អ្នក​ប្រដាល់​ Floyd Mayweather ​ឈ្លោះប្រកែក​ជាមួយ​ស្ត្រី​ជាងកាត់សក់​ដែល​អះអាង​ថា​មិន​ស្គាល់​លោក

ថ្ងៃ សុក្រ ទី03 តុលា ឆ្នាំ2014 ម៉ោង17:23   ផ្នែក: ព័ត៌​មានកីឡា    ដោយ: ហង្សទេព​

M03-10-14-w-full

អ្នក​ប្រដាល់ Floyd Mayweather មិនមាន​គូប្រកួត​ពិតមែន​នៅ​លើ​សង្វៀន​ប្រដាល់ ប៉ុន្តែ​លោក​ប្រហែលជា​មិនអាច​ឈ្នះ​បាន​នោះ​ទេ នៅពេលដែល​ឈ្លោះប្រកែក​ជាមួយ​ស្ត្រី​​ជាង​កាត់សក់​ម្នាក់​នៅក្នុង​ទីក្រុង​ឡុងដ៍​ ចក្រភព​អង់គ្លេស ដែល​បាន​អះអាង​ថា នាង​មិនដែល​ស្គាល់​អ្នក​ប្រដាល់​ម្នាក់នេះ ម្តងណា​ឡើយ។

កំពូល​អ្នក​ប្រដាល់​​លំដាប់​លេខ​១​ពិភពលោក​ម្នាក់នេះ ដែល​ទើបតែ​សម្រេច​បាន​ជោគជ័យ​នៅ​ការប្រកួត​សងសឹក​របស់​លោក​ជាមួយ​កីឡាករ ​Marcos Maidana កាលពី​ខែ​មុន​នោះ បាន​ដើរ​រក​កន្លែង​កាត់សក់​នៅ​ស្រុក​ Brixton កាលពី​រាត្រី​ថ្ងៃ​អង្គារ​កន្លងទៅ​។ ប៉ុន្តែ​បែរជា​លោក​ប៉ះ​សំដី​ជាមួយ​ជាងកាត់សក់​ស្រី​ម្នាក់​ទៅវិញ ដែល​បាន​អះអាង​ថា​នាង​មិនបាន​ស្គាល់​គាត់​ពីថ្ងៃ​ណា​មក​នោះទេ។

នៅក្នុង​វីដេអូ​ក្លឹប​ដែល​គេ​បាន​ចាក់ផ្សាយ​នៅលើ​កញ្ចក់​ទូរទស្សន៍ SpiffTV ស្ត្រី​ជាងកាត់សក់​ម្នាក់​នោះ​បាន​និយាយ​ថា “ ខ្ញុំ​មិនដែល​ស្គាល់​អ្នក​ទេ​។ តើ​មាន​អ្វី​ធំដុំ ? ខ្ញុំ​មិនដែល​មើល​ការប្រកួត​ប្រដាល់​នោះ​ទេ តែបើ Mike Tyson​ខ្ញុំ​ស្គាល់​“។

ដោយឡែក​កីឡាករ ​Mayweather ដែល​មាន​អង្គរក្ស​អម​ឆ្វេង​ស្តាំ​នោះ បាន​ប្រតិកម្ម​យ៉ាងខ្លាំង ក្រោយ​ពេលឮ​សម្តី​ដូច្នេះ ហើយ​បាន​និយាយ​តប​ទាំង​កំហឹង​ថា អ្នក​និយាយ​បែបនេះ ដឹងថា​មានន័យ​យ៉ាងម៉េច​ទេ​?

ទោះបីជា​យ៉ាងណាក៏ដោយ ក្រុម​អង្គរក្ស​ចេញមក​ធ្វើ​អន្តរាគមន៍​ភ្លាមៗ​ផងដែរ ដើម្បី​ឲ្យ​មានរឿង​រ៉ាង​កាន់តែ​វែងឆ្ងាយ​ជាងនេះទៅទៀត៕

M03-10-14-w1-full