប្រឆាំង​នឹង​អំពើពុករលួយ និង​កំណែទម្រង់រដ្ឋបាល​សាធារណៈ។ អ្វី​ដែល​ជា​កត្តា​សំខាន់​នោះ​គឺ​រាជរដ្ឋាភិបាល​មាន​យុទ្ធសាស្ត្រ​ចតុកោណ ដែល​អភិបាលកិច្ច​ល្អ​គឺជា​ឆ្អឹងខ្នង​នៃ​យុទ្ធសាស្ត្រ​នេះ៕

M19-02-15-b1

 

M19-02-15-b2