លោក​ ឃែ​រី អំពាវនាវ​ដល់​រដ្ឋមន្ត្រី​ការបរទេស​រុស្ស៊ី​ឲ្យ​បញ្ឈប់​ការវាយប្រហារ​នៅ​អ៊ុយ​ក្រែ​ន​

ថ្ងៃ ព្រហស្បតិ៍ ទី19 កុម្ភៈ ឆ្នាំ2015 ម៉ោង10:20   ផ្នែក: ព័ត៌មានអន្តរជាតិ​ទូទៅ    ដោយ: រឹទ្ធ​

Pisey-02-19-2015-full-H

​ ​រដ្ឋមន្ត្រីការបរទេស​សហរដ្ឋអាមេរិក​លោក​ច​ន​ឃែ​រី (Kerry) បាន​អំពាវនាវ​ដល់​សម​ភាគី រុស្ស៊ី​របស់​លោក​នៅ​ថ្ងៃ​ពុធ​ឲ្យ​បញ្ឈប់​ការវាយប្រហារ​របស់​ពួក​អ្នក​បំបែក​ទៅលើ​ទីក្រុង​យុទ្ធសាស្ត្រ​មួយ​របស់​ប្រទេស​អ៊ុយ​ក្រែ​ន​ និង​ឲ្យ​គោរព​បទ​ឈប់​បាញ់​ដែល​ផុយ​ស្រួយ​មួយ​នោះ​។​

 

ទោះបីជា​ទីក្រុង​ដេ​បាល់​សេវ​នៅ​ភាគ​ខាងកើត​ធ្លាក់​ទៅ​ក្នុង​ដៃ​របស់​ពួក​ឧទ្ទាម​សិទ្ធ​រុស្ស៊ី​ក្រោយ​ពី​ការវាយប្រហារ​យ៉ាង​ខ្លាំង​ក្លា​មួយ​ក៏ដោយ​ ក៏​ពួក​មន្ត្រី​សហរដ្ឋអាមេរិក​និយាយ​ថា បទ​ឈប់​បាញ់​ដែល​ត្រូវ​បាន​សម្របសម្រួល​កាល​ពី​សប្ដាហ៍​មុន​មិនទាន់​ចប់​ឡើយ​ទេ​។​

​ ​ស្រី្ត​អ្នកនាំពាក្យ​ក្រសួងការបរទេស​លោក​ស្រី​ចេ​ន​ផ្សា​គី​(Jen Psaki) និយាយ​ថា លោក​ឃែ​រី បាន​និយាយ​នៅ​ព្រឹក​ថ្ងៃ​ពុធ ជាមួយ​រដ្ឋមន្ត្រីការបរទេស​រុស្ស៊ី លោក​សឺ​ហ្កេ​ឡាវ​រ៉ូ​វ (Sergei Lavrov) និង​បាន​គាបសង្កត់​ឲ្យ​លោក ​"​បញ្ឈប់​ការវាយប្រហារ​របស់​រុស្ស៊ី​ និង​ពួក​អ្នក​បំបែក​ខ្លួន​ទៅលើ​ទីតាំង​ទាំងឡាយ​របស់​អ៊ុយ​ក្រែ​ន​នៅ​ទីក្រុង​ដេ​បាល់​សេវ ហើយ​និង​ការរំលោភ​ផ្សេងៗ​ទៀត​លើ​បទ​ឈប់​បាញ់​"​។​

កងទ័ព​រដ្ឋាភិបាល​ដែល​អស់កម្លាំង​រាប់​រយ​នាក់​បាន​ដកថយ​ចេញពី​ទីក្រុង​ដែល​ជា​មជ្ឈមណ្ឌល​ផ្លូវដែក​យុទ្ធសាស្ត្រ​មួយ​ ស្ថិតនៅ​ចន្លោះ​ទីក្រុង​ដូ​ណេ​ត​ និង​ទីក្រុង​លូ​ហ្កាំ​ង​ដែល​គ្រប់​គ្រង​ដោយ​ឧទ្ទាម​នៅពេល​ពួក​បំបែក​ខ្លួន​អះអាង​ថា កំពុង​ត្រួតត្រា​ទាំងស្រុង​នោះ​៕​