អ្នកនាំពាក្យយោធម្នាក់បាននិយាយនៅថ្ងៃសុក្រថា ពួកទាហាននីហ្សេរីយ៉ាបានវាយប្រហារទៅលើជំរំហ្វឹកហាត់ សម្រាប់ពួកសមាជិកដែលគេសង្ស័យថាជាពួកនិកាយិកឥស្លាមនិយមរ៉ាឌីកាល់ បូកូហារ៉ាម ជាការវាយឆ្មក់មួយដែលបានបណ្ដាលឲ្យស្លាប់មនុស្សយ៉ាងតិច១៨នាក់។
វរសេនីយ៍ទោ លោកសាហ្គៀមូសា និយាយថា ការវាយឆ្មក់នោះមានរយៈពេល២ថ្ងៃ សាំប៊ីសាហ្គេមរីហ្សើយ នៅក្នុងរដ្ឋបូណូ ដែលជាតំបន់ដាច់ស្រយាលមួយនៅសាហែល។ លោកមូសានិយាយថា ពួកទាហានទាំងនោះដែលត្រូវបានគាំទ្រដោយឧទ្ធម្ភាគចក្រវាយប្រហារ បានវាយលុកទៅលើជំរុំទាំងឡាយកាលពីថ្ងៃពុធ និងថ្ងៃព្រហស្បតិ៍ ក្រោយមកបានរកឃើញកាំភ្លើងវែង គ្រឿងផ្ទុះ និងសម្ភារៈផ្សេងៗទៀត។
លោកមូសានិយាយថា ពួកទាហានបានសម្លាប់ពួកភេរវករ បូកូហារ៉ាម១៧នាក់នៅក្នុងការវាយប្រយុទ្ធគ្នា ដោយឡែកទាហានម្នាក់ត្រូវបានគេសម្លាប់។ អ្នកយកព័ត៌មានអេភីម្នាក់មិនអាចទាក់ទងពួកមន្ត្រីក្នុងស្រុកបានភ្លាមៗទេនៅថ្ងៃសុក្រអំពីការប្រយុទ្ធគ្នានោះ និងពុំមានការបញ្ជាក់អះអាងឯករាជ្យណាមួយពីអ្វីដែលបានកើតឡើងដែរ។
តាមអេភីឲ្យដឹងថា ការបាញ់ប្រហារនិងការបំផ្ទុះគ្រាប់បែករបស់គេបានបន្តទៅទៀតទោះបីជាពួកមន្ត្រីបានបញ្ជូនប៉ូលិសនិងទាហានថែមទៀតចូលទៅក្នុងតំបន់ខាងជើងក៏ដោយ។ នៅក្នុងឆ្នាំ២០១២ក្រុមនោះត្រូវបានគេបន្ទោសថាបានសម្លាប់មនុស្សយ៉ាងតិច៧៩២នាក់៕
រឹទ្ធ
