អ្នកគាំទ្រ​ក្លិប Chelsea​ នាំគ្នា​អុកឡុក​នៅ​ខាងក្រៅ​ពហុកីឡដ្ឋាន Parc des Princes

ថ្ងៃ ពុធ ទី18 កុម្ភៈ ឆ្នាំ2015 ម៉ោង18:31   ផ្នែក: ព័ត៌​មានកីឡា    ដោយ: សារ៉ាត់​

Nita-18-A-43-Full

 

 

អ្នកគាំទ្រ​របស់​ក្លិប Chelsea ​ត្រូវបាន​ក្រុម​នគរ​បាល​បារាំង​បាញ់​ឧស្ម័ន​បង្ហូរទឹកភ្នែក​ទៅ​លើ ក្រោយពី​ពួកគេ​បាន​អុកឡុក​នៅ​ខាងក្រៅ​ពហុកីឡដ្ឋាន Parc des Princes ទាំង​មុន និង​ក្រោយ​ការប្រកួត​កាលពី​យប់​ថ្ងៃ​អង្គារ​។​

សេចក្តីរាយការណ៍​បាន​ឲ្យ​ដឹងថា អ្នកគាំទ្រ​ក្រុម​ភ្ញៀវ​ប្រមាណ​ជា​២០០​នាក់ បាន​បង្កបញ្ហា​នៅក្នុង​រដ្ឋធានី​ប៉ារីស​របស់​ប្រទេស​បារាំង ហើយ​​ដើម្បី​ចាត់វិធានការ​បន្ធូរបន្ថយ​ភាព​តាន​តឹង ក្រុម​នគរ​បាល​ក៏​សម្រេច​បាញ់​ឧស្ម័ន​បង្ហូរទឹកភ្នែក​ទៅលើ​ពួកគេ​។​

ទោះបីជា​យ៉ាងណា​ក៏ដោយ ក្នុង​ហេតុការណ៍​បង្ក្រាប​នេះ មិនទាន់​មាន​សេចក្តីរាយការណ៍​ណាមួយ​បញ្ជាក់​ពី​អ្នកមាន​របួស​នោះទេ ប៉ុន្តែ​ក្លិប Chelsea ​អាច​នឹង​ប្រឈម​នឹង​វិធានការ​ណាមួយ​ពី​សមាគម​បាល់ទាត់​អឺរ៉ុប UEFA។​

សូមបញ្ជាក់ថា នេះ​គឺជា​លើក​ទី​២​ហើយដែល​​ហេតុការណ៍​ប៉ះទង្គិច​គ្នា​រវាង​ក្រុម​នគរ​បាល នឹង​អ្នកគាំទ្របាល់ទាត់​អង់គ្លេស​នៅក្នុង​រដូវ​​កាល​​នេះ ជាក់ស្តែង​កាលពី​ខែតុលា​កន្លងទៅ ក្រុម​អ្នកគាំទ្រ​របស់​ក្លិប Everton ​ត្រូវបាន​ក្រុម​នគរ​បាល​បង្ក្រាប​ដូចគ្នា មុន​ការប្រកួត Europa League ជាមួយ​ក្រុម Lille

អ្នកគាំទ្រ​ម្នាក់​ត្រូវបាន​បញ្ជូនទៅ​សង្គ្រោះបន្ទាន់​នៅឯ​មន្ទីរពេទ្យ ដោយសារ​មាន​ស្នាមរបួស​យ៉ាងធ្ងន់ត្រង់​ភ្នែក​ឆ្វេង​របស់គាត់​៕

Nita-18-A-44-Full