ជនសង្ស័យ​ក្នុង​ម្នាក់​ក្នុងចំណោម​២​នាក់​ត្រូវ​ចាប់ខ្លួន​ពី​បទ​ឆក់​ការ​បូ​ប​ជនបរទេស

ថ្ងៃ ច័ន្ទ ទី26 មករា ឆ្នាំ2015 ម៉ោង15:02   ផ្នែក: សន្តិសុខ និង សង្គម    ដោយ: កោះពស់​

T-01-26-15-j-full

ព្រះសីហនុ ៖ ជនសង្ស័យ​ម្នាក់​ក្នុងចំណោម​បក្ខ​ពូក​ចំនួន​២​នាក់​ត្រូវ​បាន​សមត្ថកិច្ច​ប៉ូលិស​ចរាចរណ៍​ស្ទាក់​ចាប់​ខ្លួន​បាន​ភ្លាមៗ​ជា​មួយនឹង​ម៉ូតូ​១​គ្រឿងក្នុង​បទល្មើស​ជាក់ស្តែង​ខណៈ​ពេល​ជនសង្ស័យ​រូប​នេះ​ជិះ​ម៉ូតូឌុប​គ្នា​ធ្វើ​សកម្មភាព​ឆក់​កាបូបស្ពាយ​របស់​ជន​រង​គ្រោះជា​ជនបរទេស​២​នាក់​ប្តី​ប្រពន្ធ​ធ្វើដំណើរ​តាម​ដងផ្លូវ​ត្រង់​ចំណុច​ផ្លូវ​ឡើង​ចំណោទ​ក្បែរ​កន្ទុយ​នាគ​(​តំបន់ភ្នំ​ពយ​តាម​មូង​)​ស្ថិត​ក្នុងភូមិ​៤​សង្កាត់​លេខ​៤​ក្រុងព្រះសីហនុ​កាល​ពី​វេលា​ម៉ោង​ប្រមាណ​១១​និង​១៥​នាទី​ថ្ងៃទី​២៦​ខែមករា​ឆ្នាំ​២០១៥។

ជនសង្ស័យ​បាន​ឲ្យ​ដឹង​ថា ជនសង្ស័យ​ដែល​សមត្ថកិច្ច​ធ្វើការ​ឃាត់ខ្លួន​នេះ​មានឈ្មោះ​មុំ សៅ ភេទ​ប្រុស អាយុ​២៥​ឆ្នាំ មាន​មុខរបរ​មិន​ពិតប្រាកដ​រីឯ​ម៉ូតូ​ដែល​ជនសង្ស័យ​ជិះ​ធ្វើ​សកម្មភាព​ហើយ​ត្រូវ​ម៉ូតូ​ដកហូត​បាន​នោះ​ម៉ាក​ហុងដា​សេរី​ឆ្នាំ​២០១៤​ពាក់​ស្លាក​លេខ​ព្រះសីហនុ​1B-4563​ពណ៌ខ្មៅ។ ចំណែក​បក្ខ​ពូក​ម្នាក់ទៀត​(​មិន​ស្គាល់​អត្តសញ្ញាណ​)​រត់​រួ​ចខ្លួន។

ជុំវិញ​ករណី​ចាប់​ជនសង្ស័យ​ខាងលើ​នេះ​ត្រូវ​បាន​សាក្សី​ជាច្រើន​រស់នៅ​ចំណុច​កើតហេតុ​បាន​និយាយប្រាប់​ឲ្យ​ដឹង​ថា មុន​ពេល​កើតហេតុ​ជនរងគ្រោះ​២​នាក់​ប្តី​ប្រពន្ធ​(​ជនបរទេស​)​ធ្វើដំណើរ​នៅ​ចំណុចកើតហេតុ​លុះ​ក្រោយមក​ក៏​លិច​មុខ​ជនសង្ស័យ​ទាំងពីរ​នាក់​ជិះ​ម៉ូតូ​មួយ​គ្រឿង​ឌុប​គ្នា​មក​ធ្វើ​សកម្មភាព​ឆក់​តែម្តង​បណ្ដាល​ឲ្យ​ជនរងគ្រោះ​ជា​ប្រពន្ធ​ដួល​បោក​ទៅ​និង​ផ្លូវថ្នល់​បែកក្បាល​របូស​ធ្ងន់​ប៉ុន្តែ​សំណាងអាក្រក់​ភ្លាមៗ​ជនសង្ស័យ​ត្រូវ​បាន​ប៉ូលិស​ចរាចរ​ដែល​ឈរ​យាម​តាម​គោលដៅ​នៅ​ក្បែរៗ​ចំណុច​កើត​ហេ​ត​ធ្វើការ​ស្ទាក់​ចាប់​ខ្លួន​បាន​ម្នាក់​និង​ម៉ូតូ​មួយ​គ្រឿង​និង​ម្នាក់​រត់​រួច​ខ្លួន​ក្នុងពេលនោះ​ផង​ដែរ។

បច្ចុប្បន្ន ជនសង្ស័យ កំពុង​ត្រូវ​បាន​កំលាំង​សមត្ថកិច្ច​សាកសួរ និង​កសាង​សំណុំរឿង​បញ្ជូន​ទៅកាន់​សាលា​ដំបូង​ខេត្ត​ចាត់ការ​តាម​នីតិ​វិធី​ច្បាប់​ចំណែក​បក្ខ​ពូក​ម្នាក់ទៀត​ដែល​រត់គេច​ខ្លួន​សមត្ថកិច្ច​ប៉ូលិស​កំពង់​បន្ត​ចុះ​ធ្វើការ​ស្រាវជ្រាវ​ចាប់​ខ្លួន​ផង​ដែរ៕