សៀមរាប ៖ នៅតាមដងផ្លូវនានានៅក្នុងក្រុងសៀមរាបកំពុងតែក្លាយទៅជាកន្លែងដាក់សំរាមយ៉ាងអានាធិបតេយ្យដែលធ្វើឱ្យមានការរិះគន់ពីសំណាក់ប្រជាពលរដ្ឋក៏ដូចភ្ញៀវជាតិ និងអន្តរជាតិដែលមកទស្សនានៅក្រុងសៀមរាបបាននាំគ្នារិះគន់ទៅដល់លោកប្រធានមន្ទីរបរិស្ថានខេត្តថាមិនមានការយកចិត្តទុកដាក់ទើបធ្វើឱ្យតាមដងផ្លូវមួយចំនួនមានសំរាមគរនៅតាមចិញ្ចើមផ្លូវស្អុយរលួយ ហើយក៏កំពុងតែបំពុលបរិស្ថានយ៉ាងធ្ងន់ធ្ងផងដែរ។
ជាក់ស្តែងដូចជាគំនរសំរាមមួយដែលនៅខាងលិចដងស្ទឹងសៀមរាប ទល់មុខនិងកន្លែងលក់សិប្បកម្មចម្ងាយពីវត្តព្រះព្រុំរត្ន័ប្រមាណ៤០ម៉ែត្រមកពីផ្សារចាស់នៅខាងស្តាំដៃគឺមានគំនរសំរាមដាក់គរចោលធ្វើឱ្យភ្ញៀវដែលធ្វើដំណើរឆ្លងកាត់មានការធុញទ្រាន់ដោយសារតែគំនរសំរាមនោះដាក់នោះតមចិញ្ចើមដងផ្លូវដែលគាត់ដើរឆ្លងកាត់ ហើយមិនតែប៉ុណ្ណោះសំរាមនោះបានជះក្លិនស្អុយុស្ទើតែដើរជិតពុំបាន។
លោកមីងម្នាក់ដែលមានមុខរបរលក់សិប្បកម្មសូមមិនបញ្ចេញឈ្មោះបានប្រាប់អ្នកកាសែតយើងថាសំរាមដែលដាក់គរនៅតាមដងផ្លូវនេះជួនកាលដល់ទៅ៤រឺ៥ថ្ងៃទើបឃើញមុខរថយន្តដឹកសំរាម មកយកដូច្នេះហើយទើបវាធ្វើឱ្យមានក្លិនស្អុយយ៉ាង ខ្លាំងមិនមែនតែមានការ រិះគន់ពីសំណាក់ភ្ញៀវជាតិនិងអន្តរជាតិប៉ុណ្ណោះទេសូម្បីតែភ្ញៀវនៅក្នុងស្រុកក៏មានការ រិះគន់យ៉ាងខ្លាំងដែរទៅដល់លោកប្រធានមន្ទីរបរិស្ថានខេត្តថាមិនមានវិធានការទើបបានសំរាមដាក់ពាសពេញផ្លូវដែលធ្វើឱ្យបាត់បង់នៅសោភណ្ឌភាពនៅតាមដងស្ទឹងព្រោះទីក្រុងសៀមរាប គឺជាតំបន់ទេសចរមិនមែនជាទីក្រុងសំរាមនោះទេ សូមកុំទុកសំរាមនោះបង្អួតដល់ភ្ញៀវទេសចរឡើយ។
ទោះបីមានការរិះគន់ពីសំណាក់ប្រជាពលរដ្ឋ ក៏ដូចភ្ញៀវជាតិនិងអន្តរជាតិដែលបានមកទោះទស្សនានៅក្នុងក្រុងសៀមរាបអង្គរថាតំបន់ទេសចរដ៏សំខាន់របស់ប្រទេសកម្ពុជាមកនគួរណាយកសំរាមមកដាក់តាមចិញ្ចើមផ្លូវនៅតាមដងស្ទឹងសៀមរាបយ៉ាងអានាធិបតេយ្យយ៉ាងដូច្នេះនោះទេ កម្ពុជាថ្មីបានសំការបំភ្លឺពីលោក លន់ កាណែនប្រធានមន្ទីរបរិស្ថានខេត្តទាក់ទិនពីគំនរសំរាមដែលដាក់ចោលនៅតាមដងស្ទឹងសៀមរាបដែធ្វើឱ្យប៉ះពាល់បរិស្ថាន ហើយនិងធ្វើឱ្យបាត់បង់នៅសោភ័ណ្ឌភាពក្រុងទេសចរនេះតែទូរស័ព្ទដៃរបស់លោកនៅព្រឹកនេះមិនអាចសុំការបំភ្លឺបានព្រោះនៅក្រៅតំបន់សេវា៕
គឿនវ៉េត
