កីឡាករ​Angel di Maria​ទទួល​បាន​ការតែងតាំង​ជា​កីឡាករ​ឆ្នើម​ប្រចាំខែ​របស់​ក្លឹប​Man Utd

ថ្ងៃ សុក្រ ទី03 តុលា ឆ្នាំ2014 ម៉ោង17:31   ផ្នែក: ព័ត៌​មានកីឡា    ដោយ: ហង្សទេព​

M03-10-14-x-full

បន្ទាប់ពី​មានការ​ចាប់ផ្តើម​អាជីព​ដ៏​គួរ​ឲ្យ​ចាប់អារម្មណ៍​រួចមក​នោះ ឥឡូវនេះ ​កីឡាករ Angel di Maria​ទទួល​បាន​ការតែងតាំង​ជា​កីឡាករ​ឆ្នើម​ប្រចាំ​ខែ​កញ្ញា​របស់​ក្លឹប​បិសាច​ក្រហម Man Utd កីឡាករ​តម្លៃ​ខ្លួន​ឯតទគ្គ​កម្ម​របស់​ក្លឹប​យក្ស​អង់គ្លេស​មួយ​នេះ បាន​ក្លាយជា​កីឡាករ​ដ៏​មាន​សក្តានុពល​ផងដែរ​របស់​អ្នកចាត់ការ Louis van Gaal នៅក្នុង​ទឹកដី Old Trafford​ជាមួយ​សន្លឹកឆ្នោត ៦៨​សំឡេង។

ដោយឡែក​កីឡាករ Ander Herrera​និង​កីឡាករ Rafael​ម្នាក់ៗ​ទទួលបាន​២៣ និង ៩​សំឡេង​ប៉ុណ្ណោះ ជាហេតុ​ញ៉ាំង​កីឡាករ​អា​ហ្ស​ង់​ទីន​ម្នាក់​ឈ្នះ​ដាច់​តែម្តង នៅ​ការបោះឆ្នោត​មួយ​នៅ​លើ​វែបសាយ ManUtd.com

កីឡាករ Di Maria​បានចាប់ផ្តើម​អាជីព​ដំបូង​របស់លោក​នៅ​ក្លឹប Man Utd​ពេល​ពួកគេ​ជួប​ជាមួយ​ក្រុម QPR​ពោលគឺ​មុនពេល​រក​គ្រាប់​បាល់​បាន​ពេល​ទាត់​ជាមួយ​ក្រុម Leicester

កីឡាករ Di Maria​ដែល​ទើបតែ​ផ្ទេរ​ចេញពី​ក្លឹប​យក្ស​អេ​ស្ប៉ា​ញ Real Madrid​អំឡុង​ទីផ្សារ​កីឡាករ​មុន​នេះ បាន​និយាយ​ទាំង​ក្តីរំភើប​ថា លោក​សប្បាយរីករាយ​ខ្លាំងណាស់ នៅពេលដែល​ទទួលបាន​រង្វាន់​ដ៏​មាន​កិត្យានុភាព​មួយ​នេះ ហើយ​លោក​សង្ឃឹម​យ៉ាង​មុតមាំ​ថា លោក​នឹង​អាច​បន្ត​លេង​បាន​យ៉ាង​អស្ចារ្យ​បែបនេះ​តទៅទៀត៕

M03-10-14-x1-full