ពីងពាង​ពូជ​នៅ​អូស្ត្រាលី​កាន់តែ​មាន​ទំហំ​ធំ​ឡើងៗ​នៅ​ក្នុង​ទីក្រុង​

ថ្ងៃ ច័ន្ទ ទី25 សីហា ឆ្នាំ2014 ម៉ោង08:49   ផ្នែក: ប្លែកៗ    ដោយ: វេហា​


ពីងពាង​ពូជ​នៅ​ប្រទេស​អូស្ត្រាលី​ទំនង​មើលទៅ​អាច​រស់​ដោយ​រីករាយ​បំផុត​នៅ​តាម​តំបន់​សួន ឬ​ដើមឈើ ខណៈ​ដែល​ការសិក្សា​ថ្មី​មួយ​បាន​ឲ្យ​ដឹង​ថា ប្រភេទ​ពូជ​ពីងពាង​មួយ​ប្រភេទ​រា​ង្គ​កាយ​របស់​វា​កាន់តែ​លូតលាស់​ធំ​ឡើងៗ​នៅ​តំបន់​ទីក្រុង​។

 

អ្នកជំនាញ​មកពី​សាកលវិទ្យាល័យ​ស៊ីដនី​លោក Elizabeth Lowe បាន​អះអាង​ដូច្នេះ​ថា ស្រប​ពេល​ដែល​ប្រភេទ​បក្សាបក្សី​មួយចំនួន​មិនអាច​លូតលាស់​បាន​ល្អ​ដោយសារតែ​ទទួលរង​ឥទ្ធិពល​ពី​ការ​ធ្វើ​នគរូបនីយកម្ម ប៉ុន្តែ​មិនមែន​គ្រប់​ប្រភេទ​សត្វ​ទាំងអស់​នោះ​ទេ​ដែល​ទទួលរង​ផល​ជា​អវិជ្ជមាន​ពី​រឿង​នេះ​។

តាម​ពិត​ទៅ ប្រភេទ​ពីងពាង​ទឹករលក​ពណ៌​មាស (golden orb-weaving spiders) គឺ​រស់នៅ​ដោយ​មិន​ទទួលរង​ផល​ប៉ះពាល់​អ្វី​ទាំងអស់​មិន​ថា​នៅ​តំបន់​បែប​ធម្មជាតិ ឬ​នៅ​តំបន់​ទីក្រុង​នោះ​ទេ​។

ទោះជា​យ៉ាងណា អ្នកស្រាវជ្រាវ​ម្នាក់​បាន​អះអាង​ថា ពីងពាង​នៅ​តំបន់​ទីក្រុង​ទទួល​បាន​សំណើម​ច្រើនជាង​ពពួក​រស់នៅ​តំបន់​ជនបទ​ទាំង​ពេល​ថ្ងៃ និង​ពេលយប់​។

អ្នកជំនាញ​ម្នាក់ទៀត បាន​លើក​ឡើង​ថា ប្រភេទ​ពីងពាង​ទាំងនេះ​គឺ​មាន​សុខភាព និង​រា​ង្គ​កាយ​មាំ​ជាង​ប្រភេទ​នៅ​តំបន់​ជនបទ​។

តាម​ការ​លើកឡើង​រប​ស់​អ្នកវិទ្យាសាស្ត្រ​ម្នាក់ទៀត​បាន​អោយ​ដឹង​ថា វា​ជា​របកគំហើញ​ថ្មី​មួយទៀត​ដែល​ផ្ដល់​សញ្ញាណ​ជា​វិជ្ជមាន​ព្រោះថា ប្រភេទ​សត្វ​អាច​លូតលាស់​បាន​ល្អ​នៅ​ពេល​ដែល​វា​រស់នៅ​ទីក្រុង​៕

 

​​