សៀមរាប ៖ មានភាពស្ងប់ស្ងាត់ជិតមួយឆ្នាំមកហើយចំពោះឃាតកម្មអារ.កសម្លាប់មនុស្សដ៏សាហាវបំផុតនៅក្នុងខេត្តសៀមរាប តែពេលនេះមានអំពើឃាតកម្មអារ.កសម្លាប់មនុស្សប្រុសស្រីពីរនាក់បងប្អូនដ៏សាហាវមួយបានកើតទ្បើង ខណៈពេលជនរងគ្រោះទាំងពីរនាក់បងប្អូនកំពុងដេកលង់លក់នៅឯខ្ទម ចាំចំការឈូកនោះ។
ករណីឃាតកម្មអារ.កសម្លាប់ដ៏សាហាវព្រៃផ្សៃទៅលើមនុស្សប្រុសស្រីពីរនាក់ ដែលដេកចាំចំការនៅវាលក្រោមដ៏អាណោចអាធ័មនេះបានកើតទ្បើងកាលពីវេលាម៉ោង១២ ឈានចូលថ្ងៃទី១៣ ខែ កុម្ភៈ ឆ្នាំ ២០១៣ នៅក្នុងចំការ ស្ថិតនៅក្នុង ចំណុចត្រពាំងដងរ៉ែក ឃុំ អន្លង់សំណរ ស្រុកជីក្រែង ខេត្តសៀមរាប។
ជនរងគ្រោះដែលត្រូវឃាតករដ៏សាហាវព្រៃផ្សៃអារ.កសម្លាប់ទាំងពីរនាក់បងប្អូននេះមានឈ្មោះ ឈាង សុខ អាយុ៣១ឆ្នាំ មានទីលំនៅក្នុងភូមិ ចែកខ្សាច់ក្រោម ឃុំ អន្លង់សំណរ ស្រុកជីក្រែង ខេត្តសៀមរាប មានមុខរបរជាធ្វើស្រែ ហើយជនរងគ្រោះម្នាក់ទៀតត្រូវជាប្អូនស្រីនោះមានឈ្មោះ ឈាង ជា ភេទ ស្រី អាយុ ១៨ឆ្នាំ មានទីលំនៅជាមួយបងប្រុសខាងលើ។
ករណីខាងលើមន្ត្រីប៉េអឹមស្រុកជីក្រែងបានសន្និដ្ឋានជា ជំហានដំបូងថា ជនរងគ្រោះទាំងពីរនាក់បងប្អូន បានស្លាប់ដោយសាររឿងគំនុំ ហើយឃាតករដៃដល់ដ៏សាហាវព្រៃផ្សៃនោះបានសម្លាប់ជនរងគ្រោះដោយអារ.ក។ បក្ខពួកជនដៃដល់គេសង្ស័យថាអាចមានគ្នាមិនតិចជាង២ទៅ៤នាក់នោះទេ។ នៅកន្លែងកើតហេតុ គេបានបន្សល់ទុកនូវដំបងច្រវាក់ ដែលជនដៃដល់ទាំងនោះបានប្រើប្រាស់ក្នុងពេលធ្វើសកម្មភាព។
មន្ត្រីប៉េអឹមស្រុកជីក្រែងបានបន្តទៀតថា នៅពេលនេះកម្លាំងសមត្ថកិច្ចចម្រុះកំពុងតែធ្វើការស្រាវជ្រាវដើម្បីស្វែងរកចាប់ខ្លួនឃាតករដ៏សាហាវព្រៃផ្សៃនេះយកមកកាត់ទោសទៅតាមផ្លូវច្បាប់ឲ្យទាល់តែបាន៕
គឿនវ៉េត
