ប៉ាគីស្ថាន​ចាប់ផ្ដើម​ចរចា​ដើម្បី​បញ្ចប់​វិបត្តិ​បាតុកម្ម

ថ្ងៃ ព្រហស្បតិ៍ ទី21 សីហា ឆ្នាំ2014 ម៉ោង13:29   ផ្នែក: ព័ត៌មានអន្តរជាតិ​ទូទៅ    ដោយ: រឹទ្ធ​

M21-08-14-f-full

ពួក​មន្ត្រី​ប៉ាគីស្ថាន និង​ពួក​អ្នកនយោបាយ​គណបក្សប្រឆាំង​បាន​ជួប​ពួក​បាតុករ​ប្រឆាំង​រដ្ឋាភិបាល​នៅ​ថ្ងៃ​ពុធ ប៉ុន្តែ​ការ​ចរចា​​បាន​បញ្ចប់​នៅ​ពេល​ថ្ងៃ​ជាមួយ​ភាគី​ទាំងឡាយ​ ដែល​ទំនងជា​មិន​ខិត​ទៅ​រក​ដំណោះស្រាយ​វិបត្តិ​នយោបាយ​រយៈពេល​មួយ​សប្ដាហ៍ នៅ​ក្នុង​ប្រទេស​ដែល​ប្រដាប់​ដោយ​អាវុធ​នុយក្លេអ៊ែរ​នោះ​ទេ។

ពួក​អ្នកគាំទ្រ​រាប់​ពាន់​នាក់​ចំពោះ​អ្នកកីឡា​លេង​កូន​ហ្គោល​ដែល​ក្លាយ​ជា​អ្នកនយោបាយ លោក​អ៊ី​ម​រ៉ា​ន់​ខាន់ និង​បព្វជិត​ដែល​មាន​ប្រជាប្រិយ ​លោក​តាហៀរ-អ៊ុល-កាឌ្រី ​បាន​និង​កំពុង​​​ធ្វើបាតុកម្ម​នៅ​ខាងក្រៅ​អគារ​សភា នៅក្នុង​​អ៊ីស្លាម៉ាបាត ដោយ​កំពុង​ព្យាយាម​បង្ខំចិត្ត​ឲ្យ​នាយករដ្ឋមន្ត្រី​លោក​ណា​វ៉ា​សារី​ហ្វ​ចុះ​ចេញពី​តំណែង។

លោក​ខាន់ និង​លោក​កា​ឌ្រី និយាយ​ថា ការបោះឆ្នោត​ទូទៅ​កាលពី​ឆ្នាំមុន ដែល​បាន​លើក​លោក​សារី​ហ្វ​ឡើង​កាន់​អំណាច​ភ្លូក​ទឹកភ្លូកដី​នោះ​គឺជា​ការ​បន្លំ​លួច​សន្លឹកឆ្នោត ហើយ​កំពុង​ទាមទារ​ឲ្យ​លោក​ចុះ​ចេញពី​តំណែង។

នៅ​ល្ងាច​ថ្ងៃ​ពុធ​ក្រុម​របស់​លោក​ខាន់ បាន​ជួប​ពួក​អ្នកចរចា​រដ្ឋាភិបាល​នៅ​ក្រុង​អ៊ីស្លាម៉ាបាត ដើម្បី​ចរចា​ពី​ការ​ទាមទារ​របស់​គណបក្ស តេ​រីក​-​អេ​-​អ៊ី​សា​ហ្វ​(PTI​ប៉ា​គី​ស្ថាន​របស់​លោក។

អនុប្រធាន​គណបក្ស​PTI​លោក​សា​មេ​មូ​ដ គូ​រ៉េ​ស៊ី​បាន​និយាយ ប្រាប់​អ្នកយកព័ត៌មាន​ក្រោយពី​ការចរចា​ថា «​យើង​បាន ដាក់​ការ​ទាមទារ​របស់​យើង នៅ​ចំពោះ​មុខ​ក្រុម​រដ្ឋាភិបាល ហើយ​គេ​បាន​សន្យា​ថា​នឹង​វិលត្រឡប់​មក​ជួប​យើង​នៅ​ថ្ងៃ​ព្រហស្បតិ៍​ក្រោយពី​ពិនិត្យ​ការ​ទាមទារ​នោះ៕