កាលពីថ្ងៃសុក្រសារព័ត៌មានប្រទេសស្វីសបានចេញផ្សាយថា កំពូលតារាចម្រៀងប៉ុបអាមេរិកនាង Tina Turmer ដែលបានកំពុងតែរស់នៅក្នុងប្រទេសស្វីសតាំងពីឆ្នាំ១៩៩៥នោះនឹងទទួលបានសញ្ជាតិស្វីសក្នុងរយៈពេលឆាប់ៗខាងមុននេះ ហើយនឹងបោះបង់ចោលលិខិតឆ្លងដែនអាមេរិករបស់នាងវិញ។
តារាចម្រៀងរូបនេះបាននិយាយប្រាប់កាសែត Blick ដែលចេញផ្សាយជាភាសាអាល្លឺម៉ង់ថា ៖«ខ្ញុំសប្បាយរីករាយណាស់ ហើយខ្ញុំមានអារម្មណ៍ថាទីនេះជាផ្ទះរបស់ខ្ញុំ។ ខ្ញុំមិនអាចនឹកស្រមៃកន្លែងណាប្រសើរជាងទីនេះនេះ»។
កំពូលតារាចម្រៀងរូបនេះមានអាយុ៧៣ឆ្នាំបានកើតនៅ Anna Mae Bullock ហើយបច្ចុប្បន្នបានកំពុងតែរស់នៅទីក្រុង Kuesnacht នៅឆ្នេរខ្សាច់ Lake Zurich ភាគខាងជើងប្រទេសស្វីស ហើយនាងទទួលបានជោគជ័យក្នុងការធ្វើតេស្ត និងសម្ភាសន៍នៅប្រទេសស្វីស។ នេះបើយោងតាមការប្រកាសផ្លូវការមួយដែលបានចេញផ្សាយនៅកាសែត Zuerichsee-Zeitung។
តាមរបាយការណ៍ចេញផ្សាយពីរទំព័រថា តារាចម្រៀងម្នាក់នេះ ដែលទទួលបានជោគជ័យខ្លាំងតាមរយៈបទចម្រៀង "Private Dancer" បទ "Simply the Best" និងបទ "What's Love Got to Do With It?"នៅតែត្រូវការភ្លើងខៀវពីអាជ្ញាធរ Zurich និងសហព័ន្ធមុនពេលនាងនាងទទួលបានលិខិតឆ្លងដែនក្រហម។
នាង Karin Rhomberg អ្នកនាំពាក្យរបស់ Turner បានសារព័ត៌មាន Zuerichsee-Zeitung ថា តារាចម្រៀងរបស់គាត់ចង់បញ្ជាក់ឲ្យច្បាស់ពីស្ថានភាពរបស់នាង។ គាត់និយាយថា ៖«ទោះជាយ៉ាងណាបងស្រី Tina Turner នឹងបោះបង់ចោលលិខិតឆ្លងដែនអាមេរិករបស់នាង»។
តារាចម្រៀងរូបនេះដែលបានទៅសិក្សានៅប្រទេសអាល្លឺម៉ង់ត្រូវបានគេឲ្យដឹងថាបានផ្លាស់ពីអាមេរិកទៅរស់នៅប្រទេសស្វីសតាំងពីឆ្នាំ១៩៩៥ ប្តីរបស់នាងលោក Erwinជានាយកប្រតិបត្តិថតសំឡេងនៅអាល្លឺម៉ង់ផ្លាស់ទៅរស់នៅប្រទេសស្វីស៕
វេហា
