ក្រុមប្រឹក្សាភិបាល​នៃ​កម្មវិធី​សម្ព័ន្ធភាព​ប្រែប្រួល​អាកាសធាតុ​កម្ពុជា បើក​កិច្ចប្រជុំ​ធំ​ចំ​ថ្ងៃ​សែន​ចូលឆ្នាំ​ចិន និង​វៀតណាម

ថ្ងៃ ព្រហស្បតិ៍ ទី19 កុម្ភៈ ឆ្នាំ2015 ម៉ោង08:54   ផ្នែក: ព័ត៌មានជាតិទូទៅ    ដោយ: ឌួងវិរៈជ័យ​

Pisey-02-19-2015-full-E

ភ្នំពេញ​ ៖​ ក្រុមប្រឹក្សាភិបាល​នៃ​កម្មវិធី​សម្ព័ន្ធ​ភាព​ប្រែប្រួល​អាកាសធាតុ​កម្ពុជា (Cambodia Climate Change Alliance: CCCA) បាន​បើក​កិច្ចប្រជុំ​ក្រុមប្រឹក្សាភិបាល​លើក​ទី​៩ នៅ​ទីស្ដីការ​ក្រសួងបរិស្ថាន​កាលពី​ព្រឹក​ថ្ងៃទី​១៨ ខែកុម្ភៈ ឆ្នាំ​២០១៥ ស្រប​ពេល​ដែល​ប្រជាជន​កាត់​ខ្មែរ ចិន​ និង​វៀតណាម ចូលឆ្នាំ​។​

លោក សាយ សំ​អាល់ រដ្ឋមន្ត្រី​ក្រសួងបរិស្ថាន និង​ជា​ប្រធាន​ក្រុមប្រឹក្សាភិបាល​នៃ​កម្មវិធី​សម្ព័ន្ធភាព​ប្រែប្រួល​អាកាសធាតុ​កម្ពុជា (Cambodia Climate Change Alliance: CCCA) បាន​ដឹកនាំ​កិច្ច​ប្រជុំ​ក្រុមប្រឹក្សាភិបាល​លើក​ទី​៩ ដោយមាន​ការ​អញ្ជើញ​ចូលរួម​ពី​សមាជិក​ក្រុមប្រឹក្សាភិបាល​មកពី​ក្រសួង​ធនធានទឹក និង​ឧតុនិយម​, ក្រសួងកសិកម្ម រុក្ខាប្រមាញ់ និង​នេសាទ​, ក្រសួង​សេដ្ឋកិច្ច និង​ហិរញ្ញវត្ថុ និង​តំណាង​ដៃគូ​អភិវឌ្ឍន៍ រួមមាន សហភាព​អឺរ៉ុប (EU), ទីភ្នាក់ងារ​អភិវឌ្ឍន៍​អន្តរជាតិ​នៃ​ប្រទេស​ស៊ុយអែត (SIDA), និង​កម្មវិធី​អភិវឌ្ឍន៍​សហប្រជាជាតិ​ប្រចាំ​កម្ពុជា (UNDP) ព្រមទាំង​អ្នក​សង្កេតការណ៍​មកពី​ស្ថាប័ន​ពាក់ព័ន្ធ​មួយចំនួន​ផ្សេងទៀត​។

លោក​រដ្ឋមន្ត្រី​ក្រសួងបរិស្ថាន និង​ជា​ប្រធាន​ក្រុមប្រឹក្សាភិបាល​នៃ​កម្មវិធី​សម្ព័ន្ធភាព​ប្រែប្រួល​អាកាសធាតុ​កម្ពុជា​បាន​គូសបញ្ជាក់​ពី​ទំនើបកម្ម និង​កំណែទម្រង់​រចនាសម្ព័ន្ធ​ថ្មី​របស់​ក្រសួងបរិស្ថាន ដើម្បី​ឆ្លើយតប​នឹង​កិច្ចការពារ​គុណភាព​បរិស្ថាន ការ​អភិរក្ស​ជីវៈ​ចម្រុះ និង​ការ​ធានា​បាន​នូវ​ជីវភាព​រស់នៅ​ប្រកបដោយ​និរន្តរភាព។​

លោក​ក៏បាន​បង្ហាញ​អំពី​សារៈសំខាន់ និង​វឌ្ឍនភាព​នៃ​កម្មវិធី CCCA ដើម្បី​ជួយ​គាំទ្រ​ទស្សនវិស័យ​របស់​កម្ពុជា​ឆ្ពោះ​ទៅ​រក​សង្គម​មួយ​ដែល​បៃតង និង​បញ្ចេញ​កាបូន​តិច​។ ឯកឧត្តម ទិន ពន្លក អគ្គលេខាធិការ​ក្រុមប្រឹក្សា​ជាតិ​អភិវឌ្ឍន៍​បៃតង​នៃ​ក្រសួងបរិស្ថាន និង​ជា​នាយក​កម្មវិធី CCCA បាន​ធ្វើ​របាយការណ៍​អំពី​សមិទ្ធផល​សំខាន់ៗ​ដែល​កម្មវិធី CCCA សម្រេច​បាន​ក្នុង​ដំណាក់កាល​ទី​១ ៕​