ទំនាក់ទំនងគ្នារវាងតារាចម្រៀងរ៉េប គ្រឹស ប្រោន និងរីហាណាហាក់ដូចជាលាក់លៀមរយៈពេលជាយូរមកហើយ បន្ទាប់ពីពួកគេបានបែកបាក់គ្នាដោយសារការប្រើអំពើហិង្សារបស់គ្រឹស ប្រោន ប៉ុន្តែពេលនេះល្បែងស្នេហារបស់ពួកគេចាប់ផ្តើមលាតត្រដាងជាសាធារណៈហើយ។
តារាចម្រៀងស្រីអាមេរិកវ័យ២៤ឆ្នាំទើបតែចាកចេញពីស្រុកកំណើត Barbados ដែលជាកន្លែងដែលនាងបរិច្ចាគប្រាក់ជាងមួយលានដុល្លារអាមេរិកដល់មន្ទីរពេទ្យមួយកន្លែង ហើយបន្តទៅចំណាយពេលវេលានៅជាមួយអតីតសង្សារគ្រឹស ប្រោន ក្នុងឱកាសបុណ្យណូអែលនៅទីក្រុងឡាស វេហ្គាស់។
គូស្នេហ៍វិលត្រឡប់មករកគ្នាវិញបន្ទាប់ពីមានបញ្ហាប្រេះស្រាំជាច្រើនឆ្នាំត្រូវបានគេប្រទះឃើញអង្គុយសាសងនិងស្និទ្ធស្នាលគ្នានៅឯ Staples Centre ដើម្បីទស្សនាទេសភាពនៅទន្លេ LA Lakers។
ខណៈពេលនោះត្រូវបានគេមើលឃើញថា តារាចម្រៀងស្រីស្លៀករ៉ូបពណ៌ខ្មៅសម្រាប់ចូលពិធីដ៏ពិសេស ពាក់ស្បែងជើងកែវចោទ ពាក់ខ្សែដៃមាស និងគូបបូរមាត់យ៉ាងក្រហមឆ្អិនឆ្អៅ។
នាងបានបឺតស្រាបៀរពីកំប៉ុង ហើយមើលទៅទំនងដូចជាអារម្មណ៍ល្អណាស់ខណៈពេលអង្គុយកៀកកើយគ្នាយ៉ាងស្រស់ស្រាយ។ ពួកគេស្ថិតនៅក្នុងចំណោមតារាល្បីៗដែលចោមរោមដោយអ្នកគាំទ្រដូចជា Snoop Lion និង Red Hot Chili Peppers ជាដើម។
ខណៈពេលដែលនាងគ្មានមតិយោបល់អ្វីអំពីបុណ្យណូអែលតាម Twitter ប៉ុន្តែនាងបានចេញផ្សាយរូបថតចាស់របស់អំពីសកម្មភាពបុណ្យណូអែលជាមួយមិត្តភ័ក្ដិ។
នាងទើបតែទៅស្រុកកំណើត Barbados កាលពីដើមសប្ដាហ៍នេះ ហើយក៏វិលមករដ្ឋកាលីហ្វញ៉ាវិញដើម្បីចូលរួមពិធីបុណ្យណូអែលជាមួយអតីតសង្សារ។ ការទៅស្រុកកំណើតនៅគឺមិនមែនជាការសម្តែងនោះទេ ប៉ុន្តែជាសកម្មភាពមនុស្សធម៌ដែលនាងបានបរិច្ចាគទឹកប្រាក់ចំនួន១លាន៧៥ម៉ឺនដុល្លារអាមេរិកទៅឲ្យមន្ទីរពេទ្យដើម្បីការរំលឹកដល់ជីដូនរបស់នាងដែលទើបទទួលមរណភាពកាលពីប៉ុន្មានខែមុន។
កាលពីថ្ងៃទី១៨ ខែធ្នូ ឆ្នាំ២០០២ នាងបានសរសេរគណនេយ្យទំនាក់ទំនងសង្គមថា នាងបែកពីគ្រឹស ប្រោនហើយ បន្ទាប់ពីតារាចម្រៀងរ៉េបប្រុសបានប្រើអំពើហិង្សាដាក់នាងមុនពេលពិធីប្រគល់ពានរង្វាន់អាកាដឹមី។
ទោះជាយ៉ាងណាពួកគេទាំងនៅតែមានពាក្យចចាមអារ៉ាមថាបានវិលត្រឡប់សាងស្នេហ៍ជាថ្មី ខណៈពេលពួកគេបានចេញផ្សាយរូបថតថា ពួកគេនឹកគ្នាទៅវិញទៅមក ហើយមន្ទិលសង្ស័យពួកគេពីអ្នកគាំទ្រក៏នៅតែបន្តកើតមានដោយគ្មានចេញរូបភាពអ្វីជាក់ច្បាស់នោះទេ។
ប៉ុន្តែនៅក្នុងឱកាសពីបុណ្យណូអែលបានស្តែងចេញច្បាស់ហើយដោយពួកគេបានស្កាត់ជួបគ្នាសាងស្នេហ៍ដ៏រ៉ូមែនទិកជាមួយគ្នា៕
វេហា
