រីអូឌឺ ជេនីរ៉ូ ៖ កំពូលតារាល្បីៗជុំវិញពិភពលោកនឹងទៅជួបជុំគ្នានៅប្រទេសប្រេស៊ីលដើម្បីមើលរាជិនីសម្រស់ដែលស្លៀកស្តើងបំផុត និងការបណ្ដែត សាលាសម្ប៉ាប្រេស៊ីលក្នុងការប្រកួតប្រជែងក្នុងពិធី Carnival ដ៏អស្ចារ្យបំផុតនៅទីក្រុង រីអូ ឌឺជេនេរ៉ូ។
រាត្រីថ្ងៃសុក្រសប្ដាហ៍នេះ អ្នករបាំសាលាសម្ប៉ាចំនួន១២នឹងសម្តែងនៅមុខកញ្ចក់ទូរទស្សន៍ដែលមានអ្នកទស្សនាជាសកលដែលបានហាយឡាយឈុតឆាកអស់រយៈពេលប្រាំថ្ងៃមកហើយអំពីការប្រកូតដ៏អស្ចារ្យដោយទស្សនាមានទាំងការប្រកូតបាល់ទាត់ទៀតផង។
ការបណ្តែតសាលានេះត្រូវបានប្រមូលផ្តុំដោយអ្នករបាំសម្ប៉ាដែលរំលេចដោយសំលៀកបំពាក់ស្រស់ស្អាត ស្តើងស្ទើរមើលឃើញសាច់ និងស្លៀកស្បែកសត្វជាដើម។
កៅអីចំនួន៧២៥០០ត្រូវបានគេរៀបចំឡើងសម្រាប់ភ្ញៀវពិសេសៗដូចជាកំពូលតារាភាពយន្តអាមេរិកហូលីវូដដ៏ស្រស់ស្អាតវ័យ២៦ឆ្នាំនាង មេហ្គាន ហ្វក់ ដែលបានថតផ្សាយពាណិជ្ជកម្មស្រាបៀរ Brahma Beerដែលល្បីល្បាញនៅប្រេស៊ីល។
តារាភាពយន្តនិងម៉ូដែល នាងគីម កាដាសៀន និងសង្សារតារាចម្រៀងរ៉េបរបស់នាងគឺលោក Kanye Wes កំពូលតារាភាពយន្តនាង Monica Belluci និងប្តីរបស់នាងតារាភាពយន្ត Vincent Cassel កំពូលតារាភាពយន្តហូលីវូដវ័យ Will Smittជាដើម។
ជាមួយគ្នានេះកំពូលតារាចម្រៀងរ៉េបពោរពេញដោយអភូតហេតុរបស់ប្រទេសកូរ៉េខាងត្បូងក៏ចូលរួមដែរគឺម្ចាស់បទ Gangnam Style តារាភាពយន្តប្រេស៊ីល Claudia Leitte, Gilberto Gil nig Daniela Mercury។ ចំណែកអ្នកដឹកនាំខ្សែភាពយន្តអាមេរិកលោក Spike Leeក៏មានវត្តមាននៅពិធីនេះដែរ។
ពិធីដ៏អស្ចារ្យត្រូវបានគេរំពឹងថាពោរពេញដោយភ្ញៀវទេសចរអន្តរជាតិសុទ្ធអ្នកមាន និងអ្នកល្បីៗ។ នេះជាព្រឹត្តិការណ៍ដ៏ធំបំផុតប្រចាំប្រទេសសម្រាប់ឆ្នាំនេះដែលត្រូវរៀបចំឡើងទូទាំងប្រទេស ហើយឆ្នាំនេះក៏មានការរួមចំណែករៀបចំដ៏ពិសេសមួយចំពោះប្រជាជនកូរ៉េដើម្បីអំពីខួបលើកទី៥០ឆ្នាំនៃជនអន្តោប្រវេសន៍របស់ពួកគេនៅប្រទេសប្រេស៊ីល។
ឋានសួគ៌នៅទីក្រុងរីអូ ឌឺជេនេរ៉ូ និងសោប៊ូឡូរបស់ប្រទេសប្រេស៊ីលកំពុងតែមានកិត្តិយសប្រវត្តិសាស្ត្ររបស់ប្រទេសកូរ៉េ និងភាពរីកចម្រើនផ្នែកបច្ចេកវិទ្យា ព្រមទាំងរួមចំណែកបង្កើតសហគមន៍ជនជាតិកូរ៉េចំនួន៥០ពាន់នាក់ទៀតផងនៅក្នុងចំណោមប្រជាជនកូរ៉េចំនួន១៩៤លាននាក់។
លោក Marcelo Choi អនុប្រធានសមាគមកូរ៉េ-ប្រេស៊ីលដែលមានមូលដ្ឋាននៅទីក្រុងសោប៊ូឡូបាននិយាយថា ៖«វាជាចលនាប្រវត្តិសាស្ត្រមួយ ជាការទទួលស្គាល់មួយនៃការរួមចំណែករបស់ជនជាតិកូរ៉េនៅក្នុងសង្គមប្រេស៊ីល»។
លោកបានប្រាប់ AFP ថា៖«ពិភពលោកទាំងមូលអាចមើលឃើញបានថា យើងគឺជាផ្នែកចម្រុះមួយនៃគ្រួសារប្រេស៊ីល។ ដូច្នេះជាការពិតណាស់ នេះជាពេលពោរពេញដោយមោទនភាពមួយសម្រាប់យើងជាជនជាតិកូរ៉េ-ប្រេស៊ីល ប៉ុន្តែក៏សម្រាប់ប្រជាជនកូរ៉េទូទាំងពិភពលោកផងដែរ»។
ការផ្សព្វផ្សាយផ្លូវការបានលើកឡើងថា «ការសម្តែងដ៏អស្ចារ្យបំផុតលើភពផែនដី»ដែលនឹងបង្ហាញលោកអ្នកនាថ្ងៃសុក្រនេះ ហើយជាមួយកំពូលតារាភាពយន្ត ចម្រៀង និងរបាំជុំវិញពិភពលោក។
អាជ្ញាធរបាននិយាយថា មនុស្សប្រមាណ៦លាននាក់នឹងចូលពិធីដ៏អស្ចារ្យនេះក្នុងនោះយ៉ាងហោចណាស់ក៏មានភ្ញៀវទេសចរអន្តរជាតិជិតមួយលាននាក់ដែរដែលនឹងចូលរួមពិធីដែលមានរយៈពេលថ្ងៃនៅទីក្រុងរីអូ ឌឺជេនរ៉ូនេះ។
ព្រឹត្តិការណ៍ដ៏ធំប្រចាំឆ្នាំបានរំលេចឡើងនៅទីក្រុងនេះមុនពេលការប្រកួតបាល់ទាត់ពិភពលោកក្នុងឆ្នាំ២០១៤ និងព្រឹត្តិការណ៍កីឡាអូឡាំពិករដូវក្ដៅឆ្នាំ២០១៦៕
វេហា
