ពោធិ៍សាត់ ៖ យុវជនម្នាក់ត្រូវបានឪពុកម្ដាយក្មេងស្រីរងគ្រោះប្ដឹងនគរបាលឲ្យឃាត់ខ្លួនពីបទចាប់បង្ខាំងកូនស្រីរបស់គាត់យកទៅចាក់សោទ្វារ រួចចាប់រំលោភ ពេលរូបនាងទៅរៀន ហើយពង្រត់កូនស្រីរបស់គាត់បន្ទាប់ពីរំលោភរួច។
ហេតុការណ៍នៃការចាប់ជនកំហូចនេះកាលពីវេលាម៉ោង៥និង៣៥នាទីថ្ងៃទី២៥ ខែធ្នូ ឆ្នាំ២០១២ លើផ្លូវជាតិលេខ៥ ត្រង់ចំណុចស្ពានបឹងវេង ស្ថិតក្នុងភូមិនិគម ឃុំស្វានដូនកែវ ស្រុកបាកាន ខេត្តពោធិ៍សាត់។
លោកកុយ បូរ៉ា នាយប៉ុស្ដិ៍រដ្ឋបាលឲ្យកម្ពុជាថ្មីដឹងថា ស្ត្រីម្នាក់ឈ្មោះ ទេសចាន់ទ្រា នៅភូមិព្រៃកន្ទួត ឃុំ តាលោ ស្រុកបាកាន បានប្ដឹងសមត្ថកិច្ចថា កូនស្រីវ័យ១៤ឆ្នាំរបស់គាត់ឈ្មោះ ព.ន.ល ត្រូវបានយុវជនជាជនសង្ស័យម្នាក់ឈ្មោះ ម៉ៅ គុជ អាយុ២២ឆ្នាំនៅភូមិជាមួយគ្នាចាប់បង្ខាំងពេលនាងទៅសាលារៀន យកទៅរំលោភ ហើយពង្រត់នាងទៀត។ បន្ទាប់ពីទទួលបានពាក្យបណ្ដឹងរួចរូបលោកក៏បានដឹកនាំកម្លាំងស្ទាក់ចាប់បាននៅចំណុចខាងលើតែម្ដង។ ជាមួយនឹងការចាប់បាន ជនសង្ស័យគុជ ម៉ៅ និងក្មេងស្រីរងគ្រោះដែលគេពង្រត់តាមរយៈការជិះម៉ូតូទៅទិសខាងលិចនោះ ក្មេងស្រីរងគ្រោះបាននិយាយថា ជនសង្ស័យកាលពីថ្ងៃទី២៤ ខែធ្នូ ឆ្នាំ២០១២ ពេលរូបនាងចេញពីផ្ទះភូមិព្រៃកន្ទួតទៅរៀននៅវិទ្យាល័យតាលោស្រាប់តែជននេះបានទូរស័ព្ទហៅនាងឲ្យទៅផ្ទះគេមួយភ្លែតនៅវេលាម៉ោង១និង៣០នាទីខណៈនោះនាងក៏ទៅដល់ ជននេះក៏ចាក់សោទ្វាជាប់ ហើយរំលោភបានសម្រេច២ដងរហូតដល់ម៉ោង៧និង៣០នាទីយប់ថ្ងៃទី២៤ ដដែល បានចាប់នាងឲ្យជិះម៉ូតូទៅជាមួយគេដេកនៅឯឃុំរំលេចមួយយប់ទៀត។ ទើបទៀបភ្លឺថ្ងៃទី២៥ ខែធ្នូ ឆ្នាំ២០១២ ក៏ចាប់នាងជិះម៉ូតូទៅជាមួយគេទៀត។ លុះជិះឡើងផ្លូវជាតិលេខ៥ឆ្ពោះទៅទិសខាងលិចដល់ចំណុចខាងលើក៏ត្រូវនគរបាលចាប់បានតែម្ដង។
នៅព្រឹកថ្ងៃទី២៦ ខែធ្នូ ឆ្នាំ២០១២នៅទ្រុងដែកស្នងការខេត្តយុវជននេះនិយាយសារភាពថា ការពិតគេត្រូវរ៉ូវគ្នាទេ ដោយរស់នៅភូមិជាមួយគ្នាដេកជាមួយគ្នាបាន៨លើកហើយ តែចុងក្រោយឪពុកម្ដាយនាងដឹងក៏ព្យាយាមនាំនាងរត់ ក៏ត្រូវនគរបាលចាប់បានតែម្ដង។
លោក ហៀង ស៊ីថា នាយការិយាល័យជួញដូរមនុស្សនិងការពារអនីតិជនឲ្យដឹងថា ករណីនេះគឺកំពុងបំពេញបែបបទសំណុំរឿងទៅតុលាការជាមួយជនសង្ស័យដើម្បីដាក់ទោសតាមអំពើរបស់ខ្លួនដែលបានប្រព្រឹត្តិ៕
លានគ្រន
