កន្លងមកលោកអ្នកមិនធ្លាប់បានឮឈ្មោះ Al Walser ទេ ប៉ុន្តែពេលនេះបានធ្វើឲ្យគេភ្ញាក់ផ្អើលយ៉ាងខ្លាំងចំពោះការជាប់ឈ្មោះប្រកួតប្រជែងយកពានរង្វាន់នៅក្នុងកម្មវិធី Grammysផ្នែក«ក្បាច់រាំល្អបំផុត»។ ដូច្នេះហើយទើបបានជាកម្មវិធីមួយនេះទទួលរងការរិះគន់យ៉ាងខ្លាំងសម្រាប់ឆ្នាំនេះ។
រយៈពេលពីរឆ្នាំជាប់គ្នាហើយដែលកម្មវិធី Grammys កំពុងតែប្រឈមនឹងការរិះគន់យ៉ាងខ្លាំងសម្រាប់ការជ្រើសរើសបុគ្គលម្នាក់ឲ្យជាប់ឈ្មោះដែលពីមុនគេមិនដែលស្គាល់សោះ។ ការរិះគន់បានកើតឡើងចំពោះតារារូបនេះដែលមានឈ្មោះជាប់ប្រកួតប្រជែងជាមួយតារាល្បីៗយូរឆ្នាំដូចជា Avicii, Swedish House Mafia, Calvin Harris និង Skrillex។
អ្នករិះគន់បានចង្អុលបង្ហាញបញ្ហានៅពេលតារាចម្រៀងនិងអ្នកនិពន្ធមិនសូវមានកេរ្តិ៍ឈ្មោះ Linda Chorney ទទួលបានពិន្ទុជាប់ឈ្មោះដែរនៅសហរដ្ឋអាមេរិកកាលពីឆ្នាំមុន ហើយឆ្នាំនេះជាប់ឈ្មោះ Walser ម្ចាស់បទ "I Can't Live Without You"ទៀត។
ស្របពេលជាមួយគ្នាត្រូវបានគេលើកឡើងថា អំពីប៉ុស្តិ៍ព័ត៌មានសង្គមសម្រាប់ការបោះឆ្នោតគាំទ្រតារាក្នុងដួងចិត្តអ្នកគាំទ្រចំនួន៣៦៦កន្លែងរបស់ The Recording Academy's Grammy គឺខុសពីប្រក្រតី។
លោក Tommie Sunshine ជាផលិតករតន្ត្រី និងឌីជេបាននិយាយថា ៖«ខ្ញុំគិតថា Grammys ត្រូវតែធ្វើឲ្យបានល្អិតល្អន់ចំពោះហេដ្ឋារចនាសម្ពន្ធរបស់ពួកគេដើម្បីធ្វើឲ្យប្រាកដថា មិនអ្វីកើតឡើងដែលនាំឲ្យមិនពេញចិត្តនោះទេ»។
លោក Bill Freimuth អនុប្រធាន The Recording Academyបាននិយាយថា កម្មវិធីបោះឆ្នោតបណ្ដាញសង្គមគឺធ្វើបានយ៉ាងល្អ និងឯករាជ្យ ហើយអ្នកដែលមិនសូវល្បីក៏អាចជាប់ឈ្មោះដែរ។ ប៉ុន្តែគ្រប់ប៉ុស្តិ៍កម្មវិធីបោះឆ្នោតទាំង៣៦៥របស់ Grammy មិនមែនធានាបានល្អឥតខ្ចោះទេ គឺយើងនៅតែបន្តពិនិត្យមើល និងកែប្រែពេលខាងមុខទៀត។
ការកែប្រែមួយត្រូវបានធ្វើឡើងកាលពីឆ្នាំមុន។ សមាជិកទាំងអស់អាចមានជម្រើសច្រើនដែលបានមកពីសមាជិករាប់ពាន់នាក់របស់ The Recording Academy កំឡុងពេលបោះឆ្នោត។
លោក Freimuth បាននិយាយថា ៖«ខ្ញុំមិនឃើញមានការលុបចោលផង។ វានៅតែជាអ្វីម្យ៉ាងដែលជាប់ពាក់នឹងកម្មវិធីបណ្តាញទំនាក់ទំនងសង្គមថ្មីចាស់ដដែល ហើយតែងតែចង់កែលំអ។ ខ្ញុំគិតការកែប្រែគួរតែពិចារណាឲ្យបានល្អ ពីព្រោះមនុស្សយើងមិនពេញចិត្តនឹងលទ្ធផលដែលខុសពីប្រក្រតីនោះទេ»។
លោក Walser ទទួលការរិះគន់យ៉ាងខ្លាំង ប៉ុន្តែអារម្មណ៍បែបនេះគាត់មិនប្រើប្រពន្ធចាត់ចែងនោះទេ។ គាត់មិនបានសុំទោស និងមិនបានកត់សំគាល់ចំពោះអ្នកសិល្បៈល្បីដែលប្រើមុខងារសាធារណៈរបស់ពួកគេដូចជាអ្នកទទួលបន្ទុកកិច្ចសាធារណៈដើម្បីផ្សព្វផ្សាយការងាររបស់ពួកគេឡើយ។ កន្លែងបោះឆ្នោត៣៦៥របស់ Grammy គឺជាដូចជាសាមញ្ញ។
លោក Walser បាននិយាយថា ៖«ខ្ញុំនៅតែភ្ញាក់ហេតុអ្វីបានជាគេមានការសង្ស័យ ជាពិសេសនៅពេលពួកគេនិយាយថា វាការក្លែងបន្លំ ឬអ្វីម្យ៉ាង ពីពោះវាបានកើតតាមផ្លូវត្រង់ ដូចដែលយើងទាំងអស់គ្នាដឹងស្រាប់ហើយ»។
តារាល្បីៗជាច្រើនមិនបានឆ្លើយតបចំពោះសំណូមពរសម្ភាសន៍ឡើយ ប៉ុន្តែតារាល្បី Diplo បានឆ្លើយតបតាមអីមែលថា ៖«ខ្ញុំពេញចិត្តអ្វីៗគ្រប់អំពីគាត់។ គាត់រាំស្អាតណាស់»។
ចំណែក Sunshine បាននិយាយថា Grammys អាចទទួលរងគំនាបពីមហាជនថែមទៀត ប្រសិនបើនៅថ្ងៃទី១០ ខែកុម្ភៈនេះ Walserឈ្នះបានពានរង្វាន់ទៀតនោះ។ ការជាប់ឈ្មោះប្រជែងយកពានរង្វាន់ធ្វើឲ្យមានការរិះគន់ប៉ុណ្ណឹង ហើយចុះទម្រាំដល់តារារូបនេះឈ្នះបានពានរង្វាន់នោះតើទៅជាយ៉ាងណា ខណៈពេលមានតារាល្បីៗជាច្រើនដូចជាឌីជេ និងផលិតករតន្ត្រីជនជាតិបារាំង David Guetta ជាតារាអន្តរជាតិមិនទទួលបានរង្វាន់។
លោក Sunshine បាននិយាយថា ៖«តារាចម្រៀង Al Walser បានជាប់ឈ្មោះប្រកួតប្រជែងដែរនោះ កម្មវិធី Grammys នឹងអស់តម្លៃអ្នកគាំទ្រប្រហែលជាលែងមានជំនឿ»។
ទោះជាក៏មិនមែនអ្នករាល់គ្នាជំទាស់នឹងសមត្ថភាពរបស់ Walser នោះទេ ស្របពេលដែលលោកRich Bengloff ប្រធានសមាគមអាមេរិកដើម្បីតន្ត្រីឯករាជ្យបាននិយាយថា ការជាប់ឈ្មោះរបស់ Walserគឺជាសញ្ញាមួយដែលកម្មវិធី Grammys បានធ្វើរឿងត្រឹមត្រូវ គឺមិនខុសនោះទេ។ លោកនិយាយថា ៖«យើងជឿភាពយុត្តិធម៌ ដំណើរការត្រឹមត្រូវ និងដើរគ្រប់កម្រិត»៕
វោហា
