យោងតាមគេហទំព័រAPដែលបានចេញផ្សាយថ្ងៃអាទិត្យទី២៧ ខែមករា បានឲ្យដឹងថា អគ្គិភ័យបានឆាបឆេះនៅក្លិបរាត្រីដែលពោរពេញដោយមនុស្សមួយ នៅភាគខាងត្បូងប្រទេសប្រេស៊ីលនៅព្រឹកថ្ងៃអាទិត្យ ដោយបានសម្លាប់មនុស្សយ៉ាងហោចណាស់២៤៥នាក់និងបន្សល់ទុករាប់រយនាក់ទៀតរងរបួស។
Sandro Meinerz អ្នកនាំពាក្យប៉ូលិសក្នុងទីក្រុង Santa Mariaបានប្រាប់ប្រព័ន្ធផ្សព្វផ្សាយថាអគ្គិភ័យបានកើតឡើងនៅក្លិបឃីស( Kiss) ខណៈពេលក្រុមភ្លេងកំពុងសំដែង។ លោកបាននិយាយថា យ៉ាងហោចណាស់មនុស្ស២០០នាក់បានរងរបួស។
ប៉ូលិសស៊ីវិល និង អ្នកនាំពាក្យរដ្ឋាភិបាលតំបន់លោក Marcelo Arigoni បានប្រាប់វិទ្យុ Gauchaថា មូលហេតុដែលបង្កើតជាអគ្គិភ័យនេះនៅមិនទាន់ដឹងនៅឡើយ។ ចំនួនសរុបនៃជនរងគ្រោះនៅតែមិនទាន់ច្បាស់ ហើយនៅទីនោះអាចជារាប់រយនាក់ដែលបានរងរបួស។ មន្ត្រីនិយាយពីមុនថាចំនួនមនុស្សស្លាប់មាន១៨០នាក់។
លោកArigoniបានប្រាប់ស្ថានីយវិទ្យុថារថយន្តមួយគ្រឿងកំពុងដឹកសពមនុស្ស៧០នាក់បានមកមជ្ឈមណ្ឌលកីឡាក្រុង( Municipal Sports Center) ដែលបានប្រើប្រាស់ជាកន្លែងដាក់សព។
Diario de Santa Maria បានរាយការណ៍ថា អគ្គិភ័យបានចាប់ផ្ដើមនៅប្រហែលជាម៉ោង២ព្រឹក។ Rodrigo Moura ដែលគេស្គាល់ថា ជាឆ្មាំសន្តិសុខនៅក្លិបបាននិយាយថា ចំណុះមនុស្សខ្ពស់បំផុតចន្លោះ ១០០០និង២០០០នាក់ និងភ្ញៀវ បានកំពុងរុញច្រានដើម្បីគេចខ្លួន៕
