ដើមឈើ​ព្រៃ​មាន​ពក​មាន​ជំនឿ​ដាក់​ក្នុងផ្ទះ​ត្រជាក់ត្រជុំ​

ថ្ងៃ ព្រហស្បតិ៍ ទី19 កុម្ភៈ ឆ្នាំ2015 ម៉ោង10:46   ផ្នែក: ព័ត៌មានជាតិទូទៅ    ដោយ: កញ្ញាវ៉ាត​

Nita-19-A-5-Full

 

ពោធិ៍សាត់ ៖ ប្រភេទ​ដើមឈើ​ព្រៃ​ភាគច្រើន​ឈើ​ខ្លះ ​ជា​ឈើ​សម្រាប់ធ្វើ​ឱសថ​បូរាណ​ដែល​សម័យ​ពី​ដើម​តែង​យក​ទៅ​ព្យាបាល​ជំងឺ​ដង្កាត់​ផ្សេងៗ​។ ក៏ប៉ុន្តែ​ប្រភេទ​ឈើ​ខ្លះទៀត​អាច​កែច្នៃ​ទៅជា​គ្រឿង​សង្ហា​រឹម​លម្អ​ក្នុង​គេហដ្ឋាន​ជាដើម។

បងស្រី នូ សម្ផស្ស ជា​អាជីវ​ករលក់​គ្រឿង​សង្ហា​រឹម​ក្នុង​មូលដ្ឋាន​ខេត្តពោធិ៍សាត់ បាន​ឲ្យ​ដឹង​ថា ជាធម្មតា​ដើម​ព្នៅ (​ក្នុង​រូបភាព​ខាងលើ​) ដើម​បន្លា​ស្អិត គឺមាន​លក្ខណៈ​ធម្មជាតិ​របស់​វា តែបើ​ដើម​ឈើ​ទាំងនោះ​ដុះ​លេចចេញ​ជា​ពក ដូច្នេះ​អាច​ចាត់ទុកជា​អច្ឆរិយៈ​មួយ​កម្រ​ប្រទះ ហើយ​ត្រូវបាន​ចាត់​ទុកថា ចម្លែក​មាន​ភាព​អ្វីមួយ​អស្ចារ្យ​ជាង​ដើមឈើ​ដទៃទៀត​ទើប​មាន​គេ​ទិញ​យកទៅដាក់​ផ្ទះ ដោយ​សន្មត​ថា ការយក​ដើមឈើ​ពក​ទាំងនោះ​ចូលក្នុង​ផ្ទះ​មាន​ភាពត្រជាក់ត្រជុំ​។​

ប្រភេទ​ដើមឈើ​ពក មាន​ដើម​ព្នៅ និង​ដើម​បន្លា​ស្អិត​ក្នុងពេល​សិប្បកម្ម​កែច្នៃ​ដុសខាត់​អាច​លក់​ចេញ​បាន​១​ដើម​៣៥​ដុល្លារ​ទៅតាម​ដើម​តូច​ឬ​ធំ​ ដែល​ទាក់ទាញ​អតិថិជន​រក​ទិញ​ច្រើន​។​

សិប្បកម្ម​លើ​ការកែច្នៃ​ឈើ​ពក​ទាំងនេះ ទើប​តែមាន​វត្តមាន​មួយរយៈ​ឆ្នាំ​ចុង​ក្រោយនេះ​ប៉ុណ្ណោះ ទន្ទឹម​ទៅនឹង​ការគាំទ្រ​ពេញនិយម​ប្រើប្រាស់​ច្រើន​ពី​អតិថិជន​ក្នុងស្រុក ក្នុង​គ្រា​ដែល​កម្ពុ​ជា​មាន​កំណើនសេដ្ឋកិច្ច​ហក់​ឡើង​ខ្ពស់​នោះ​៕