ប៉ូលិសនិងសាក្សីបាននិយាយថា ការឆេះទ្រង់ទ្រាយធំមួយបានកើតឡើងនៅក្នុងផ្សារនៃទីក្រុងកាប៊ុលនៅថ្ងៃអាទិត្យ ដោយបំផ្លាញហាងរាប់រយ និងបង្ខំឲ្យកន្លែងប្ដូរប្រាក់នៅជិតទីក្រុងត្រូវជម្លៀសចេញ។
មន្ត្រីនាយកដ្ឋានពន្លត់អគ្គិសភ័យបានប្រាប់ AFPថា មិនទាន់មានសេចក្ដីរាយការណ៍អំពីមនុស្សស្លាប់នៅក្នុងការឆេះដែលបំផ្លាញខោអាវច្រើនបំផុតនៃហាង៥០០របស់ផ្សារនោះឡើយនាព្រឹកនេះ។
មន្ត្រីនាយកដ្ឋានពន្លត់អគ្គិភ័យបាននិយាយក្នុងលក្ខខណ្ឌអនាមិកថា កន្លែងប៉ះគ្នា(ខ្សែភ្លើង)នៃអគ្គិសនីគឺទំនងជាមូលហេតុច្រើនបំផុតដែលបណ្ដាលឲ្យមានអគ្គិភ័យនេះ។
មន្ត្រីបាននិយាយថា «យើងទាំងអស់គ្នាកំពុងធ្វើការរួមគ្នាដើម្បីគ្រប់គ្រងស្ថានការណ៍នេះ»។ អ្នកថតរូបរបស់ AFPនៅកន្លែងកើតហេតុបាននិយាយថា អគ្គិភ័យបានលេបត្របាក់ហាងរាប់រយក្លាយទៅជាធ្យូង។
ប៉ូលិសទីក្រុងកាប៊ុលដែលនៅក្នុងលក្ខខណ្ឌអនាមិកប្រាប់ AFPដោយឡែកមួយទៀតថា ផ្សារ(ធំបំផុតរបស់ប្រទេសដែលដាច់ដោចដោយសង្គ្រាម) ប្ដូរប្រាក់នៅជិតនោះ ត្រូវគេជម្លៀសចេញ ខណៈភ្លើងបានខិតជិតជញ្ជាំងខាងក្រៅរបស់វា(ហាង)៕
ប្រភពបន្តថា «ប៉ូលិសបានជួយផ្សារប្ដូរប្រាក់ជម្លៀសចេញនិង យកលុយរបស់ពួកគេពីផ្សារទៅកាន់កន្លែងសុវត្ថិភាព។
រដ្ឋធានីអាហ្វហ្គានីស្ថាន ដែលជាផ្ទះ ដែលមានចំនួនប្រជាជនប្រហែល៥លាននាក់ មានសុវត្ថិភាពអគ្គិភ័យមិនសូវល្អ បើទោះបីជានាយកដ្ឋានអគ្គិភ័យត្រូវបានធ្វើឲ្យប្រសើរឡើងជាមួយជំនួយអន្តរជាតិ បន្ទាប់ពីការដួលរំលំរបបតាលីបង់នៅក្នុងការលុកលុយដឹកនាំដោយសហរដ្ឋអាមេរិកនៅចុងឆ្នាំ២០០១ក៏ដោយ៕
