ប៉ុមប៉ៃ ៖ កំពូលតារាភាពយន្តរូបសង្ហាប៉ូលីវូដលោក Shah Rukh Khan បានទទូចថា គាត់មានសុវត្ថិភាព និងសុខសប្បាយធម្មតាទេនៅក្នុងប្រទេសឥណ្ឌាពាក់ព័ន្ធបញ្ហាចម្រូងចម្រាសដែលគាត់បានសរសេរក្នុងអត្ថបទមួយអំពីឥស្លាមនៅក្នុងប្រទេសដែលមានអ្នកកាន់សាសនាហិណ្ឌូភាគច្រើន។
អត្ថបទដែលដឹកនាំដោយលោក Rehman Malik រដ្ឋមន្ត្រីក្រសួងមហាផ្ទៃរបស់ប្រទេសប៉ាគីស្ថានបាននិយាយថា ប្រទេសឥណ្ឌាគួរឲ្យតារាភាពយន្ត Khan មានសុវត្ថិភាព។ ស្របពេលនេះលោក R.K. Singh រដ្ឋលេខាធិការលំនៅដ្ឋានរបស់ប្រទេសឥណ្ឌាបានឆ្លើយតបវិញថា ប្រទេសប៉ាគីស្ថានគួរមើលថែទាំប្រជាពលរដ្ឋរបស់ខ្លួនទៅប្រសើរជាង។
អានសេចក្តីថ្លែងការណ៍ដ៏វែងទៅកាន់អ្នកសារព័ត៌មានកាលពីល្ងាចថ្ងៃអង្គារ តារាភាពយន្តរូបនេះបាននិយាយថា អត្ថបទរបស់គាត់ចេញផ្សាយតាមទស្សនាវដី្តគឺជាចំណុចទស្សនវិស័យយល់ឃើញជ្រៅបានចាក់ស្រេះដែលអាចដោះស្រាយបាន។
លោកនិយាយថា គ្មានកន្លែងណាធ្វើអត្ថបទដាក់ដោយផ្ទាល់ឬដោយប្រយោលដែលធ្វើឲ្យខ្ញុំមានអារម្មណ៍គ្មានសុវត្ថិភាព ស្មុគស្មាញ និងបង្ករំខានដល់ប្រទេសឥណ្ឌានោះទេ»។
អត្ថបទនៅក្នុងកាសែតលោកបានសរសេរថា «ជូនកាលលោកបានក្លាយជាមុខព្រួញប្រមាថមើលងាយពីមេដឹកនាំនយោបាយដែលបានជ្រើសរើសខ្ញុំធ្វើជានិម្មិតសញ្ញាម្នាក់ដែលពួកគេគិតថាគឺវាមិនត្រឹមត្រូវ និងមិនមែនជាអ្នកស្នេហាជាតិនៅក្នុងប្រទេសឥណ្ឌា។
តារាភាពយន្តឥណ្ឌារូបនេះបាននិយាយថា លោកពេលខ្លះត្រូវបានគេចោទប្រកាន់ថាគាំទ្រពួកឥស្លាម និងត្រូវបានជំរុញដោយមេដឹកនាំពីការរួបរួមនយោបាយចំពោះប្រទេសឥណ្ឌា និងងាកទៅរកអ្វីដែលពួកគេហៅថា ស្រុកកំណើតពិតរបស់គាត់។
លោក Khan ត្រូវបានក្លាយជាគោលដៅដោយ Shiv Sena ជាគណបក្សជាតិនិយមហិណ្ឌូស្តាំដែលមានទីស្នាក់ការនៅទីក្រុងប៊ុមប៉ៃដែលជារឿយៗប្រឆាំងជាមួយនឹងរបៀបវារៈឥស្លាម និងពួកប៉ាគីស្ថាន។
គណបក្ស Shiv Sena បានគំរាមលើខ្សែភាពយន្តរបស់គាត់រឿង "My Name is Khan" កាលពីឆ្នាំ២០១០ បន្ទាប់ពីគាត់បាននិយាយគាំទ្រកីឡាករCricketer បាគីស្ថានដែលលេងនៅពានរង្វាន់លីកកំពូលឥណ្ឌា។
កាលពីថ្ងៃអង្គារលោកបាននិយាយថា វាគ្មានអ្វីស្មុគស្មាញទេពីព្រោះបញ្ហាចម្រូងចម្រាសមិនមានទៀតទេដែលពាក់ព័ន្ធនឹងអត្ថបទរបស់គាត់ថ្មីៗនេះ។
លោកថា ៖«ខ្ញុំសូមប្រាប់ទៅអ្នកដែលបានផ្តល់ដំបូន្មានដោយមិនបានវិភាគថា យើងនៅប្រទេសឥណ្ឌាមានសុវត្ថិភាព និងសុខសប្បាយ។ យើងកំពុងតែភ្ញាក់ផ្អើលនឹងប្រជាធិបតេយ្យ សេរីភាព និងជីវិតរស់នៅដ៏សុខដុម»។
តារាភាពយន្តប៉ូលីវូដ Khan បានជាប់ឈ្មោះលេខមួយនៅក្នុងបញ្ជីកំពូលតារាទាំង១០០នាក់ដំបូងរបស់ទស្សនាវដី្ត Forbes India ដែលមានប្រជាប្រិយភាពបំផុត និងប្រាក់ចំណូលបានរហូតដល់៣៧,៧លានដុល្លារអាមេរិកកាលពីឆ្នាំមុន៕
វេហា
