ព្រះសីហនុ ៖ និសិ្សតមហាវិឡាល័យUMEម្នាក់រួមនិងបក្ខពួករបស់គេម្នាក់ទៀតត្រូវបានសមត្ថកិច្ចប៉ូលិសអធិការដ្ឋាននគរបាលក្រុងព្រះសីហនុធ្វើការចាប់ខ្លួនបានភ្លាមៗបន្ទាប់ពីពួកគេទាំងពីរនាក់បានធ្វើសកម្មភាពជាក់ស្តែងលួចយកសម្ភារៈជនជាតិបរទេសចំនួន២នាក់បានសម្រេចរួចហើយព្យាយាមរត់គេចខ្លួនបានរយៈពេលប្រហែល១ម៉ោងប៉ុណ្ណោះ។
ហេតុការណ៍ចាប់ខ្លួននេះបានកើតឡើងនៅវេលាម៉ោង១៣និង៣០នាទីថ្ងៃទី២១ខែកុម្ភៈឆ្នាំ២០១២នៅក្នុងផ្ទះជនសង្ស័យតែម្តងស្ថិតនៅក្នុងក្រុម១៨ ភូមិលេខ៤ សង្កាត់លេខ៤ ក្រុងព្រះសីហនុ។
សមត្ថកិច្ចប៉ូលិសបានឲ្យដឹងថាជនជាប់សង្ស័យទាំងពីរនាក់ខាងលើមានឈ្មោះទី១ឈ្មោះ ជា ឌីណា ភេទប្រុសអាយុ២២ឆ្នាំជានិសិត្យរៀននៅមហាវិឡាល័យUMEមានទីលំនៅក្នុងក្រុម១៨ ភូមិលេខ៤ សង្កាត់លេខ៤ ក្រុងព្រះសីហនុ ទី២ឈ្មោះ ជា វិជន ភេទប្រុសអាយុ២៤ឆ្នាំមានមុខរបររត់ម៉ូឌុបមានទីលំនៅក្នុងក្រុមទី៣៥ ភូមិលេខ៥ សង្កាត់លេខ៤ ក្រុងព្រះសីហនុ។
សមត្ថកិច្ចប៉ូលិសបានបញ្ជាក់ថាជនជាប់សង្ស័យទាំងពីរនាក់នេះនៅវេលាម៉ោងប្រមាណ១២និង៣០នាទីថ្ងៃទី២១ខែកុម្ភៈឆ្នាំ២០១២ពួកគេបានប្រើប្រាស់មធ្យោបាយម៉ូតូ១គ្រឿងម៉ាកហុងដាC125សេរីឆ្នាំ២០០៦ពណ៌ខ្មៅជិះធ្វើសកម្មភាពលួចយកកាបូបលុយនិងកាបូបខោអាវរបស់ជនជាតិបរទេសចំនួន២នាក់ដែលកំពុងចុះងូតទឹកសមុទ្រនៅតាមបណ្តោយឆ្នេរតំបន់អូរត្រេះ។ជនសង្ស័យទាំងពីរនាក់ក្រោយពីធ្វើសកម្មភាពលួចបានសំរេចក៏បានជិះម៉ូតូរត់គេចខ្លួនបាត់ស្រមោលក្នុងពេលនោះតែម្តងលុះរយៈពេលប្រមាណ១ម៉ោងក្រោយគឺនៅម៉ោង១៣និង៣០នាទីថ្ងៃដដែលទើបសមត្ថកិច្ចប៉ូលិសចាប់ខ្លូនបាន។ក្រោយពេលចាប់ខ្លូនប៉ូលិសបានធ្វើការដកហូតនៅវត្ថុតាងដែលពួកគេទាំងពីរនាក់លួចបានរួមមានលុយដុល្លារចំនួន២៥៨ដុល្លារលុយថៃចំនួន២០២០បាតរួមនិងសម្ភារៈផ្សេងៗមួយចំនួនទៀត។បច្ចុប្បន្នសម្ភារៈដែលដកហូតបានប៉ូលិសបានប្រគល់ទៅឲ្យជនរងគ្រោះទាំង២នាក់ជាជនជាតិរុស្សីស្នាក់នៅក្នុងសណ្ឋាគារហូលីដេវិញអស់ហើយចំណែកឯជនជាប់សង្ស័យទាំងពីរនាក់កំពុងត្រូវបានសមត្ថកិច្ចប៉ូលិសកសាងសុំណុំរឿងបញ្ជូនខ្លួនទៅកាន់សាលាដំបូងខេត្តព្រះសីហនុចាត់ការតាមនីតីវិធីច្បាប់៕
កោះពស់
