ភ្នំពេញ ៖ លោកអភិបាលខណ្ឌដង្កោនិងលោកឧកញ៉ា លាង ម៉េង អគ្គនាយក ក្រុមហ៊ុន ខ្មែរប្រ៊ូវើរី បានអញ្ជើញចុះពិនិត្យមើលការដ្ឋានសាងសង់អគារ ចំនួនបីខ្នងសំរាប់ខណ្ឌដង្កោដែលជាអំណោយដ៏ថ្លៃថ្លារបស់សមេ្តចអគ្គមហាសេនាបតីតេជោ និងលោកជំទាវកិតិ្តព្រឹទ្ធបណ្ឌិតតាមរយៈក្រុមហ៊ុនខ្មែរប្រ៊ូវើរី លីមីធីត ដែលបាននឹងកំពុងធ្វើការសាងសង់យ៉ាងមមាញឹក កាលពីថ្ងៃទី១៣ ខែកញ្ញាឆ្នាំ២០១២។
អគារទាំងបីខ្នងខាងលើនេះរួមមាន សាលប្រជុំសាលាខណ្ឌមួយខ្នង អគារការិយាល័យកងរាជអាវុធហត្ថខណ្ឌមួយខ្នង និងអគារការិយាល័យនគរ បាលខណ្ឌមួយខ្នង សរុបជាទឹកប្រាក់ចំនួន ២៤០០០០ដុល្លារអាមេរិកបាន ចាប់ដំណើរការសាងសង់ចាប់ពីថ្ងៃទី២៥ខែមិថុនាឆ្នាំ២០១២ រហូតមកដល់ បច្ចុប្បន្ននេះសំរេចបានប្រមាណជា៦០ភាគរយហើយៗនឹងគ្រោងបញ្ចប់ការសាង សង់ឲ្យបានរួចរាល់ជាស្ថាពរនៅដើមឆ្នាំ២០១៣ខាងមុខនេះ។
នៅក្នុងឱកាសចុះពិនិត្យការដ្ឋានសាងសង់នេះលោក នុត ពុធដារ៉ា អភិបាលខណ្ឌដង្កោនិងលោកឧកញ៉ា លាង ម៉េង បានផ្តាំផ្ញើដល់អ្នកម៉ៅការ សាងសង់អគារទាំងបីខ្នងនេះដោយជំរុញការងារសាងសង់ ឲ្យបានរួចរាល់ ជាសា្ថពរតាមផែនការដែលបានកំណត់និងធ្វើយ៉ាងណាធានាឲ្យបាននូវគុណ ភាពសំណង់ព្រមទាំងសោភ័ណភាពផងដែរ៕
វត្តី
