យ៉ាងហោចណាស់មនុស្ស៣១នាក់ត្រូវបានសម្លាប់នៅពេលតាលីបង់ប៉ាគីស្ថានបានវាយប្រហារ ជីវពលគាំទ្ររដ្ឋាភិបាល ប៉ុន្តែតាលីបង់ត្រូវបានវាយត្រឡប់មកវិញបន្ទាប់ពីការប្រយុទ្ធយ៉ាងខ្លាំងជាច្រើនម៉ោងនោះ។ នេះបើ យោងតាមសេចក្ដីរាយការណ៍ពីភាគីទាំង២។
យុទ្ធជនជីវពលឥស្លាម Ansar ul ដែលគាំទ្ររដ្ឋាភិបាលនិយាយថា តាលីបង់ប្រហែល៣០០នាក់ប្រដាប់ដោយកាំភ្លើងត្បាល់ និង ប្រដាប់បាញ់គ្រាប់រ៉ុក្កែត បានបាញ់ប្រហារពេញមួយយប់នៅក្នុងតំបន់ Maidenនៃជ្រលងផ្លូវនៅលើផ្លូវមួយពីអាហ្វហ្គានីស្ថានទៅកាន់ទីក្រុង Peshawar។
លោកបន្តថា ជីវពលបានវាយត្រឡប់ទៅលើតាលីបង់វិញ ដោយបានសម្លាប់មនុស្ស១៥នាក់ និងចាប់ខ្លួន៨នាក់ ខណៈពេលដែលអ្នកភូមិ៣នាក់រាប់បញ្ចូលទាំងស្ត្រីចំណាស់ម្នាក់ ត្រូវបានសម្លាប់នៅក្នុងការបាញ់តទៅតមក។ យុទ្ធជនតាលីបង់និយាយថា ពួកគេបានសម្លាប់សមាជិកជីវពលគាំទ្ររដ្ឋាភិបាល១៣នាក់។
ចាប់តាំងពីឆ្នាំ២០០៩ យោធាតាលីបង់ និង ជីវពលគាំទ្ររដ្ឋាភិបាលបានកំពុងយកមកវិញនូវដែនដីពីតាលីបង់។ ន្ត្រីរដ្ឋាភិបាលប៉ាគីស្ថានបាននិយាយថា ការដកកងទ័ពចេញពីប្រទេសអាហ្វហ្គានីស្ថាននៅឆ្នាំ២០១៤អាចធ្វើឲ្យតាលីបង់កាន់តែរឹងមាំឡើងនៅក្នុងប្រទេសប៉ាគីស្ថាន។ អាហ្វហ្គានីស្ថាន និងតាលីបង់ប៉ាគីស្ថាន បានបំបែកក្រុម ប៉ុន្តែសម្ពន្ធមិត្តខ្លាំងដដែល៕
