ករណី​ឆ្លង Ebola ថ្មី​ កើនឡើង​នៅសប្ដាហ៍​ទីពីរនេះ

ថ្ងៃ សុក្រ ទី13 កុម្ភៈ ឆ្នាំ2015 ម៉ោង17:06   ផ្នែក: ព័ត៌មានអន្តរជាតិ​ទូទៅ    ដោយ: កម្ពុជាថ្មី​

M13-02-15-q

ចំនួន​ករណីឆ្លង​ Ebola ថ្មី​ កើន​ឡើង​ពេល​ឈាន​ចូល​មក​ដល់សប្ដាហ៍​ទីពីរ​នេះ​នៅតំបន់​អាហ្វ្រិក​ខាងលិច​ បន្ទាប់ពី​បានធ្លាក់​ចុះ​កាល​ពី​សប្ដាហ៍​ក​ន្លង​មកនោះ​ ហើយ​ចំណុច​ដែល​នាំ​ឲ្យ​មានកា​រកត់សម្គាល់​ពីការ​កើន​ឡើង​តិច​តួច​នៅ​ប្រទេស​ហ្គីណេ។ នេះ​បើយោងតាម​ការ​ឲ្យ​ដឹង​ពីអង្គការ​សុខភាព​ពិភពលោក​ កាលពីថ្ងៃ​ពុធ​ កន្លង​មកនេះ។

មានមនុស្ស​ដល់ទៅ​ជិត​៩,០០០នាក់​មក​ហើយ​បានស្លាប់​ដោយសារ​ការ​រាល​ដាល​នេះ​ ហើយបើតាមការ​លើក​ឡើង​ដោយ​អង្គការ​ WHO ទៀតថា ចំនួន​សុក្រឹត​មិនត្រូវ​បាន​កំណត់​ទៅកើត​ទេ ពីព្រោះ​ថា ករណី​ស្លាប់​​ក្រៅ​ផ្លូវ​ការ​នៅ​តែ​មិនអាច​ដឹង​បាននោះ​ឡើយ។ ប៉ុន្ដែ​មាន​តែ​ប្រទេស​ចំនួន​៣​តែប៉ុណ្ណោះ​នៅក្នុ​ងតំបន់​អាហ្វ្រិក​ខាងលិច​ គឺ​សៀរ៉ាឡេអូន លីបេរីយ៉ា និង​ហ្គីណេ​ ដែល​អត្រា​នៃការឆ្លង​រាលដាល​មាន​សភាពធ្ងន់​បំផុត​នោះ។

នៅសប្ដាហ៍​ទីមួយ​ គិតមកដល់​ថ្ងៃ​ទី​០៨ ខែ​កុម្ភៈ ចំនួន​អ្នក​ឆ្លង​ Ebola ថ្មី មាន​១៤៤​ករណី​ ត្រូវ​បាន​ចុះបញ្ជិកា​ នេះ​បើ​ប្រៀបធៀប​ទៅនឹង​១២៤​ករណី​កាល​ពីសប្ដាហ៍​មុនន​ោះ។

ប្រទេស​ហ្គីណេ មាន​កើន​ឡើង​នូវករណីថ្មី​ដល់ទៅ​៦៥​ករណី​ បើ​ប្រៀបធៀប​ទៅនឹង​៣៩​ករណី​កាលពីសប្ដាហ៍​មុន។ ទាំងនេះ​ជា​តួលេខ​ដែល​ត្រូវ​បាន​រាយការណ៍​ដោយអង្គការ​សុខភាព​ពិភពលោក​ WHO

ការចម្លង​នៅតែ​ស្ថិត​ក្នុង​ក្ដីបារម្ភ​នៅឡើយ ក្នុង​ប្រទេស​សៀរ៉ា​ឡេអូន ជាមួយ​នឹង​៧៦ករណី​​ថ្មី​ដែល​ត្រូវបាន​រាយការណ៍។

កាលពីសប្ដាហ៍​កន្លង​ទៅនេះ​ អង្គការ Well-come Trust របស់​ចក្រភពអង់គ្លេស បាន​និយាយ​ថា គ្លីនិក​សាកល្បង​ធ្វើ​េតស្ដ​ដែល​ត្រូវ​បាន​ផ្ដល់​មូលនិធិ​ឲ្យសម្រាប់​បើក​ការព្យាបាល​ Ebola ថ្មី មួយ​កន្លែង​នៅក្នុង​ប្រទេស​លីប៊ី ត្រូវ​បាន​បញ្ឈប់​ទៅហើយ​ ព្រោះ​តែ​មានការ​ធ្លាក់​ចុះ​នៃ​ករណី​ចម្លង​ថ្មី​ថែមទៀត។

ការធ្លាក់ចុះ​នូវករណី​ឆ្លង​ថ្មី នៅក្នុងរយៈ​ពេល​ប៉ុន្មាន​សប្ដាហ៍​ថ្មី​ៗនេះ បាននាំ​ឲ្យ​មាន​ការ​កើន​ឡើង​នូវសុទិដ្ឋនិយម​ដែល​ថា ករណីដ៏​អាក្រក់​ធ្ងន់បំផុត​បានឆ្លង​ផុត​ទៅហើយ មុនពេល​ដែល​អង្គការ​ WHO ផ្ដល់នូវ​របាយការណ៍​ជា​លើក​ចុង​ក្រោយ​វិញ​ បែរ​ជា​នាំ​ឲ្យ​​ឃើញថា ការ​កើន​ឡើង​ជាលើកទីមួយ​បាន​កើត​មានឡើង​នៅ​ក្នុង​ប្រទេស​ទាំង​៣​នៃ​តំបន់​អាហ្វ្រិក​ខាងលិចនោះ​តែម្ដង៕

..