មូស្គូ ៖ សមាជិកសភានៅរាជធានីVolgograd របស់ប្រទេសរុស្សីកាលពីព្រហស្បតិ៍បានបោះឆ្នោតសើរើឡើងវិញនូវឈ្មោះទីក្រុងStalingradសម័យសង្គ្រាមសម្រាប់គោលបំណងរៀបចំពិធីបុណ្យខួបដែលមានរយៈពេល៦ថ្ងៃក្នុងមួយឆ្នាំ មុនពេលពិធីខួបលើកទី៧០ឆ្នាំនៃការដួលរលំរបស់កងទ័ពក្រហមនៃកងកម្លាំងណាស៊ីក្នុងសម័យកាលសង្គ្រាមលោកលើកទី២។
ទីភ្នាក់ងារសារព័ត៌មានរដ្ឋបានផ្សាយថា សមាជិកសភាបានបោះឆ្នោតប្រើឈ្មោះពិធីបុណ្យខួប Stalingrad ដែលធ្លាប់បានប្រើកាលពីសម័យសង្គ្រាមរយៈពេល៦ថ្ងៃក្នុងមួយឆ្នាំគឺថ្ងៃទី២ ខែកុម្ភៈ ដែលជាថ្ងៃដែលក្រុមកម្លាំងណាស៊ីចុះចាញ់ទាំងស្រុងចំពោះក្រុមកងកម្លាំងសូវៀត និងថ្ងៃទី៩ ខែមីនា ជាថ្ងៃជ័យជម្នះ។
សមាជិកសភា Sergei Zabedov ត្រូវបានបណ្ដាញព័ត៌មានក្រុមប្រឹក្សាសភារាជធានីដកស្រង់សំដីថា «ការសម្រេចចិត្តនេះត្រូវបានធ្វើឡើងស្របតាមការស្នើសុំជាច្រើនពីអ្នកដែលបានចូលរួមក្នុងសម័យសង្គ្រាមលោកលើកទីពីរ។ តំណាងរាស្ត្រទាំងអស់បានធ្វើការសម្រេចចិត្តដើម្បីដាក់ឈ្មោះពិធីបុណ្យខួប Stalingrad សម្រាប់ជានិម្មិតសញ្ញានៃទីក្រុងVolgograd។ យើងនឹងមានលទ្ធភាពប្រើនិម្មិតសញ្ញានេះជាផ្លូវការនៅក្នុងសេចក្តីថ្លែងសុន្ទរកថា និងរបាយការណ៍ ព្រមទាំងពិធីធំៗនានារបស់យើង»។
សកម្មជននៅក្នុងប្រទេសរុស្សីដូចជាក្រុម Memorial ដែលបានតវ៉ាដើម្បីការចងចាំប្រវត្តិសាស្ត្របានទទូចថា សង្គមរុស្សីសំបូរទៅដោយពាក្យពេចន៍ឧក្រិដ្ឋកម្មជាច្រើនរបស់ស្តាលីនជាពិសេសកំឡុងទសវត្សរ៍ឆ្នាំ១៩៣០។
ទីក្រុង Volgograd ត្រូវបានប្រារព្ធពិធីរំលឹកខួបទ្រង់ទ្រាយធំនៅថ្ងៃសៅរ៍ ទី២នេះ ដែលជាពិធីរំលឹកខួបលើកទី៧០ឆ្នាំនៃថ្ងៃនៅពេលកងកម្លាំងណាស៊ីដែលដឹកនាំដោយលោក Friedrich von Paulus បានចុះចាញ់ទាំងស្រុងចំពោះកងកម្លាំងសូវៀត។
សង្គ្រាម Stalingrad នៅតែជាការចងចាំពោរពេញដោយមោទនភាពសម្រាប់ប្រជាជនរុស្ស៊ី ហើយឈ្មោះទីក្រុងបានអនុវត្តដោយវិជ្ជមានបើទោះឈ្មោះស្តាលីនក៏ដោយ។ ចលនាចម្រូងចម្រាសបានកើតមានឡើងជាច្រើនខណៈពេលអ្នកខ្លះបានទាមទារឲ្យដូរឈ្មោះ Stalingrad ចេញ។
កាសែត Noviye Izvestiya បានផ្សាយថា មនុស្សចំនួន៥ពាន់នាក់បានចុះហត្ថលេខាលើញត្តិមួយផ្ញើទៅលោកប្រធានាធិបតី ប្លាឌឺមៀរ ពូទីនកាលពីពុធ ដែលក្នុងនោះមានគណបក្សកុម្មុយនីស្តរុស្សីផងដែរ។
ទីក្រុងឧស្សាហកម្មមួយនេះត្រូវបានដូរឈ្មោះជា Volgograd ឬ Volga កាលពីឆ្នាំ១៩៦១ បន្ទាប់ពី Khrushchev ថ្លែងថាសម័យកាលរំលោភបំពានស្តាលីនក្នុងនោះមានទាំងការបំបាត់ចោល និងសមូភាវូនិយមជាដើម។ ដូច្នេះពាក្យ Stalingrad ត្រូវបានហៅតាំងពីឆ្នាំ១៩២៥៕
វេហា
