ក្រចេះ ៖ វគ្គបណ្តុះបណ្តាលស្តីពីនីតិវិធីកសាងសំណុំរឿងនៃបទល្មើសជលផលដែលមានការចូលរួមពីបណ្តាខេត្តចំនួន៤កម្មវិធីនេះបានធ្វើនៅក្នុងខេត្តក្រចេះកាលពីថ្ងៃទី១ខែមីនាឆ្នាំ២០១២ដែលរៀបចំដោយរដ្ឋបាលជលផល គម្រោង MSME ក្រោមជំនួយរបស់USAID នៅក្រុងក្រចេះ។
ក្នុងវគ្គបណ្តុះបណ្តាលនោះ ក្រៅពីការ ចូលរួមមន្ត្រីជលផល មកពីខេត្ត ក្រចេះ ខេត្តមណ្ឌលគិរី ខេត្តរតនគិរី ខេត្តស្ទឹងត្រែង និង ក៏មានការចូលរួម ពីមន្ត្រីប៉េអឹម យោធា អាជ្ញាធរ និង ប្រជាសហគមន៍នេសាទផងដែរ។
លោកសៀន គិន នាយខណ្ឌរដ្ឋបាលជលផលខេត្តក្រចេះ បានថ្លែងថា កម្មវិធីបណ្តុះបណ្តាលនេះ មានសារៈសំខាន់ជួយឱ្យមន្ត្រីជលផល ឆ្លើយតបទៅនឹង ប្រសិទ្ធភាព អនុវត្តន៍ច្បាប់ការជំរុញការចូលរួមទប់ស្កាត់បទល្មើស និងកាត់ បន្ថយការរំលោភនីតិវិធី អនុវត្តន៍ច្បាប់។
លោកបន្តថា ខេត្តក្រចេះស្ថិតនៅតំបន់ ខ្ពង់រាប ភូមិ ភាគឥសាន្ត មានស្រុកចំនួន ៥ ឃុំ និង ក្រុងចំនួន១ ៤១ ឃុំ និង ៥សង្កាត់ និងភូមិចំនួន ២៥០ភូមិ ផ្ទៃដី ១១០៩៤ គីឡូម៉ែត្រក្រឡា មានប្រជាបលរដ្ឋចំនួន ៣២៦៦៣០នាក់ត្រូវជា៥៦៥៨៦គ្រួសារ។ស្ថិតនៅតំបន់ទន្លេមេគង្គលើដែលនៅឆ្ងាយពីបឹងទន្លេសាប ប៉ុន្តែមានអន្លង់ជ្រៅនៅតាមតន្លេមេគង្គ។ចាប់ពីឃុំសំបុក ស្រុក ចិត្របុរី ខេត្ត ក្រចេះ ឡើងទៅព្រំប្រទល់ ខេត្តស្ទឹងត្រែង គឺជាទីតាំងអន្លង់ជម្រក ត្រីមេពូជ អន្លងផ្សោតយ៉ាងសំខាន់ចំនួន ៦២ អន្លង់ក្នុងនោះមាន អន្លង់ផ្សោតចំនួន០៣ កន្លែង ដែលត្រូវរៀចចំចាត់ថ្នាក់ ជាកន្លែងការពារ និង អភិរក្សធនធានជលផល សត្វ កម្រ ជីវចំរុះ។ ឡូតិ៍នេសាទបានលុបចេញ កាលពីឆ្នាំ ២០០១តាមអនុក្រិត្យលេខ ២៣ អនក្រ ចុះថ្ងៃទី១៩/០២/២០០១របស់រាជរដ្ឋាភិបាលដើម្បីប្រគល់ជូនប្រជាពលរដ្ឋមូលដ្ឋានធ្វើនេសាទជាលក្ខណៈគ្រូសារ និងបង្កើតសហគមន៍នេសាទចំនួន ៥៨ សហគមន៍ ស្រះជម្រកត្រី ចំនួន ១០កន្លែង ស្ថានីយ៍ភ្ញាស់ត្រីចំនួន១២ កន្លែង អភិរក្សសហគមន៍ចំនួន ១៨ កន្លែង។លោក ក៏បានបន្តទៀតថា វគ្គសិក្ខាសាលានាពេលនេះពិតជាឆ្លើយតបទៅនិងប្រសិទ្ធភាពអនុវត្តច្បាប់ ការជម្រុញការចូលរួមទប់ស្កាត់បទល្មើសនិងកាត់បន្ថយការរំលោភនិតិវិធីអនុវត្តន៍ច្បាប់ជាពិសេសសម្រាប់ការចូលរួមអនុវត្តបទបញ្ជារបស់រាជារដ្ឋាភិបាលថ្មីៗនេះ។
លោកស្រី ចាតសូ រស្មី ព្រះរាជអាជ្ញាសាលាដំបូងខេត្តក្រចេះ មន្ត្រីជលផលជា មន្ត្រីយុត្តិធម៌ ដូច្នេះ ត្រូវតែចេះពីក្រមនីតិវិធីព្រហ្មទណ្ឌ ដើម្បីចៀសវាងពីការអនុវត្តន៍ ពីនិតិវិធី ក្នុងការកសាងសំណុំរឿងព្រហ្មទណ្ឌ។ លោកស្រីបញ្ជាក់ថា «កំហុសនីតិវិធី ធ្វើឱ្យមោឃៈភាពសំណុំរឿង ។ ដូច្នេះ ធ្វើឱ្យសំណុំរឿងទាំងមូលបរាជ័យ»។
លោកស្រីព្រះរាជអាជ្ញាបញ្ជាក់ទៀតថា ម្យ៉ាងទៀត មន្ត្រីយុត្តិធម៌ ដែល អនុវត្តន៍នីតិវិធីអាចមានការប្រឈមមុខ២យ៉ាងទី១ ត្រូវទណ្ឌកម្មផ្នែករដ្ឋបាល និងទី២ត្រូវទទួលវិន័យពីអគ្គព្រះរាជអាជ្ញាសាលាឧទ្ធរណ៍។
លោកញាណ សារោ អភិបាលរងខេត្តក្រចេះ បានថ្លែងថា ការបណ្តុះ បណ្តាលនេះជួយឱ្យអ្នកចូលរួមមានចំណេះកាន់តែច្បាស់នីតិវិធីព្រហ្មទណ្ឌ ដើម្បី ចូលរួមចំណែកកាត់បន្ថយបទល្មើសនេសាទ និង ជាការរួមចំណែកអនុវត្តន៍ បទបញ្ជារលេខ០១របស់រាជរដ្ឋាភិបាល ក្នុងការពារធនធានជលផលនៅក្នុងប្រទេស កម្ពុជា៕ ម៉េង ហ៊ាង
