មន្ត្រី​សាខា​កាំកុងត្រូល​ខេត្ត​ព្រះសីហនុ​ ចុះ​ត្រួតពិនិត្យ​គុណភាព​ទំនិញ​ម្ហូបអាហារ​នៅ​តាម​ទីផ្សារ​ក្នុង​ឧកាស​បុណ្យចូលឆ្នាំ​ចិន-វៀតណាម

ថ្ងៃ ព្រហស្បតិ៍ ទី19 កុម្ភៈ ឆ្នាំ2015 ម៉ោង07:54   ផ្នែក: សន្តិសុខ និង សង្គម    ដោយ: កោះពស់​

Pisey-02-19-2015-full-a3

ព្រះសីហនុ ៖ ក្នុង​ឧកាស​បុណ្យចូលឆ្នាំ​ចិន-វៀតណាម​ ឆ្នាំ​២០១៥​នេះ ​មន្ត្រី​កាំកុងត្រូល​ខេត្ត​ព្រះសីហនុ បាន​ចុះ​ធ្វើការ​ពិនិត្យ​គុណភាព​ម្ហូបអាហារ​ ជាពិសេស​គឺ​ទំនិញ​វេច​ខ្ចប់​រួច​ដែល​បងប្អូន​អាជីវករ​កំពង់​ធ្វើ​ចរាចរណ៍​ដាក់​តាំង​លក់ដូរ​ក្នុង​ផ្សារ​ទំ​បន់​រលក ​ស្ថិត​នៅ​ក្នុង​សង្កាត់​លេខ​១ ​ក្រុង​ព្រះសីហនុ ​ក៏​ដូចជា​ទីផ្សារ​នានា​មួយ​ចំនួន​ទៀត​ក្នុង​ក្រុង/ខេត្ត​ព្រះសីហនុ។​

មន្ត្រី​សាខា​កាំកុងត្រូល​មាន​ប្រសាសន៍​ប្រាប់​ឲ្យ​ដឹង​ថា​ កា​ចុះ​ពិនិត្យ​នេះ​គឺ​ផ្ដោត​ជា​សំខាន់​ទៅ​លើ​ការ​គុណភាព​ផលិតផល​ម្ហូបអាហារ​ចំរុះ​ដូចជា​ អាហារ​សមុទ្រ មិគ បង្គា ក្តាម​ផ្លា​សេ​រូ​ម​ និង​គ្រឿង​កំប៉ុង ផលិតផល​ច្រក​ដប ផលិតផល​វេច​ខ្ចប់​ក្នុង​ថង់​ប្លាស្ទិក​ និង​រកមើល​ពី​ការ​វេលា​កំណត់​ថ្ងៃ​ប្រើប្រាស់ ​រួម​នឹង​ផលិតផល​ផ្សេងៗ ​ជាពិសេស​គឺ​ទំនិញ​វេច​ខ្ចប់​រួច​ ដែល​អាជីវករ​ទូទៅ​ដាក់​លក់​នៅ​លើ​ទីផ្សារ​ជៀសវាង​មានការ​ដាក់​តាំង​បន្លំ​នៅ​ផលិតផល​ខូចគុណភាព​ និង​ទប់ស្កាត់​ការ​ចរាចរណ៍​ទំនិញ​ម្ហូបអាហារ​មិនល្អ​ ជួយ​ការពារ​សុខភាព​ប្រជាពលរដ្ឋ​ ក៏​ដូចជា​អ្នក​ទេសចរណ៍​ផង​ដែរ​។​ ប៉ុន្តែ​ជា​លទ្ធផល​សម្រាប់​ការ​ចុះ​ត្រួតពិនិត្យ​នេះ ​មន្ត្រី​សាខា​កាំកុងត្រូល​រក​មិនឃើញ​អ្វី​គួរ​ឲ្យ​កត់សម្គាល់​នោះ​ទេ​។​ នេះ​សរ​បញ្ជាក់​ឲ្យ​ឃើញថា​ បងប្អូន​អាជីវករ ​ពួកគាត់​មានការ​យល់​ដឹង​បាន​ច្បាស់លាស់​ពី​ផល​ប៉ះពាល់​សុខភាព​មនុស្ស​ទូទៅ​។​ តែ​ទោះជា​យ៉ាង​ណា​ក្តី​ មន្ត្រី​កាំកុងត្រូល​នៅតែ​ធ្វើការ​ណែនាំ​ទៅ​ដល់​បងប្អូន​ជា​អាជីវករ​ទាំងអស់​ឲ្យ​មានការ​យល់ដឹង​បន្ថែម​ទៀត​ និង​រួម​គ្នា​លុបបំបាត់​ឲ្យ​បាន​ទាំង​ស្រុង​នៅ​ការ​ដាក់​តាំង​លក់​ផលិតផល​ខូច​គុណភាព​ផុតកំណត់​នៃ​ការប្រើប្រាស់​៕

Pisey-02-19-2015-full-aPisey-02-19-2015-full-a1Pisey-02-19-2015-full-a6