ដោយធ្វើមិនដឹងមិនឮចំពោះគម្រោងរបស់អាមេរិកដើម្បីកាត់ផ្ដាច់ជំនួយនោះ ប្រទេសអេហ្ស៊ីបកាលពីថ្ងៃអាទិត្យបានបញ្ជូនពលរដ្ឋអាមេរិក១៩នាក់និងនិយោជិត២៤នាក់ផ្សេងទៀតនៃក្រុមអង្គការក្រៅរដ្ឋាភិបាលទៅជំនុំជំរះ នៅចំពោះមុខឧក្រិដ្ឋមួយពីបទចោទប្រកាន់ថាបានប្រើប្រាស់មូលនិធិបរទេសដើម្បីបង្កឲ្យមានចលាចលនៅក្នុងប្រទេសនេះ។
ពួកអ្នកគ្រប់គ្រងយោធាអេហ្ស៊ីបមានភាពតានតឹងខាងទំនាក់ទំនងយ៉ាងខ្លាំងរួចហើយ ជាមួយក្រុងវ៉ាស៊ីងតោន ដោយសារការចាត់វិធានការបង្ក្រាបរបស់ពួកគេ ទៅលើក្រុមដែលទទួលមូលនិធិអាមេរិកដើម្បីលើកកម្ពស់ប្រជាធិបតេយ្យ និង សិទ្ធិមនុស្ស និង បានចោទប្រកាន់ថា បានកូរវឹកឲ្យមានអំពើហិង្សា កាន់តែខ្លាំងបន្ទាប់ពីប៉ះបោរកាលពីមួយឆ្នាំមុននេះ ដែលបានបណ្ដេញលោក ប្រធានាធិបតីហូស្នីមូបារ៉ាក់ ពីតំណែង។ ការសម្រេចដើម្បីបញ្ជូនបុគ្គលិក៤៣នាក់ មកពីក្រុមផ្សេងៗទៅជំលោះនេះ។
ប្រទេសអេហ្ស៊ីប និង អាមេរិក គឺជាសម្ពន្ធមិត្តយ៉ាងជិតស្និទ្ធអស់រយៈពេលជាង៣ទស្សវត្សរ៍មកហើយ ប៉ុន្តែយុទ្ធនាការប្រឆាំងនឹងអង្គការនេះ បានធ្វើឲ្យក្រុងវ៉ាស៊ីងតោនខឹងសម្បារ និង ធ្វើឲ្យគ្រោះថ្នាក់ដល់ជំនួយរបស់អាមេរិកទៅឲ្យអេហ្ស៊ីបចំនួន១.៥ពាន់លានដុល្លារដែលត្រូវបានកំណត់ថា នឹងផ្ដល់ឲ្យនៅក្នុងឆ្នាំនេះនោះ។ កាលពីថ្ងៃសៅរ៍ រដ្ឋមន្ត្រីការបរទេសអាមេរិក លោកស្រី ហ៊ីឡារីគ្លីតុន បានព្រមានអេហ្ស៊ីបថា ការបរាជ័យក្នុងការដោះស្រាយជំលោះនេះនឹងនាំទៅដល់ការបាត់បង់នូវជំនួយ៕
ថាលីយ៉ាន
