ហ្វីលីពីន​លាក់បាំង​អ្នក​គ្មាន​ទីលំនៅ​ នៅ​ក្នុង​អំឡុង​ពេល​ទស្សនកិច្ច​របស់​សម្ដេច​សង្ឃ​ប៉ាប​ហ្វ្រង់ស៊ីស

ថ្ងៃ សៅរ៍ ទី24 មករា ឆ្នាំ2015 ម៉ោង10:56   ផ្នែក: ព័ត៌មានអន្តរជាតិ​ទូទៅ    ដោយ: រឹទ្ធ​

Nita-24-A-9-Full

រដ្ឋាភិបាល​នៅ​ក្នុង​ប្រទេស ហ្វីលីពីន​កំពុង​ប្រឈម​មុខ​នឹង​ការ​អំពាវនាវ​ឲ្យ​មាន​ការ​ស៊ើបអង្កេត​មួយ​ ក្រោយ​ពី​ខ្លួន​បាន​អនុញ្ញាត​ឲ្យ​រើស​ទីតាំង​របស់​ពួក​អ្នក​គ្មាន​ផ្ទះសម្បែង​ បណ្ដោះអាសន្ន​ នៅក្នុង​អំឡុង​ពេល​ទស្សនកិច្ច​របស់​សម្ដេច​សង្ឃ​ប៉ាបហ្រ្វង់ស៊ីស​នោះ។

លេខាធិការ​សុខមាលភាព​សង្គម​លោកស្រី កូរ៉ាហ្សូន សូលីម៉ាន (Corazon Soliman) និយាយ​ថា ប្រជាជន​ប្រហែល​៥០០នាក់​ ត្រូវ​បាន​គេ​បញ្ជូន​ចេញ​ពី​ដងផ្លូវ​នានា​នៅ​ក្រុង​ម៉ានីល​ទៅកាន់​កន្លែង​លំហែកាយ​មួយ​កន្លែង​នៅ​ជាយក្រុង។

សមាជិក​របស់​សភា​តំណាង​លោក តេរីរីដន (Terry Ridon) បានអំពាវនាវ​ឲ្យ​មានការស៊ើប​អង្កេត​មួយ​ដោយ​និយាយថា ទង្វើ​នោះ​គឺជា​«ប្រតិបត្តិការ​បោសសំអាត​»មួយ។

សម្ដេច​សង្ឃ​ប៉ាបហ្រ្វង់ស៊ីស​និមន្ត​មក​ដល់​ប្រទេស​ហ្វីលីពីន​ កាល​ពីសប្តាហ៍​មុន​ ហើយ​បាន​និមន្ត​ចាកចេញ​នៅ​ថ្ងៃច័ន្ទ។

លោក​រីដន​និយាយថា គម្រោង​រើទីតាំង​ថ្មី​របស់​រដ្ឋាភិបាល​ពិតជា​អាក្រក់​ណាស់​ «ការពិត​គឺថា សម្ដេច​សង្ឃ​ប៉ាបហ្រ្វង់ស៊ីស​ទស្សនកិច្ច​ប្រទេស​របស់​យើង​ មុន​គេ​និង​សំខាន់​បំផុត ​គឺចង់​ជួប​និង​សំណេះសំណាល​ជាមួយ​អ្នកក្រីក្រ»

លោក​រីដន​និយាយថា លោក​មាន​គម្រោង​ដើម្បី​កោះហៅ​លោកស្រី​សូលីម៉ាន​ឲ្យពន្យល់​ពី​សកម្មភាព​របស់​ទីភ្នាក់ងារ​លោក​ស្រី​នៅ​ចំពោះ​មុខ​ពួកអ្នក​តំណាងរាស្ត្រ​។

លោកស្រី​សូលីម៉ាន​បាន​និយាយ​នៅ​ក្នុង​ការ​សម្ភាសន៍​ក្នុង​សប្ដាហ៍​នេះថា ក្រុមគ្រួសារដែល​គ្មានទីលំនៅ ត្រូវបាន​គេ​បញ្ជូន​ចេញ​ភ្លាមៗ​នៅ​ពេលសម្ដេច​សង្ឃ​និមន្ត​មកដល់​នៅ​ថ្ងៃទី១៥ ខែមករា៕