បទចម្រៀង"Gangnam Style" របស់តារាចម្រៀងកូរ៉េខាងត្បូង Psy ទទួលបានជោគជ័យខ្លាំងបំផុតដោយ លក់ដាច់ជាងមួយពាន់លាននៅចក្រភពអង់គ្លេស។ កាលពីថ្ងៃទី៨ ខែកុម្ភៈ ក្រុមហ៊ុន Official Charts របស់ចក្រភពអង់គ្លេសបានបង្ហាញថា បទចម្រៀងអាល់ប៊ុម "Gangnam Style" ត្រូវបានលក់ដាច់ជាងមួយលានបន្ទះ។ ការលក់ដាច់រហូតដល់ជាងមួយលានបន្ទះនេះធ្វើឲ្យតារាចម្រៀង PSY បានក្លាយជាតារាចម្រៀងអាស៊ីទីមួយដែលលក់ដាច់ដល់កម្រិតនេះ។
លោក Marion Talbot នាយកគ្រប់គ្រងក្រុមហ៊ុន Official Charts Company បាននិយាយថា ជោគជ័យនេះបានធ្វើឲ្យតារាចម្រៀង PSY កាន់តែមានឥទ្ធិពលបន្ថែមទៀតតាមរយៈបទចម្រៀងដ៏អភូតហេតុរបស់គេទទួលបានការគាំទ្របំផុត និងសរបញ្ជាក់ឲ្យឃើញថា ចម្រៀងប៉ុបកូរ៉េពិតជាទទួលបានស្គាល់ និងគាំទ្រពីចក្រភពអង់គ្លេសយ៉ាងខ្លាំងក្លា។
បទចម្រៀង "Gangnam Style" បានស្ថិតនៅក្នុងកម្មវិធីឆាតរបស់ចក្រភពអង់គ្លេសកាលពីថ្ងៃទី១៦ ខែកញ្ញា ឆ្នាំ២០១២ ហើយវានៅតែជាប់ក្នុងចំណោមបទចម្រៀងកំពូលទាំង១០រហូតដល់១៧សប្តាហ៍ ហើយបានក្លាយជាបទចម្រៀងទី៦ដែលដាច់ជាងគេបំផុតក្នុងឆ្នាំ២០១២។ បច្ចុប្បន្នវានៅតែស្ថិតនៅក្នុងសប្តាហ៍ទី២១នៃកម្មវិធី Official Singles Chart។
ក្រឡេកទៅខែវិច្ឆិកា ឆ្នាំ២០១២វិញ តារាចម្រៀងកូរ៉េខាងត្បូង PSY បានទៅទស្សនកិច្ចជាផ្លូវការទីក្រុងឡុងដ៍ក្នុងប្រទេសអង់គ្លេសដើម្បីទទួលយកពានរង្វាន់កំណត់ត្រាពិភពលោកហ្គីណេស។
ទន្ទឹមជាមួយគ្នា Gangnam Style បានក្លាយជាវប្បធម៌អន្តរជាតិដែលពីកន្លែងទៅមួយកន្លែងជុំវិញពិភពលោកបានចម្លងតាមក្បាច់រាំរបស់គេ។ ខណៈពេលអ្នកជំនាញទន្តសាស្ត្របានរៀបចំវិធីសាស្ត្រមួយតាមរយៈបទចម្រៀងនេះដើម្បីលើកទឹកចិត្តក្មេងៗឲ្យដុសធ្មេញបានល្អ។
អ្នកជំនាញនៅវិទ្យាស្ថាន Brighton នៃតន្ត្រីសម័យទំនើប និងជាសាស្ត្រាចារ្យទន្តសាស្ត្របានផ្តល់ដំបូន្មាននូវគំរូតន្ត្រីសម្រាប់ការដុសធ្មេញដែលជាគំរូបសម្រាប់ការសំអាតធ្មេញ។ សាមីការដែលបង្កើតដោយ Ivor Novello ហើយលោក Jim Williams បានបង្ហាញថា បទចម្រៀងដែលមានចង្វាក់ល្អ និងបន្ទរច្រើន។
យោងតាមទម្រង់គំរូបទចម្រៀងនេះ លោកMr Williams បានប្រមូលចងក្រងបទចម្រៀងដែលល្បីៗបំផុតដាក់ក្នុងបញ្ជីមួយដើម្បីជួយដល់ក្មេងៗឲ្យដុសធ្មេញឲ្យបានល្អ។ បទចម្រៀងGangnam Style ដែលបានក្លាយជាបទចម្រៀងដ៏ពេញនិយមបំផុតនៅក្នុងគេហទំព័រYouTube ដែលមានអ្នកចូលមើលជាងមួយពាន់លានដុល្លារដែលឈានមុខគេក្នុងរៀបចំនេះ ហើយបទចម្រៀងកំពូលៗផ្សេងៗទៀតគឺមានបទ Diamond របស់តារាចម្រៀងនាងរីហាណា បទ Somebody That I Used To Know របស់តារាចម្រៀង Gotye បទចម្រៀងTroublemaker របស់តារាចម្រៀង Olly Murs បទចម្រៀង Heatwave របស់តារាចម្រៀង Wiley និងបទចម្រៀង Call My Name របស់តារាចម្រៀង Cheryl Cole ជាអតីតប្រពន្ធរបស់កីឡាករខ្សែការពារក្លឹបឆែលស៊ី។
លោក Tina Tanna អ្នកជំនាញពេទ្យធ្មេញធ្វើការជាមួយក្រុមហ៊ុន Aquafresh ដើម្បីបង្កើតបច្ចេកទេសវិធីសាស្ត្រដុសធ្មេញ។ លោកបាននិយាយថា ៖«ក្មេងៗត្រូវតែដុសធ្មេញយ៉ាងហោចណាស់ក៏៣៥ដងម្ខាងៗនៃមាត់របស់គេដោយប្រើដោយក្មេងអាយុ៥ឆ្នាំឡើងដើម្បីធានាបាននូវសុវត្ថិភាពមាត់ធ្មេញរបស់ពួកគេ។
លោក Lesley Stonier នាយកជាន់ខ្ពស់នៃក្រុមហ៊ុន Aquafresh បាននិយាយថា ៖«ការដុសធ្មេញពិតមានសារៈសំខាន់សម្រាប់សុខភាពមាត់ធ្មេញរបស់កុមារ ប៉ុន្តែវាក៏សំខាន់លើឪពុកម្តាយផងដែរដែលដើម្បីណែនាំកូនៗឲ្យដុសធ្មេញបានល្អ»។
លោកនិយាយថា ៖«គំរូទម្រង់ថ្មីមួយនេះ និងបទចម្រៀងពេញនិយមបំផុតដើម្បីដុសធ្មេញត្រូវបានឌីហ្សាញឡើងដើម្បីជួយធ្វើឲ្យការដុសធ្មេញកាន់តែមានអារម្មណ៍ល្អ។ ការប្រើប្រាស់បទចម្រៀងទាំងនេះដើម្បីបង្កើតឲ្យក្លាយជាទម្លាប់ដុសធ្មេញស្អាតចំពោះកូនៗ ហើយធ្មេញមានអនាម័យល្អ»៕
វេហា
