យន្តហោះ​ចម្បាំង​ចិន​ស្ថិតនៅ​ក្នុង​ការ​ស្ទាក់​ស្កាត់​ដ៏​គ្រោះថ្នាក់​មួយ​ជាមួយ​យន្តហោះ​សហរដ្ឋអាមេរិក

ថ្ងៃ សៅរ៍ ទី23 សីហា ឆ្នាំ2014 ម៉ោង17:20   ផ្នែក: ព័ត៌មានអន្តរជាតិ​ទូទៅ    ដោយ: កម្ពុជាថ្មី​

M23-08-14-t-full

យន្តហោះ​ប្រយុទ្ធ​មួយ​គ្រឿង​របស់​ចិន​បាន​ហោះ​បញ្ឆិត​ប្រកបដោយ​គ្រោះថ្នាក់​គឺ​យ៉ាង​ជិត​បំផុត​នឹង​យន្តហោះ​យោធា​សហរដ្ឋអាមេរិក​នៅ​សប្ដាហ៍​នេះ​ដោយ​ស្ថិត​ក្នុង​ឧប្បត្តិហេតុ​មួយ​ដ៏​គ្រោះថ្នាក់​បំផុត​នៅ​ក្នុង​លំហ​អាកាស​អន្តរជាតិ​ភាគ​ខាងកើត​នៃ​កោះ​ហៃ​ណាន។

នេះ​ជា​ភាគ​មួយ​នៃ​ការ​បង្កើន​ភាព​តានតឹង​ហើយ​នឹង​ការ​រីក​រាល​ឡើង​នៃ​វិវាទ​រវាង​សហរដ្ឋអាមេរិក​ និង​ប្រទេស​ចិន​ជាមួយ​ក្រុង​ប៉េកាំង​ដែល​កំពុងតែ​កសាង​យោធា​របស់​ខ្លួន​ព្រមទាំង​ការប្រកាស​ទាមទារ​ទឹកដី​ដែល​នៅ​ទូទាំង​តំបន់​មហាសមុទ្រ​ប៉ាស៊ីហ្វិក។

អ្នក​នាំ​ពាក្យ​ឧត្ដមនាវីទោ​លោក​John Kirby បាន​និយាយ​នៅ​ក្នុង​សន្និសីទកាសែត​មួយ​ថា នៅ​ថ្ងៃទី​១៩ ខែសីហា​យន្តហោះ​ប្រយុទ្ធ​នៃ​ទ័ពអាកាស​របស់​ចិន​មួយ​គ្រឿង​បាន​បើក​មក​ស្ទាក់​ស្កាត់​យន្តហោះ​ល្បាត​ធុន P-8 Poseidon​នៃ​កង​នាវាចរណ៍​សហរដ្ឋអាមេរិក​មួយ​គ្រឿង​ដែល​ជា​ប្រភេទ​យន្តហោះ​ល្បាត​ដែល​តែងតែ​បំពេញបេសកកម្ម​ទៅតាម​ទម្លាប់​នោះ។ ការ​ហោះ​មក​កៀក​ជិត​នោះ​ចម្ងាយ​ប្រមាណ​១៣៥​ម៉ៃ​ល៍​ភាគ​ខាងកើត​នៃ​កោះ​ហៃ​ណាន​នៃ​ប្រទេស​ចិន។ យើង​បាន​កត់ត្រា​ចុះ​ក្នុង​បញ្ជី​ពី​ការចាប់អារម្មណ៍​របស់​យើង​ចំពោះ​ចិន​អំពី​ការហោះហើរ​ស្ទាក់​ស្កាត់​ដោយ​មិន​មាន​សុវត្ថិភាព​ និង​មិនមាន​វិជ្ជាជីវៈ​ ដែល​ធ្វើ​ឲ្យ​មានការ​ប្រថុយប្រថាន​ប្រឈម​នឹង​សុវត្ថិភាព​នៃ​ក្រុម​ពី​ឡុ​ត ហើយ​នោះ​ជាការ​បំពាន​ទៅលើ​ច្បាប់​អន្តរជាតិ។

ដោយ​យោង​ទៅតាម​ការ​លើក​ឡើង​របស់​លោក​ឧត្ដមនាវី​ទោ Kiryby​នោះ​ថា ​យន្តហោះ​ចម្បាំង​នៃ​កងទ័ព​ចិន​បាន​ហោះហើរ​មក​កៀក​បង្កើយ​នឹង​ការ​ហោះ​ល្បាត​របស់​យន្តហោះ​ផ្នែក​នាវាចរណ៍​សហរដ្ឋអាមេរិក​នេះ​ មាន​ដល់​ទៅ​៣​លើក​កន្លង​មក​ហើយ​គឺ​កៀក​ជិត​មែនទែន​នឹង​យន្តហោះ​សហរដ្ឋ​អាមេរិក​ធុន P-8​នេះ​ដោយ​ស្កាត់​ពី​ខាងមុខ​ស្ទើរ​បុក​នឹង​ច្រមុះ​យន្តហោះ​ល្បាត​នោះ​តែម្តង​ដែល​មាន​ចម្ងាយ​តិចជាង​៣០​ហ្វ៊ីត​(៩​ម៉ែត្រ​)​តែប៉ុណ្ណោះ​។ គ្រាន់តែ​ឆាប​មកដល់​យន្តហោះ​ធុន P-8 របស់​សហរដ្ឋ​អាមេរិក​ភ្លាម​យន្តហោះ​ចម្បាំង​របស់​ចិន​ក៏​ផ្អៀង​យ៉ាង​សង្ហា ​ហើយ​ត្រឡប់​ខ្លួន​មួយ​ជុំ​ហាក់​ដូចជា​បង្ហាញ​ឲ្យ​ឃើញ​ពី​អាវុធ​ដែល​បំពាក់​ជាប់​នឹង​យន្តហោះ​របស់​ខ្លួន​នោះ។

កន្លងមក​នោះ​ធ្លាប់​មាន​ឧបទ្ទវហេតុ​រួច​មក​ហើយ​នៅ​ក្នុង​អាកាស​លើ​កោះ​ហៃ​ណាន​នេះ​គឺ​នៅ​ក្នុង​ ខែ​មេសា​ឆ្នាំ​២០០១​ពេល​ដែល​យន្តហោះ​ប្រដេញ​មួយ​គ្រឿង​របស់​ចិន​បាន​បុក​ជាមួយ​យន្តហោះ​ស៊ើបការណ៍​របស់​អាមេរិក​មួយ​គ្រឿង​ធុន Us Navy EP-3 Spy plane

​​សៅ ប៊ុន​ឆុន​