មេដឹកនាំក្រុមប្រឆាំងកំពូលរបស់ប្រទេសស៊ីរី បាននិយាយនៅថ្ងៃសុក្រថា លោកមានឆន្ទៈចង់អង្គុយចរចាជាមួយរដ្ឋាភិបាលរបស់ប្រធានាធិបតីលោកបាសាអាសាត «ដើម្បីបន្ធូរបន្ថយការឈឺចាប់របស់ប្រជាជនស៊ីរី» ប៉ុន្តែបានសង្កត់ធ្ងន់ថា គោលដៅរបស់លោកគឺត្រូវ«ផ្ដួលរំលំរបបនេះតាមមធ្យោបាយសន្តិវិធី»។
ថ្លែងទៅកាន់អង្គប្រជុំមួយរបស់ពួកអ្នកការទូតកំពូលនិងពួកមន្ត្រីការពារប្រទេសរបស់ពិភពលោកនៅក្នុងសន្និសីទសន្តិសុខ មូនិច នោះលោកមូអាអាល់ ខាទីប បានរំលឹកសាជាថ្មីពីសំណើមួយដែលបានធ្វើនៅថ្ងៃពុធ ដែលបានបង្កឲ្យមានការខឹងសម្បាមួយពីពួកក្រុមប្រឆាំងដែលទទូចថាលោកអាសាត ត្រូវតែចុះចេញពីតំណែងជាមុនសិន។
លោកអាល់ខាទីប និយាយថា«យើងជឿថា នៅក្នុងអំណាចរបស់ពិភពលោក ហើយយើងចង់ផ្ដួលរំលំរបបនេះតាមមធ្យោបាយសន្តិវិធី»។ ប៉ុន្តែជាឥរិយាបថសុឆន្ទៈមួយដែលយើងនិយាយនោះ គ្រាន់តែបន្ធូរបន្ថយការឈឺចាប់របស់ប្រជាជនស៊ីរី...យើងត្រៀមខ្លួនអង្គុយនៅឯតុចរចាជាមួយរបបនេះ។
និយាយតាមរយៈអ្នកបកប្រែម្នាក់លោកនិយាយថា ជាថ្នូររបបនេះគួរតែផ្ដល់ឥរិយាបថ សុឆន្ទៈមួយ ដោយដោះលែងពួកអ្នកជាប់ឃុំ។
លោកអាល់ខាទីបត្រូវបានគេជ្រើសរើសនៅក្នុងខែវិច្ឆិកា ឲ្យដឹកនាំក្រុមចម្រុះជាតិស៊ីរី ដែលជាក្រុមថ្មីមួយ ដែលត្រូវបានគេរៀបចំតំណាងឲ្យពួកឧទ្ទាមភាគច្រើន ហើយនិងធ្វើឲ្យស្រាលការព្រួយបារម្ភរបស់លោកខាងលិចអំពីលទ្ធភាពរបស់ក្រុមប្រឆាំងដើម្បីបង្រួបបង្រួមគ្នា និងបង្ហាញនូវជម្រើសដែលអាចសម្រេចបានចំពោះការគ្រប់គ្រងលោកអាសាត។
សហរដ្ឋអាមេរិក និងពួកសម្ព័ន្ធមិត្តលោកខាងលិចរបស់ខ្លួន ហើយនិងក្រុមប្រឆាំងភាគច្រើន បានទទូចថា លោកអាសាត ត្រូវតែចុះចេញពីតំណែងជាមុនសិន។ ជាជំហានដំបូងមួយដែលសម្ព័ន្ធមិត្តរុស្សីបានប្រឆាំងយ៉ាងខ្លាំងក្លានោះ។
ទោះបីជាវាទប្បដិវាទបានកើតឡើងដោយសារសេចក្ដីថ្លែងការណ៍នោះក៏ដោយ ក៏គេបានបង្ហាញឲ្យឃើញនូវការបើកចំហជាលើកដំបូងសម្រាប់លទ្ធភាពនៃការចរចាដើម្បីបញ្ចប់ជម្លោះជិត២ឆ្នាំ ដែលអង្គការសហប្រជាជាតិនិយាយថា បានសម្លាប់មនុស្សជាង៦០.០០០នាក់នោះដែរ៕
រឹទ្ធ
