ពួក​សកម្មប្រយុទ្ធ​សម្លាប់​មនុស្ស​២០​នាក់​នៅក្នុង​ការ​វាយប្រហារ​ពីរ​ដោយឡែក​ពី​គ្នា​នៅក្នុង​ប្រទេស​យេ​ម៉ែន

ថ្ងៃ ច័ន្ទ ទី29 កញ្ញា ឆ្នាំ2014 ម៉ោង12:12   ផ្នែក: ព័ត៌មានអន្តរជាតិ​ទូទៅ    ដោយ: រឹទ្ធ​

អ្នក​បំផ្ទុះ​គ្រាប់បែក​អត្តឃាត​ម្នាក់​ដែល​មាន​បណ្ដាញ​ជាមួយ ក្រុម​អាល់​កៃ​ដា បាន​បើករថយន្ត​មួយ​គ្រឿងផ្ទុះ​គ្រឿងផ្ទុះ​ចូល​ទៅ​ក្នុង​មន្ទីរពេទ្យ​មួយ​ដែល​ត្រូវ​បាន​គេ​ប្រើ​ធ្វើជា​មូលដ្ឋាន​ដោយ​ចលនា ហ៊ូ​ធី របស់​មូស្លីម ស៊ី​អ៊ី​ត​នៅក្នុង​ប្រទេស​យេ​ម៉ែន នៅ​ថ្ងៃអាទិត្យ​បាន​សម្លាប់​មនុស្ស​យ៉ាងហោចណាស់​១៥​នាក់ ហើយ​៥​នាក់​ទៀត​បាន​ស្លាប់​នៅ​ក្នុង​ការ​ពួនស្ទាក់​វាយ​មួយ​នៅ​ភាគ​ខាងត្បូង​ប្រទេស។

ប្រភព​ព័ត៌មាន​សកម្ម​ប្រយុទ្ធ កុលសម្ព័ន្ធ​និង​ក្នុងស្រុក​បាន​និយាយ​ថា ការវាយប្រហារ​លើក​ទី១ បាន​កើតឡើង​នៅក្នុង​ទីក្រុង​ម៉ា​ហ្សា នៅក្នុង​ខេត្ត ម៉ា​រី​ប នៅ​ភាគ​ខាងកើត​រដ្ឋធានី​សា​ណា ដោយឡែក​ពួក​មន្ត្រី​ក្នុងស្រុក​និយាយ​ថា ការវាយប្រហារ​លើក​ទី​២​បាន​កើត​ឡើង​នៅ​យប់​ថ្ងៃអាទិត្យ​នៅ​ភាគ​ខាងត្បូង​ខេត្ត​អាល់​បេ​ដា។

ពួក​យុទ្ធជន​ហ៊ូ​ធិ បាន​ដណ្តើម​កាន់កាប់​ក្រុង​សា​ណា​នៅ​ថ្ងៃទី​២១ ខែកញ្ញា ក្រោយពី​ការ​ប្រយុទ្ធ​គ្នា​៤​ថ្ងៃជា​មួយ​ពួក​ទាហាន​ដែល​ស្មោះត្រង់​នឹង​គណបក្ស​អ៊ី​ស្លា មូស្លីម ស៊ុន​នី។ ចាប់តាំងពី​ពេលនោះ​មក​ពួកគេ​បាន​បដិសេធ​មិន​បោះបង់ចោល​រដ្ឋធានី​នោះ​ទេ ទោះបី​ជា​មាន​កិច្ចព្រមព្រៀង​មួយ​ដែល​ពួកគេ​បាន​ចុះហត្ថលេខា ជាមួយ​ប្រធានាធិបតី​លោក អាប់ រ៉ា​ប៊ូ​ម៉ាន់​សួ អា​ឌី (Mansour Aadi) ដើម្បី​ធ្វើ​ឲ្យ​ពួកគេ​មាន​ចំណែក​មួយ​នៅក្នុង​រដ្ឋាភិបាល​ក៏ដោយ​នោះ។

អស្ថិរភាព​នៅក្នុង​ប្រទេស​យេ​ម៉ែន គឺជា​ការ​ព្រួយបារម្ភ​មួយ​ចំពោះ ស​.​រ​.​អា និង​ពួក​សម្ព័ន្ធមិត្ត​អារ៉ាប់​ឈូង​សមុទ្រ​របស់​ខ្លួន ដោយសារតែ​ទីតាំង​របស់​ខ្លួន​នៅ​ជាប់​នឹង​ប្រទេស​អារ៉ាប៊ីសាអ៊ូឌីត​និង ផ្លូវ​ដឹកជញ្ជូន​តាម​នាវា​ដែល​ធ្វើដំណើរ​កាត់​ឈូង​សមុទ្រ​អាដេរ​នោះ។

រដ្ឋមន្ត្រីការបរទេស​អារ៉ាប៊ីសាអ៊ូឌីត ព្រះអង្គ​សា​អ៊ូ​ដ​អាល់ ហ្វៃ​សា (al-Faisal) មាន​ព្រះបន្ទូល​ប្រាប់​មហាសន្និបាត អ​.​ស​.​ប នៅ​ថ្ងៃអាទិត្យ​ថា ស្ថានភាព​នៅ​ទីនោះ​បាន​ធ្វើការ​គំរាម​មួយ​ដល់​សន្តិសុខ​អន្តរជាតិ៕