លោក អាប់ភីស៊ីត វេចាជីវ៉ា នាយករដ្ឋមន្ត្រីថៃដែលបានទាមទារកាលពីថ្ងៃទី២៧ខែមករាឆ្នាំ២០១១ឲ្យកម្ពុជាដងទងជាតិចេញពីវត្ត កែវសិក្ខាគីរីស្វារៈ ហើយបានប្រកាសថានិងប្រើកម្លាំងជម្រើសចុងក្រោយ... រដ្ឋាភិបាលមិនខ្លាចធ្វើសង្គ្រាមជាមួយកម្ពុជាទេ។
ផ្អែកលើពាក្យនេះហើយទើបមានការផ្ទុះអាវុធនៅថ្ងៃទី៤ខែកុម្ភៈឆ្នាំ២០១១មានកងកម្លាំងសៀមប្រមាណជាច្រើននាក់បានជ្រៀតចូលមកក្នុងដែនដីកម្ពុជា បន្ទាប់មកកងទ័ពសៀមបានផ្ដើមបាញ់យ៉ាងសន្ធាប់មកលើកម្ពុជាមុននៅ តំបន់ឃ្មុំ វាលឥន្ទ្រី ភ្នំទ្រព្យ តាស៊ឹម តាថាវ ជាំតែ និងតំបន់បុស្សស្បូវស្ថិតនៅជិតតំបន់ប្រាសាទព្រះវិហារនិងបានបង្កការបែកបាក់វត្ត កែវសិក្ខាគីរីស្វារៈ និងប្រាសាទព្រះវិហារយ៉ាងដំណំ។ពេលនោះកងទ័ពកម្ពុជាគ្មានជម្រើសអ្វីក្រៅពីវាយតបទៅវិញដើម្បីការពារខ្លួននិងការពារអធិបតេយ្យភាពនិងបូរណភាពទឹកដីកម្ពុជា។
នៅខណៈពេលវាយប្រហារនេះកងទ័ពសៀមបានប្រើកាំភ្លើងធុនធំទំហំ១៣០មីលីម៉ែត្រនិង១៥៥មីលីម៉ែត្រនិងធុនតូចជាច្រើនរយគ្រាប់ចូលក្នុងតំបន់ប្រាសាទព្រះវិហារនិងធ្វើអោយប៉ះពាល់ត្រូវរូបព្រះបដិមាករជាច្រើនអង្គនិងស្លាកបេតិកភណ្ឌ (UNESCO) ត្រូវបានធ្លុះធ្លាយបាក់បែកប្រាសាទព្រះវិហារដូចនិងប៉ះត្រូវក្លោងទ្វារប្រាសាទព្រះវិហារ (ក្លោងទ្វារទី៣និង៤និងទី៥) និងត្រូវចំវត្ត កែវសិក្ខាគីរីស្វារៈធ្លុះធ្លាយជាច្រើនកន្លែង។ នេះគឺជាបំណងនិងផែនការគិតទុកជាមុនយ៉ាងច្បាស់លាស់របស់លោកនាយករដ្ឋមន្ត្រី អាប់ភីស៊ីត ក្នុងចេតនាចង់បំផ្លាញប្រាសាទព្រះវិហារនិងវត្តដែលដំណាងឲ្យសាសនាព្រះពុទ្ធដែលប្រជាពលរដ្ឋនៃប្រទេសទាំងពីរតែងគោរព។ជាពិសេសស្លាកសញ្ញាសម្គាល់អនុសញ្ញាទីក្រុងឡាអេស្ដីពីកិច្ចការពារនូវសម្បត្តិបេតិកភណ្ឌដែលស្ថិតនៅក្នុងជម្លោះប្រដាប់អាវុធឆ្នាំ១៩៥៤។
ការរំលោភឈ្លានពានទឹកដីរបស់កម្ពុជានិងបាញ់បំផ្លាញសម្បត្តិវប្បធម៌ពិភពលោកគឺសបញ្ជាក់ឲ្យឃើញថាលោក អាប់ភីស៊ីត មិនមែនជាមនុស្សទេគឺជា ទមិឡ ឥតសាសនា ជាជនល្មោភសង្គ្រាមប្រកាន់យកការដោះស្រាយតាមរយៈធ្វើសង្គ្រាមជាងដោះស្រាយតាមរយៈសន្តិវិធី។
ប៉ុន្តែទោះបីជាយ៉ាងណាដោយឆន្ទៈស្នេហាជាតិទឹកដីកងទ័ពកម្ពុជាបានតបតទៅទ័ពសៀមឈ្លានពានវិញ បណ្ដាលអោយកងទ័ពសៀមស្លាប់អស់៣២នាក់និងចាប់បានឈ្លើយសឹកសៀមចំនួន៥នាក់ កម្ទេចរថយន្តសណ្ដោងកំាភ្លើងធំមួយគ្រឿង ឆេះផ្ទះ១២ខ្នង ឆេះផ្សារមួយកន្លែង ឆេះស្ថានីយប្រេងមួយកន្លែង និងផ្ទះក្រហមដែលមានអាគារ៤ខ្នងត្រូវបានកម្ទេច សង្គ្រាមនេះកើតឡើងពីការបញ្ជាផ្ទាល់របស់លោក អាប់ភីស៊ីត។ ម្ដងហើយម្ដងទៀត អាប់ភីស៊ីតបានធ្វើការអះអាងថាតំបន់ទើបប្រយុទ្ធគ្នានោះគឺជាទឹកដីជម្លោះ៤.៦គមជាពិសេសមេដឹកនាំសៀមរូបនេះចង់ដកទង់ជាតិកម្ពុជាចេញពីវត្ត កែវសិក្ខាគីរីស្វារៈ មិនតែប៉ុណ្ណោះចង់រុះរើវត្ត កែវសិក្ខាគីរីស្វារៈ ចេញពីទឹកដីកម្ពុជាទៀត។ អាភីស៊ីត ដោយផ្អែកលើផែនទីចោរដែលគូរដោយឯកតោភាគីធ្វើដូចសម័យ អ៊ីត្លែ បានគូរផែនទីចោរទុកមុនទើបបញ្ជូនទ័ពទៅវាយជាក្រោយ។តួយ៉ាងដូចជាថ្ងៃទី៤ខែកុម្ភៈនេះកងទ័ពសៀមបានវាយប្រហារមកលើកម្ពុជាគោលបំណងចង់បំផ្លាញប្រាសាទព្រះវិហារទោះបីជាតុលាការយុត្តិធម៌អន្តរជាតិទីក្រុងឡាអេបានសម្រេចកាលពីថ្ងៃទី១៥ខែមិថុនាឆ្នាំ១៩៦២បានបញ្ជាក់យ៉ាងច្បាស់ថាប្រាសាទព្រះវិហារនិងបរិវេណជុំវិញប្រសាទស្ថិតនៅក្នុងទឹកដីកម្ពុជាយ៉ាងណាក៏ដោយ។ដូច្នេះកងទ័ពខ្មែរទាំងអស់ដែលឈរជើងនៅទីនោះគឺស្ថិតក្នុងអធិបតេយ្យរបស់កម្ពុជាមិនអាចប្រកែកបាន។
ម្យ៉ាងទៀតនៅក្នុងដំណើរទស្សនកិច្ចរបស់គណៈប្រតិភូចលនាអ្នកប្រជាធិបតេយ្យនិយមកណ្ដាលអន្តរជាតិ អាស៊ីប៉ាស៊ីហ្វិក (ICAPP) នៅតំបន់អង្គរនិងប្រាសាទព្រះវិហារពេលកន្លងមកបានទទួលស្គាល់និងកោតសរសើរកម្ពុជាដែលបានចុះបញ្ជីប្រាសាទព្រះវិហារជាបេតិកភណ្ឌពិភពលោកនៅប្រទេសកាណាដា នាថ្ងៃទី៧ខែកក្កដាឆ្នាំ២០០៨ព្រមទាំងសម្ដែងការពេញចិត្តនិងដីកាសម្រេចរបស់តុលាការយុត្តិធម៌អន្តរជាតិថ្ងៃទី១៥ខែមិថុនាឆ្នាំ១៩៦២ថា ប្រាសាទព្រះវិហារជារបស់ខ្មែរហើយអំពាវនាវឲ្យមានការបង្កើតគណៈកម្មាធិការសម្របសម្រួលអន្តរជាតិសម្រាប់ប្រាសាទព្រះវិហារដូចគំរូ ICC នៅអង្គរ ។
ការបំផ្លាញប្រាសាទព្រះវិហារប្រៀបបីដូចជាជនឧក្រិដ្ឋកម្មសង្គ្រាមដ៏យង់ខ្នងដែលគួរត្រូវថ្កោលទោសពីព្រោះប្រាសាទត្រូវបានចុះក្នុងបញ្ជីបេតិកភណ្ឌពិភពលោករួចហើយ។ហេតុដូច្នេះលោក អាប់ភីស៊ីត ជាអ្នកបំផ្លាញសម្បត្តិបេតិកភណ្ឌពិភពលោកនិងបំផ្លាញសាសនាមិនមែនជាមនុស្សទេ លោកអាប់ភីស៊ីត គឺពិតជាទមិឡ។ គួរតែរៀនសូត្រតាមសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាជាមេដឹកនាំដែលមានសមានចិត្តល្អ និងមហាគុណធម៌ខ្ពស់បំផុតដោយស្ដែងចេញតាមរយៈការដោះលែងទាហានសៀម៥នាក់កន្លងមកទោះបីជារដ្ឋាភិបាលថៃធ្វើទង្វើមិនគប្បីជាច្រើនដងលើជនជាតិកម្ពុជាយ៉ាងណាក៏ដោយ ក៏សម្ដេចតេជោតែងតែមាននូវការយោគយល់អធ្យាស្រ័យជានិច្ច។តែទោះបីជាយ៉ាងណាសម្ដេចតេជោបានបញ្ជាក់ថាសង្គ្រាមបានកើតឡើងគឺដោយសារមេដឹកនាំថៃនិងក្រុមជ្រុលនិយមអាវលឿង ដូច្នេះសម្តេចតេជោសូមអំពាវនាវទៅក្រុមប្រឹក្សាសន្តិសុខអង្គការសហប្រជាជាតិដើម្បីស្វែងរកដំណោះស្រាយឈ្នះៗទាំងអស់គ្នា៕
រួម ជាតិ
| < មុន | បន្ទាប់ > |
|---|
