annoucement-01-new

ទះកំភ្លៀង​៤​ទៅ​៥​ដៃ​ទុកជា​ការព្រមាន​ព្រោះ​បើករថយន្ត​កៀរ​ម៉ូតូ​ហើយ​មិន​ព្រម​ឈប់​ទទួលខុសត្រូវ​ហើយ​ព្យាយាម​បើក​រត់

ថ្ងៃ សុក្រ ទី25 មេសា ឆ្នាំ2014 ម៉ោង09:54   ផ្នែក: សន្តិសុខ និង សង្គម    ដោយ: រស្មី​

T-04-25-14-e-full

ភ្នំពេញ  ដោយសារតែ​បើករថយន្ត​ប៉ះ​កៀរ​ម៉ូតូ​គេ​ហើយ​មិន​ព្រម​ឈប់​ទទួលខុសត្រូវ​ដោះស្រាយ​គ្នា​បាន​ធ្វើ​អោយ​អ្នក​ជិះ​ម៉ូតូ​ខឹង​សម្បារ​យ៉ាង​ខ្លាំង​ក៏​បើក​ម៉ូតូ​ដេញ​តាម​បំ​បុក​រថយន្ត​ពេល​អ្នក​បើករថយន្ត​បង្អង់​ល្បឿន​ក៏​អ្នក​ជិះ​ម៉ូតូ​ខាងក្រោយ​ស្រវា​លោត​ចុះ​ហក់​ចូល​តាម​កញ្ចក់​ទារ​រថ​យន្ត​ចូល​ទៅ​វាយ​ទះកំភ្លៀង​អ្នក​បើករថយន្ត​បង្កហេតុ​បណ្ដាល​អោយ​មាន​ការ​ភ្ញាក់ផ្អើល ពី​សំណាក់ ប្រជាពលរដ្ឋ ជាច្រើន​នាក់ នៅ​ខាង​មុខ​ក្រសួង កិច្ចការ​នារី តាមផ្លូវ​លេខ​៤៧ សង្កាត់​ស្រះចក ខណ្ឌដូនពេញ កាលពី​វេលា​ម៉ោង​ប្រមាណ ២០​និង​៣០​នាទី ថ្ងៃទី​២៤​ខែមេសា​ឆ្នាំ​២០១៤។

ក្រោយពេល​មាន​ហេតុការណ៍​ដូច្នេះ​កើតឡើង​គេ​សួរ​នាំទៅ​ទើប​ដឹង​រឿង​ថា នេះ​ដោយសារតែ អ្នក​បើករថយន្ត បើក​កៀរ​អ្នក​ជិះ​ម៉ូតូ នៅក្នុង​ទឹកដី ខណ្ឌទួលគោក ហើយ​មិន​ព្រម​ឈប់ រថយន្ត​ដោះស្រាយ។

ប្រភព​ព័ត៌មាន​បាន​អោយ​ដឹង​ថា មុន​ពេល​កើតហេតុ អ្នក​បើករថយន្ត កូរ៉ូឡា និង​អ្នក​ជិះ​ម៉ូតូ​២​នាក់ បាន​ប៉ះពារ​គ្នា បន្តិចបន្តួច នៅ​ក្បែរ​ផ្សារ​ដេប៉ូ ក្នុង​មូលដ្ឋាន​ខណ្ឌទួលគោក​ប៉ុន្តែ​អ្នក​បើករថយន្ត មិន​ព្រម​ឈប់ ទទួលខុសត្រូវ​ទើប​អ្នក​ជិះ​ម៉ូតូ ទាំង​២​នាក់ ជិះ​ដេញ​តាម ពីក្រោយ រហូតដល់ មុខក្រសួង​កិច្ចការ​នារី ក្នុង​សង្កាត់​ស្រះចក​ខណ្ឌដូនពេញ​ពេក​បើក​មក​ទាន់​ក៏​បើក​ម៉ូតូ បំ​បុក​រថយន្ត ខណៈ​ដែល​អ្នក​ជិះ​ម៉ូតូ​ពីក្រោយ បាន​លោត ចូល​ទៅ​ក្នុង រថយន្ត​តាម​ប្រហោង​ទ្វារ​ដែល​អ្នក​បើករថយន្ត​មិនបាន​បិត​កញ្ចក់​រួច​ធ្វើ​សកម្មភាព​វាយ និង​ទះកំផ្លៀង អ្នក​បើករថយន្ត ៣-៤​ដៃ បណ្តាល​ឲ្យ រង​របួស​ទៀត​ផង។

ប្រភព​ព័ត៌មាន​បន្ត​ទៀត​ថា​ក្នុង​ហេតុការណ៍​នោះ​ដែរ​បាន​ធ្វើ​ឲ្យ​មានការ​ភ្ញាក់ផ្អើល ដល់​ប្រជាពលរដ្ឋ នាំគ្នា​ទៅ​ចោមរោម​មើល ប៉ុន្តែ​ភាគី​ទាំង​២ ត្រូវ​បាន​សមត្ថកិច្ច ហៅ​ទៅ​សួរនាំ និង​ដោះស្រាយ​គ្នា​បញ្ចប់រឿង។

បើ​តាម​មន្ត្រី​នគរបាល​មូលដ្ឋាន បាន​ឲ្យ​ដឹង​ថា ភាគី​ខាង​ម៉ូតូ មានការ​ខឹង​សម្បារ យ៉ាង​ខ្លាំង ដោយសារតែ​អ្នក​បើក​រថយន្ត មិន​ព្រម​ឈប់ ពេល​ប៉ះពារ​គ្នា ទើប​បណ្តាល​ឲ្យ​មានរឿង​បែបនេះ​តែម្តង​ទៅ។ បើ​តាម​មន្ត្រី​នគរបាល អ្នក​ជិះ​ម៉ូតូ​ទាំង​២​នាក់ ប្រហែលជា​មន្ត្រី នគរបាល នៅ​ក្រសួងមហាផ្ទៃ​ខាង​ផ្នែក​ឈុត​ខ្មៅ​ទៀត​ផង។ យ៉ាងណាក៏ដោយ សមត្ថកិច្ច​មិន​ទាន់​បាន​បញ្ជាក់​អំពី​អត្តសញ្ញាណ ភាគី​ទាំង​២​នោះ​ទេ៕