តារាចម្រៀងមេម៉ាយក្តៅស្រួយអាមេរិកនាង ខេធី ភឺរីបានកំពុងតែគេចចេញពីតារាចម្រៀងនាង រីហាណា ដោយសារតែរីហាណាបានផ្សះផ្សាគ្នាជាថ្មីជាមួយតារាចម្រៀងរ៉េបអាមេរិក គ្រឹស ប្រោន។
ហេតុការណ៍នេះបានកើតមានឡើងចំពោះតារាស្រីម្នាក់នេះដោយសារតែម្ចាស់បទចម្រៀង Stayបានត្រូវរ៉ូវគ្នាវិញជាមួយគ្រឹស ប្រោនដែលត្រូវបានកាត់ទោសឲ្យជាប់បំរាមតាំងពីឆ្នាំ២០០៩ពីបទប្រើអំពើហិង្សារវាយតប់លើនាង។
វាទំនងដូចជាអចិន្ត្រៃយ៍ នាងខេធីត្រូវបានគេរាយការណ៍ថា នាងបានស្នើសុំពិសេសអង្គុយឲ្យឆ្ងាយពីគូស្នេហ៍មួយគូនេះនៅក្នុងឱកាសនៃពិធីប្រគល់ពានរង្វាន់ Grammy Awards នៅទីក្រុងឡូស អេនជឺឡេសកាលពីថ្ងៃអាទិត្យ។
ប្រភពកៀកកិតនឹងរឿងនេះបាននិយាយប្រាប់USMagazine ថា ៖«ពួកគេមិនមានទំនាក់ទំនងគ្នាទៀតទេ ពីព្រោះខេធីមិនបានយល់ព្រមឲ្យរីហាណាមានទំនាក់ទំនងជាមួយគ្រឹស ប្រោនទៀតទេ»។ មិត្តភ័ក្តិជិតស្និទ្ធនឹងតារាចម្រៀង រីហាណាអាយុ២៤ឆ្នាំបានប្រាប់ថា រីហាណាគ្មានបញ្ហាជាមួយខេធីទេ ហើយនាងក៏មិនបានខ្វល់ពីនរណាម្នាក់គិតយ៉ាងម៉េចអំពីទំនាក់ទំនងរបស់នាងជាមួយប្រោនឡើងវិញដែរ។
ប្រភពអ្នកអុចអាលផ្ទៃក្នុងរឿងនេះបានប្រាប់ HollywoodLifeថា ៖«រីហាណាគ្មានបញ្ហាជាមួយនរណាម្នាក់នោះទេ ហើយនាងក៏មិនបោះបង់ចោលទំនាក់ទំនងរបស់នាងព្រោះតែអ្នកដទៃគិតយ៉ាងម៉េចចំពោះនាងអំពីការទំនាក់ទំនងនោះដែរ។ រាល់ថ្ងៃនាងគិតតែខ្លួននាងជាមួយគ្រឹស ប្រោនតែប៉ុណ្ណោះ ហើយកំពុងតែសប្បាយរីករាយក្នុងការនាំគ្នាចូលហាង។
ម្ចាស់បទចម្រៀង The Part Of Me ធ្លាប់ត្រូវបានគេរាយការណ៍ថាកម្រនិយាយជាមួយនាងរីហាណាណាស់ ពីព្រោះនាងគិតថា រីហាណាកំពុងតែសាងកំហុសយ៉ាងធំចំពោះការទំនាក់ទំនងជាមួយគ្រឹស ប្រោនម្តងទៀត។
ខេធីបានកំពុងតែចំណាយពេលជាច្រើននៅជាមួយដៃគូRobert Pattinson និង Kristen Stewart។ នាងបារម្ភខ្លាចរីហាណាកើតរឿងអាក្រក់ម្តងទៀត ដូច្នេះហើយទើបបានជានាងគិតថា រីហាណាកំពុងសាងកំហុសយ៉ាងធំ៕
វេហា
