Coke និង Pepsi ប្រកួត​ប្រជែង​គ្នា​រក​ឋានៈ​កំពូល​នៅ​លើ​ទីផ្សារ​ជានិច្ច

ថ្ងៃ សុក្រ ទី13 កុម្ភៈ ឆ្នាំ2015 ម៉ោង16:49   ផ្នែក: ព័ត៌មានអន្តរជាតិ​ទូទៅ    ដោយ: ថាលីយ៉ាន​

M13-02-15-o

នៅ​ពេល​ដែល​ប្រជាជន​ភាគច្រើន​គិត​អំពី​ការ​ប្រកួត​នៅ​ក្នុង​ឧស្សាហកម្ម​ភេសជ្ជៈ​ ដែល​មាន​ជាតិ​កាបូន​នោះ ពួកគេ​គិត​អំពី​សង្គ្រាម​កូឡា (Cola Wars) ថា​ ជាការ​ប្រយុទ្ធ​មិន​ដែល​ចប់​ ដើម្បី​ឧត្ដមភាព​នៅ​ទីផ្សារ​រវាង​ភេសជ្ជៈ​ Coca-Cola នឹង Pepsi Co. ជា​ពិសេស ​ក៏​ដូច​ជា Dr Pepper Snapple និង​គូ​ប្រឆាំង​ដែល​តូច​ជាង​ផ្សេងៗទៀត​ជាច្រើន​ផង​ដែរ។

មែន​ហើយ​ បើ​ទោះបី​ជា​ Coca-Cola បាន​គ្រប​សង្កត់​ទីផ្សារ​សូដា​អស់​រយៈពេល​២ទសវត្សរ៍​ដែល Beverage Digest បាន​តាមដាន​រឿង​នេះ​ក៏ដោយ ក៏​ក្រុម​ហ៊ុន​ភេសជ្ជៈ​យក្ស​ដែល​មិន​ស្រវឹង​នេះ​កំពុង​តែ​តស៊ូ​ដែរ ដោយ​សារ​ការ​ប្រើ​ប្រាស់​នៃ​ទឹក​សូដា​នេះ​សម្រាប់​មនុស្ស​ម្នាក់ៗ​បាន​ឈាន​ដល់​កម្រិត​ទាប​រាប់​ទសវត្សរ៍​នោះ។ ជា​មួយ​គូ​ប្រឆាំង​ Pepsi Co. នោះ​ Coca-Cola បាន​ពឹង​ផ្អែក​កាន់តែ​ខ្លាំង​ឡើង​ទៅ​លើ​ពាណិជ្ជ​កម្ម​ខាង​ក្រៅ​នៃ​ភេសជ្ជៈ​ដែល​មាន​ជាតិ​កាបូន​នេះ។ នៅ​ពេល​នេះ​ ការ​ផ្លាស់ប្ដូរ​គឺ​ងាយស្រួល​ណាស់។

ប្រធាន​ប្រតិបត្ដិ​របស់​ក្រុមហ៊ុន Coca-Cola លោក Muhtar Kent ថែមទាំង​បាន​ហៅ​ឆ្នាំ​២០១៥​ថា ជា​ឆ្នាំ​ផ្លាស់ប្ដូរ​មួយ​ និង​បាន​ប្រកាស​អំពី​ផែន​ការ​កាត់បន្ថយ​បុគ្គលិក​រវាង​១,៦០០​នឹង​១,៨០០​នាក់​ ដើម្បី​កាត់​បន្ថយ​ការ​ខាត​បង់។ លោក Joseph Agnese អ្នក​វិភាគ​ជាម​ួយ​ S & P Capital IQ បាន​និយាយ​ថា ឧស្សាហកម្ម​ភេសជ្ជៈ​នេះ នៅតែ​រងការ​គាបសង្កត់​​ដោយ​តម្រូវ​ការ​ខ្សោយ​ចំពោះភេសជ្ជៈ​មិនស្រវឹង​ដែល​មាន​ជាតិ​កាបូន​នេះ។

Coca-Cola បានប្រកាស​លទ្ធ​ផល​ដែលបាន​ល្អ​ជាង​ការ​រំពឹង​ទុក​នៅ​សប្ដាហ៍នេះ ដោយ​សារ​ការ​កាត់បន្ថយ​ការ​ខាត​បង់​ និង​តម្លៃ​កើនឡើង។ ទំហំ​នៃភេសជ្ជៈ​ចេញ​ពពុះ​នេះ​ដែល​រួម​មាន​សូដា​ផង​ បានធ្លាក់​ចុះ​១ភាគរយ​នៅ​អាមេរិក​ខាង​ជើង។ ប្រាក់​ចំណូល​សុទ្ធ​របស់​ក្រុម​ហ៊ុន​នៅ Atlanta បានធ្លាក់ចុះ​៥៥​ភាគរយ​នៅក្នុង​ត្រីមាស​ថ្មី​បំផុត​ ទៅដល់​៧៧០​លាន​ដុល្លារ​ ឬក៏​១៧​ភាគរយ​នៅក្នុង​មួយ​ហ៊ុន ចំណែក​ប្រាក់​ចំណូល​បាន​ដាំក្បាល​ចុះ​២ភាគរយ​ទៅដល់​១០.៩​ពាន់​លាន​ដុល្លារ។

រូបភាព​នេះ​ គឺ​ប្រហាក់​ប្រហែល​នឹង​ Pepse Co. ដែរ​ ដែល​មាន​មូលដ្ឋាននៅ​ Purchase រដ្ឋ​ញូវយ៉ក ដែលបាន​ចេញផ្សាយ​លទ្ធផល​កាល​ពីថ្ងៃពុធ។ ប្រាក់​ចំណូល​សុទ្ធ​នៅក្នុងត្រី​មាស​ថ្មី បំផុត​បានធ្លាក់​២៥​ភាគរយទៅដល់​១.៣១​ពាន់​លានដុល្លារ​ ឬ​ក៏​៨៧​ភាគរយ​ក្នុង​មួយ​ហ៊ុន​ ទល់​នឹង​១.៧៤​ពាន់លាន​ដុល្លារ​ ឬ​១.១២សេន​នៃ​ឆ្នាំ​មុន។ ប្រាក់ចំណូល​បានថយចុះ​១​ភាគ​រយ​ទៅ​ដល់​១៩.៩៥​ពាន់​លានដុល្លារ​ ដោយ​សារ​ទំហំ​ភេសជ្ជៈ​បាន​កើន​ឡើង​២ភាគរយ៕