ស្ត្រី​ម្នាក់​សម្រាល​កូន​ក្នុង​បន្ទប់​ទឹក ​ដោយ​អត់​ដឹង​ខ្លួន​ឯង​មាន​ផ្ទៃ​ពោះ

ថ្ងៃ ច័ន្ទ ទី26 មករា ឆ្នាំ2015 ម៉ោង13:13   ផ្នែក: សន្តិសុខ និង សង្គម    ដោយ: ឌីរៀ​

26-1-15-sp-4

 

ភ្នំពេញ ៖ ស្រ្តី​ម្នាក់​បាន​ឆ្លង​ទន្លេ​ក្នុង​បន្ទប់​ទឹក​បាន​កូន​ស្រី​មួយ ខណៈ​ចូល​បត់​ជើង​ក្នុង​បង្គន់​ហើយ​ក៏​ស្រែក​ឱ្យ​គេ​ជួយ​ រួច​ត្រូវ​អ្នក​ជិត​ខាង​ ហៅ​គ្រូ​ពេទ្យ​ឆ្មប​មក​ជួយ​សម្អាត​ម្តាយ​​និង​កូន ដើម្បី​ចាក់​ថ្នាំ ហើយ​ម្តាយ​អះអាង​ថា​ អត់​ដឹង​ខ្លួន​ឯង​មាន​ផ្ទៃ​ពោះ​ជាមួយ​នរណា​នោះ​ទេ​​។

ហេតុការណ៍​ភ្ញាក់​ផ្អើល​នេះ​​កើត​ឡើង​កាល​ពី​វេលា​ម៉ោង ១០និង​១០​នាទី ព្រឹក​ថ្ងៃ​ទី​២៦ ខែ មករា ឆ្នាំ​២០១៥ នៅ​ចំណុច​ផ្ទះ​ជួល​ស្ថិត​ក្នុង​ភូមិ​​មិត្ត​ភាព សង្កាត់​ឫស្សីកែវ ខណ្ឌ​ឫស្សីកែវ ។
បើ​តាម​គ្រូ​ពេទ្យ​នៃ​គ្លីនិច​ហ្សាកាលីន បាន​បញ្ជាក់​ថា ទាំង​ម្តាយ​និង​កូន​ស្រី ក្រោយ​ពេល​សម្រាល នៅ​ក្នុង​បន្ទប់​ទឹក​​នោះ គឺ​មាន​សុខ​ភាព​ធម្មតា​ទេ​ ប៉ុន្តែ​ទារិការ​អភព្វ​ដែល​កើត​នៅ​ក្នុង​បង្គន់​នោះ មាន​ទម្ងន់​តែ​ជាង​២​គីឡូក្រាម​ប៉ុណ្ណោះ ដោយ​គ្រូ​ពេទ្យ​និយាយ​ថា​ យើង​នៅ​តាម​ដាន ទារិកា​នោះ​បន្ត​ទៀត​ ព្រោះ​វា​អាច​កើត​មក​មិន​គ្រប់​ខែ​៕

26-1-15-sp-4