វ៉ាស៊ីនតោន ៖ ស្ថានីយទូរទស្សន៍ស៊ីអិនអិន(CNN)បានដកស្រង់សំដីមន្ត្រីរៀបពិធីសម្ពោធឡើងកាន់តំណែងម្នាក់បាននិយាយកាលពីថ្ងៃពុធថា កំពូលតារាចម្រៀងអាមេរិកនាង ប៊ីនយន់សេ មិនបានច្រៀងបទភ្លេងជាតិអាមេរិកផ្ទាល់នោះទេនៅពិធីសម្ពោធឡើងកាន់តំណែងប្រធានាធិបតីអាមេរិករបស់លោកបារ៉ាក់ អូបាម៉ា អាណត្តិទីពីរជាសាធារណៈដែលត្រូវបានរៀបចំឡើងកាលពីដើមសប្តាហ៍នេះ។
មន្ត្រីម្នាក់ដែលគេដកស្រងសំដីបាននិយាយថា ៖«ប៊ីយន់សេមិនបានច្រៀងសំឡេងផ្ទាល់ទេ»។ មន្ត្រីរូបនេះប្រាប់ស៊ីអិនអិនថា តារាចម្រៀងអាមេរិករូបនេះបានសម្រេចចិត្តខ្លួនគាត់ផ្ទាល់កាលពីថ្ងៃអាទិត្យគឺមិនច្រៀងសំឡេងផ្ទាល់នោះទេ ដោយសារតែនាងទៅដល់យឺតពេកគឺមិនមានពេលវេលាគ្រប់គ្រាប់ជាមួយក្រុម US Marine Band។
កាលពីថ្ងៃអង្គារ ក្រុម US Marine Corps ដែលត្រូវសម្តែងអមជាមួយនាងនោះបានបញ្ជាក់ថា ដោយសារតែមិនអាចរៀបចំឲ្យបានគ្រប់គ្រាន់ជាមួយក្រុម ដូច្នេះបទភ្លេងជាតិអាមេរិក ដែលនាងថតជាស្រេចនោះក៏ចាក់ជំនួសវិញ។ ប៉ុន្តែក្រុមនេះអះអាងថា សំឡេងរបស់តារាចម្រៀងអាមេរិករូបនេះដែលទទួលបានពានរង្វាន់ Grammyនោះមិនស្រួលកុំនិយាយឡើងថាច្រៀងភ្លេងជាតិអាមេរិកនោះដោយសំឡេងផ្ទាល់ សូម្បីតែនិយាយក៏មិនអាចនិយាយបានដែរ។
វិស្វករសំឡេងអាមេរិកជើងចាស់ម្នាក់បាននិយាយថា បន្ទាប់ពីបានពិនិត្យមើលវីដេអូអនឡាញរួចហើយ តារាចម្រៀងប៊ីយន់សេពិតជាបានច្រៀងផ្ទាល់មែន ប៉ុន្តែការច្រៀងផ្ទាល់នោះមិនប្រាកដថាត្រូវបានដាក់បញ្ចូលសំឡេងកងរំពងនៅចំពោះមុខហ្វូងមនុស្សនោះទេ។
លោក Ian Shepherd បានប្រាប់ AFP តាមទូរទស្សន៍ថា ៖គ្មានអ្វីគួរឲ្យឆ្ងល់ទាល់តែសោះឡើយនៅក្នុងគំនិតរបស់ខ្ញុំ ពីព្រោះនាងបានឈរលើឆាកស្រែកច្រៀងដោយសំឡេងរបស់នាងផ្ទាល់មែនតាមមេក្រូដែលផ្សាយផ្ទាល់។ ចម្ងល់សម្រាប់ខ្ញុំគឺថា នរណាដែលឮថាសំឡេងនោះកើតចេញពីការចាក់នោះ?
កំពូលតារាចម្រៀងល្បីលោក Aretha Franklin និងតារាចម្រៀងវ័យក្មេង Alicia Keys នាងជេន្នីហ្វើ ឡូបេស និង LeAnn Rimes បានការពារនាងប៊ីយន់សេ ខណៈពេលលោក Franklinអាយុ៧០ឆ្នាំបាននិយាយថា វាសមហេតុផលហើយដែលចាក់ដោយសំឡេងថតនោះពីព្រោះអាកាសធាតុត្រជាក់ខ្លាំងណាស់។ លោកថា ៖«នាងធ្វើបានល្អណាស់ជាមួយនឹងសំឡេងថតទុកជាមុន។ នៅថ្ងៃណាមួយខ្ញុំក៏ប្រហែលជាធ្វើដូចនាងដែរ»។
នាយល់ថ្ងៃច័ន្ទនោះនាងប៊ីយន់សេត្រូវបានគេប្រទះឃើញញាំអាហារពេលយប់ជាមួយប្ដីរបស់នាងចាយ ហ្សិត នៅ New Orleans បន្ទាប់ពីចូលរួមពិធីសម្ពោធឡើងកាន់តំណែងនោះ។ នាងកម្រប្រើគេហទំព័រ Twitterរបស់នាងណាស់ ប៉ុន្តែបន្ទាប់ពីកម្មវិធីនោះនាងបានដាក់បញ្ចូលរូបថតជាច្រើនជាមួយនឹងវីដេអូ ដែលសរសេរថា «ប៊ីយន់សេច្រៀងភ្លេងជាតិអាមេរិកក្នុងពិធីសម្ពោធតំណែងប្រធានាធិបតីឆ្នាំ២០១៣»។
លោក Shepherd ដែលធ្វើការផ្នែកតន្ត្រីនៅ Culture Club, Tricky និង Berlin Philharmonic ត្រូវបានគេឃើញយ៉ាងហោចណាស់ក៏មានវីដេអូអនឡាញបីខុសគ្នាអំពីការសម្តែងរបស់ប៊ីយប់សេ។
នៅក្នុងគេហទំព័ររបស់គាត់គឺ Mastering-Media.co.uk គាត់បាននិយាយថា វាអាចយល់បានថា វាជាថ្ងៃដ៏អស្ចារ្យដែលប៊ីយន់សេរៀបចំថតសំឡេងទុកមុនយ៉ាងពិសេសជាមួយក្រុម Marine Band ដែលត្រូវបានចាត់តាំងឲ្យសម្តែងក្នុងពិធីនោះ។ លោកសរសេរថា ៖«តារាចម្រៀងណាម្នាក់ដែលប្រឈមនឹងបញ្ហាលំបាកជាមួយក្រុមគឺត្រូវតែចាក់សំឡេងថតហើយ ប៉ុន្តែនាងធ្វើបានល្អ»។
កាលពីឆ្នាំមុនតារាចម្រៀងប៊ីយន់សេច្រៀងបទ "The Star-Spangled Banner"នៅក្នុងកម្មវិធី Super Bowl កាលពីឆ្នាំមុន ហើយនឹងគ្រោងចូលរួមច្រៀងក្នុងកម្មវិធីបាល់ទាត់អាមេរិកនាថ្ងៃទី៣ ខែកុម្ភៈខាងមុខនេះ។ នាងក៏មានវីដេអូឯកសារអំពីជីវិតរបស់នាងដែលនឹងដាក់បញ្ចាំងនៅទូរទស្សន៍ HBO នាថ្ងៃទី១៦ ខែកុម្ភៈ៕
វេហា
