ព័ត៌មានថ្មីៗ

កីឡាករ​Radamel Falcao​បន្ត​អវត្តមាន​ពី​ក្រុម​Man Utd​រយៈពេល​២​សប្តាហ៍​ទៀត

ថ្ងៃ សុក្រ ទី21 ខែវិច្ឆិកា ឆ្នាំ 2014 ម៉ោង 17:23
M21-11-14-v-full
អ្នកចាត់ការ​របស់​ក្លឹប​បិសាច​ក្រហម​ Man Utd​លោក​ Louis van Gaal បាន​និយាយ​ថា​កីឡាករ Radamel Falcao​នឹង​បន្ត​អវត្តមាន​ពី​ការប្រកួត​រយៈពេល​២​សប្តាហ៍​ទៀត ដោយសារតែ​គាត់​បាន​រងរបួស​ថ្មី។ អានបន្ត
ថ្ងៃ សុក្រ ទី21 ខែវិច្ឆិកា ឆ្នាំ 2014 ម៉ោង 17:18
M21-11-14-u-full

កីឡាករ Pepe ​៖​ វា​គឺជា​រឿង​ចម្លែក​បើ​Ronaldo​មិន​ឈ្នះ​ពានរង្វាន់​បាល់​មាស​Ballon d’Or

ខ្សែការពារ​ដ៏​រឹងមាំ​របស់​ក្រុម​ជម្រើសជាតិ​ព័រ​ទុយ​ហ្គា​ល​កីឡាករ Pele​បាន​មាន​និយាយ​ថា វា​នឹង​ក្លាយ​ជា​រឿង​ចម្លែក និង​អាស្រូវ​បំផុត ​ប្រសិនជា​កីឡាករ​ Cristiano Ronaldo​ដែល​ជា​តារា​បាល់ទាត់រ​បស់​ក្លឹ​យក្ស​អេ​ស្ប៉ា​ញ Real Madrid មិន​អាច​ឈ្នះ​ពានរង្វាន់​បាល់​មាស Ballon d’Or​នោះ។ អានបន្ត
ថ្ងៃ សុក្រ ទី21 ខែវិច្ឆិកា ឆ្នាំ 2014 ម៉ោង 17:12
M21-11-14-t-full

Manny Pacquiao ឬ​ Chris Algieri ជា​អ្នក​សន្លប់​នៅ​លើ​សង្វៀន​Venetian នា​រាត្រី​ថ្ងៃ​សៅរ៍​នេះ

កំពូល​អ្នក​ប្រដាល់​Manny Pacquiao ដែល​មាន​ប្រវត្តិ​ប្រកួត​ឈ្នះ​គេ​៥៦​លើក ​ចាញ់​៥​លើក​ស្មើ​២​លើក និង​ផ្តួល​គូប្រកួត​ឲ្យ​សន្លប់​៣៨​លើក និយាយ​រួចហើយ​មុន​ការប្រកួត​នៅ​រាត្រី​ថ្ងៃ​សៅរ៍​នេះ នៅ​លើ​សង្វៀន Venetian Hotel របស់​ទីក្រុង​ម៉ា​កាវ​ប្រទេស​ចិន ថា លោក​នឹងមិន​ធ្វើ​ឲ្យ​ទស្សនិកជន​ខក​បំណង​នោះ​ឡើយ… អានបន្ត
ថ្ងៃ សុក្រ ទី21 ខែវិច្ឆិកា ឆ្នាំ 2014 ម៉ោង 17:12
Pisey-21-11-2014-full-U8

ទូរស័ព្ទ​ដៃ​សេរី​ថ្មី និង​អាយ​ផេ​ត​ចំនួន​៩៩០​គ្រឿង លោត​ឆ័ត្រ​មក​តាម​ច្រក​អន្តរជាតិ​ប៉ោយប៉ែត ត្រូវ​បាន​មន្ត្រី​គយ​ក្របួច​ជាប់​ទាំងអស់​

ប៉ោយប៉ែត ៖ សមត្ថកិច្ច​ចម្រុះ​ដឹកនាំ​ដោយ​គយ​រដ្ឋាករ​ប្រចាំ​ច្រក​ទ្វារ​អន្តរជាតិ​ប៉ោយប៉ែត បាន​ធ្វើ​សកម្មភាព​ចាប់​ទំនិញគេចពន្ធ​ដូចជា​ទូរស័ព្ទ​ដៃ​សេរី​ថ្មី និង​អាយ​ផេ​ត​ចំនួន​២៦​កេស​ធំ ពី​ក្រុម​ជន​ដែល​ពូកែ​គេចពន្ធ​ហើយ យក​មក​ចាត់ការ​ទៅតាម​នីតិ​វិធី​ច្បាប់… អានបន្ត
ថ្ងៃ សុក្រ ទី21 ខែវិច្ឆិកា ឆ្នាំ 2014 ម៉ោង 16:59
M21-11-14-s-full

នគរបាល​សេដ្ឋកិច្ច​ក្រសួងមហាផ្ទៃ​ប្រគល់​ឱសថ​៣៤៥០​គីឡូក្រាម​ឲ្យ​ក្រសួង​សុខាភិបាល

ភ្នំពេញ​​​៖​​​ ឱសថ​ច្រើន​ប្រភេទ​ទម្ងន់​៣៤៥០​គីឡូក្រាម​ត្រូវ​បាន​នគរបាល​នាយកដ្ឋាន​ប្រឆាំង​បទល្មើស​សេដ្ឋកិច្ច​ក្រសួងមហាផ្ទៃ​ប្រគល់​ឲ្យ​ក្រសួងសុខាភិបាល​កាលពី​ព្រឹក​ថ្ងៃ​ទី​២១​ ​ខែ​វិច្ឆិកា​ ​ឆ្នាំ​២០១៤។ អានបន្ត
ថ្ងៃ សុក្រ ទី21 ខែវិច្ឆិកា ឆ្នាំ 2014 ម៉ោង 16:54
Pisey-21-11-2014-full-T1

ប៉ូលិស​ព្រំដែន​៨០៧ ត្រូវ​បាន​ប្រជាពលរដ្ឋ​ចោទ​ប្រកាន់​ថា​គិតតែ​ប្រយោជន៍​ផ្ទាល់​ខ្លួន​​

បន្ទាយមានជ័យ ៖ ប្រជាពលរដ្ឋ​ជាច្រើន​នាក់ បាន​ធ្វើការ​ចោទប្រកាន់​នគរបាល​ការពារ​ព្រំដែន​គោក​វរ​សេនា​តូច​លេខ​៨០៧​ឈរជើង​នៅ​ស្រុក​ថ្មពួក​ថា គិតតែ​ពី​ប្រយោជន៍​ផ្ទាល់ខ្លួន​ពុំ​គិត​ការ​លំបាក​របស់​ប្រជាពលរដ្ឋ​នោះ​ឡើយ។… អានបន្ត
ថ្ងៃ សុក្រ ទី21 ខែវិច្ឆិកា ឆ្នាំ 2014 ម៉ោង 16:52
M21-11-14-r-full

ឆែក​លំនៅដ្ឋាន​២​ក្នុង​ក្រុង​ភ្នំពេញ​រឹបអូស​ឱសថ​ច្រើន​ប្រភេទ​ដែល​នាំចូល​ខុសច្បាប់

ភ្នំពេញ​ ៖ ​យ៉ាងហោចណាស់​មាន​លំនៅដ្ឋាន​២​កន្លែង​ផ្សេងគ្នា​ក្នុង​ក្រុងភ្នំពេញ​ត្រូវ​បាន​សមត្ថកិច្ច​នគរបាល​នាយកដ្ឋាន​ប្រឆាំង​បទល្មើស​សេដ្ឋកិច្ច​ក្រសួងមហាផ្ទៃ​និង​ព្រះរាជអាជ្ញា​អម​តុលាការ​ក្រុង​ភ្នំពេញ​ធ្វើការ​ឆែកឆេរ​… អានបន្ត
ថ្ងៃ សុក្រ ទី21 ខែវិច្ឆិកា ឆ្នាំ 2014 ម៉ោង 16:44
Nita-21-11-A-36-Full

មនុស្ស​រាប់រយ​នាក់​នាំគ្នា​សម្រុកចូល​ទិញ​ទូរ​សព្ទ័​iPhone 6​និង iPhone6 Plus នៅ​ក្រុមហ៊ុន SMART

ភ្នំពេញ ៖ នៅវេលា​ម៉ោង​ប្រមាណ​៧​ព្រឹក​ថ្ងៃទី២១​ខែវិច្ឆិកា​មាន​មនុស្ស​ប្រុស​ស្រី​រាប់រយ​នាក់​បាន​នាំគ្នា​សម្រុកចូល​ទិញទូរស័ព្ទ iPhone 6​និង iPhone 6 plus នៅ​Smart Store​រាជធានី​ភ្នំពេញ​ដែល​ស្របពេល​ជាមួយនិង​ទូរស័ព្ទ​AppleiPhone 6… អានបន្ត
ថ្ងៃ សុក្រ ទី21 ខែវិច្ឆិកា ឆ្នាំ 2014 ម៉ោង 16:40

តុល្យ​កម្ម​ទំនាក់ទំនង​ពាណិជ្ជកម្ម សហរដ្ឋ​អាមេរិក និង​ចិន

សារព័ត៌មាន​តំបន់​ឲ្យដឹងថា​ ស្នងការ​សហរដ្ឋអាមេរិក​ត្រួត​ពិនិត្យ​មើល​ទំនាក់ទំនង​សេដ្ឋកិច្ច និង​សន្តិសុខ​រវាង​ចិន និង​សហរដ្ឋអាមេរិក (USCC) បាន​ប្រាប់​សភា​​​សហរដ្ឋអាមេរិក ក្នុង​របាយការណ៍​មួយ​ថា បរិយាកាស​វិនិយោគ​បរទេស​មិនល្អ​នៃ​ប្រទេស​ចិន​ ការអនុវត្ត​ពាណិជ្ជកម្ម​មិន​យុត្តិធម៌… អានបន្ត
ថ្ងៃ សុក្រ ទី21 ខែវិច្ឆិកា ឆ្នាំ 2014 ម៉ោង 16:30
Pisey-21-11-2014-full-S

ពេល​ជិះ​ម៉ូតូ​ត្រឡប់​ទៅ​ផ្ទះ​វិញ ដល់​ពាក់កណ្ដាល​ផ្លូវ​ស្រាប់​តែ​ត្រូវ​ចោរ​កាប់​ប្លន់​រង​របួស​ធ្ងន់​០២​នាក់​ប្ដី-ប្រពន្ធ​

កណ្ដាល ៖ ជនរងគ្រោះ​ពីរ​នាក់​ប្ដី-ប្រពន្ធ ត្រូវ​ក្រុម​ចោរ​០១​ក្រុម​មាន​គ្នា​០៣​នាក់ ជិះ​ម៉ូតូ​ដេញ​តាម​កាប់​ចាក់ ប្លន់​បណ្ដាល​ឲ្យ​រង​របួស​ធ្ងន់​ទាំងពីរ​នាក់ និង​ចៅស្រី​ម្នាក់ ពុំ​មាន​រង​របួស​ទេ ហើយ​ចោរ​បាន​ប្លន់​យក​ម៉ូតូ​មួយ​គ្រឿង​បានសម្រេច​ជិះ​រត់គេច​មិន​រួច​ក៏​ផ្ដួល​ម៉ូតូ​ចោល​រត់​គេច​ខ្លួន​បាត់… អានបន្ត
ថ្ងៃ សុក្រ ទី21 ខែវិច្ឆិកា ឆ្នាំ 2014 ម៉ោង 16:28
Nita-21-11-A-34-Full

កូរ៉េ​សន្យា​ជួយ​បណ្តុះបណ្តាល​ធនធានមនុស្ស​ ផ្នែក​ចក្ខុរោគ​នៅ​កម្ពុជា​

ភ្នំពេញ ៖ នៅក្នុង​ជំនួប​ពិភាក្សា​ការងារ​ជាមួយ​លោក​វេជ្ជបណ្ឌិត​ ម៉ម​ ប៊ុនហេង​រដ្ឋមន្ត្រី​ក្រសួង​សុខាភិបាល​កាលពី​រសៀល​ថ្ងៃទី​២០​វិច្ឆិកា​តំណាង​ទីភ្នាក់ងារ​សហប្រតិបត្តិការ​អន្តរជាតិ​កូរ៉េ​(​កូយ​កា​)​និង​តំណាង​មន្ទីរពេទ្យ​គីមអាយ​បាន​សន្យាថា… អានបន្ត
ថ្ងៃ សុក្រ ទី21 ខែវិច្ឆិកា ឆ្នាំ 2014 ម៉ោង 16:27
M21-11-14-q-full

អាកាសចរណ៍​AirAsia ​នឹង​ចេញ​ប័ណ្ណ​អាស៊ាន

សារព័ត៌មាន​ក្នុង​តំបន់​ឲ្យដឹង​ថា​ អាកាសចរណ៍​សម្រាប់​អ្នកដំណើរ​សោហ៊ុយ​តិច​ថា នឹង​ចេញ​ប័ណ្ណ​អាកាសចរណ៍​តំបន់​ដើម្បី​បង្កើន​ប្រាក់​ចំណូល និង​ជំរុញ​ទេសចរណ៍ ​នៅ​អាស៊ីអាគ្នេយ៍ ដោយ​នាំ​យក​ការប្រកួតប្រជែង​ក្នុង​ការ​ធ្វើដំណើរ​តាមផ្លូវ​អាកាស​តម្លៃ​ទាប​ ទៅដល់​កម្រិត​តឹងតែង​មួយ​ថ្មី​ទៀត​។ ប្រធាន​ប្រតិបត្តិ លោក… អានបន្ត
ថ្ងៃ សុក្រ ទី21 ខែវិច្ឆិកា ឆ្នាំ 2014 ម៉ោង 16:12
Nita-21-11-A-33-Full

កម្ពុជា​បើក​វេទិកា​ស្រូវ​អង្ករ​លើក​ទី​៤​នៅ​មជ្ឈមណ្ឌល​កោះ​ពេជ្រ

​ ភ្នំពេញ ៖ សម្ព័ន្ធ​សមាគម​សហគ្រាស​ធុន​តូច​ និង​មធ្យម​កម្ពុជា​សហការ​ជាមួយ​សហព័ន្ធ​ស្រូវ​អង្ករ​កម្ពុជា​ និង​ដោយមាន​ការជួយ​គាំទ្រ​ពី​ស្ថាប័ន​ពាក់ព័ន្ធ​ក្នុង​វិស័យ​ស្រូវ​អង្ករ​កាលពី​ល្ងាច​ថ្ងៃទី​២០​ខែវិច្ឆិកា​បាន​ប្រារព្ធ​វេទិកា​ស្រូវ​អង្ករ​កម្ពុជា​លើក​ទី​៤ ​នៅ​មជ្ឈមណ្ឌល​សន្និបាត​… អានបន្ត
ថ្ងៃ សុក្រ ទី21 ខែវិច្ឆិកា ឆ្នាំ 2014 ម៉ោង 16:12
M21-11-14-p-full

ព្រះសង្ឃ​ចំនួន​៦​អង្គ​ដែល​គង់នៅ​វត្ត​ស្ទឹងមានជ័យ​ត្រូវ​បាន​សមត្ថកិច្ច​ឃាត់​ខ្លួន​ដោយសារ​ពួន​សម្ងំ​ផឹក​ស្រា​បៀរ​នៅ​ក្នុង​វត្ត

ភ្នំពេញ​ ៖​ ព្រះសង្ឃ​ចំនួន​៦​អង្គ​រួម​នឹង​យុវជន​ម្នាក់​ត្រូវបាន​គណៈបញ្ជាការ​ឯកភាព​ខណ្ឌ​មានជ័យ​ដឹកនាំ​ដោយ​លោក​ឌី រ័ត្ន​ខេ​ម​រុណ អភិបាលរងខណ្ឌ និង​លោក​វរសេនីយ៍ត្រី​ជឹម ស៊ីថា អធិការ​ស្តីទី​នគរបាល​ខណ្ឌ​មានជ័យ​ធ្វើការ​ឃាត់ខ្លួន ខណៈ​ពេល​ដែល​ព្រះសង្ឃ​ទាំង​អស់​នោះ​កំពុង​សម្ងំ​ផឹក​ស្រា​បៀរ… អានបន្ត
ថ្ងៃ សុក្រ ទី21 ខែវិច្ឆិកា ឆ្នាំ 2014 ម៉ោង 16:10
Pisey-21-11-2014-full-r2

ក្រសួង​​ទំនាក់ទំនង​ជាមួយ​រដ្ឋ​សភា ព្រឹទ្ធសភា និង​អធិការកិច្ច ​ផ្សព្វផ្សាយ​ច្បាប់​ស្ដីពី​ព្រៃឈើ​

ព្រះសីហនុ ៖ កាលពី​ថ្ងៃទី​២០ ខែវិច្ឆិកា ឆ្នាំ​២០១៤ ក្រសួង​ទំនាក់ទំនង​ជាមួយ​រដ្ឋ​សភា ព្រឹទ្ធសភា និង​អធិការកិច្ច ធ្វើការ​ផ្សព្វផ្សាយ​ច្បាប់​ស្ដីពី​ព្រៃឈើ នៅ​ស្រុក​ព្រៃនប់ ដោយមាន​ការចូលរួម​ពី​ប្រធាន អនុប្រធាន​មន្ទីរ អង្គភាព​ជុំវិញ​ខេត្ត កងកម្លាំងប្រដាប់អាវុធ ក្រុមប្រឹក្សា​ភូមិ ឃុំ លោកគ្រូ អ្នកគ្រូ… អានបន្ត
ថ្ងៃ សុក្រ ទី21 ខែវិច្ឆិកា ឆ្នាំ 2014 ម៉ោង 15:56
Pisey-21-11-2014-full-p

ការិយាល័យ​កណ្ដាល​ប្រឆាំង​គ្រឿងញៀន បាន​ធ្វើការ​បង្ក្រាប​មុខសញ្ញា​ជួញដូរ​គ្រឿងញៀន​ពីរ​ករណី​ផ្សេងគ្នា​

ព្រះសីហនុ ៖ លោក សាន់ ប៊ុនថន ប្រធាន​ការិយាល័យ​កណ្ដាល​ប្រឆាំង​បទល្មើស និង​ជា​ស្នងការ​រង​នៃ​ស្នងការដ្ឋាន​ខេត្ត​ព្រះសីហនុ​បាន​ឲ្យ​ដឹង​ថា មន្ត្រី​ការិយាល័យ​ប្រឆាំង​គ្រឿងញៀន​បាន​បង្ក្រាប​មុខ​សញ្ញា​ជួញដូរ​គ្រឿងញៀន​ពីរ​ករណី​ផ្សេងគ្នា។ អានបន្ត

សាសនា​មិន​អាក្រក់​ទេ តែ​មនុស្ស​ធ្វើ​ឲ្យ​សាសនា​អាក្រក់

ថ្ងៃ ព្រហស្បតិ៍ ទី23 តុលា ឆ្នាំ2014 ម៉ោង09:22   ផ្នែក: ទស្សនៈស្មេរ    ដោយ: ខៀវ ចាន់ណា​

ប្រទេស​ផ្សេងៗ តែងតែ​មាន​សាសនា​ផ្ទាល់ខ្លួន​សម្រាប់​ជា​ការ​គោរពបូជា និង​សម​តាម​ប្រពៃណី​វប្បធម៌​របស់​ជាតិ​សាសន៍​នីមួយៗ​។ យ៉ាងណាមិញ គ្រប់​សាសនា​ទាំងអស់​មាន​គោលបំណង​ប្រមូល​ផ្តុំ​មនុស្ស​ឲ្យ​មក​ធ្វើអំពើ​ល្អ ឬ​ស្វែងយល់​អត្ថន័យ​នៃ​ជីវិត​។ បច្ចុប្បន្ននេះ ជម្លោះសាសនា​បាន​ធ្វើ​ឲ្យ​មនុស្ស​ក្នុង​ពិភពលោក​មានការ​ព្រួយបារម្ភ ហើយ​សម្រាប់​កម្ពុជា បញ្ហា​ជម្លោះសាសនា​មិនទាន់​មាន​បញ្ហា​អ្វី​នៅឡើយ​ទេ។ ប៉ុន្តែ​អ្វី ដែល​ជា​ការគួរ​ឲ្យ​កត់សម្គាល់​នោះ គឺ​មនុស្ស​បាន​យក​សាសនា​មក​ប្រព្រឹត្តិ​អំពើ​ទុច្ចរិត​មួយ​ចំនួន​។ ទង្វើ​ទាំង​អស់នោះ គឺជា​រឿង ដែល​គួរ​ឲ្យ​ខ្លាច​បំផុត​សម្រាប់​កម្ពុជា​។ គួរ​ឲ្យ​ខ្លាច​នៅត្រង់ថា​ទៅ​ថ្ងៃមុខ កូន​ខ្មែរ​នឹង​ឲ្យ​តម្លៃ​សាសនា​ទៅជា​រឿង​អាក្រក់ ពោល​គឺ​អាច​នឹង​អាក្រក់​ជាង​បច្ចុប្បន្ន​ផង​ក៏​ថា​បាន។

ព្រឹត្តិការណ៍​ថ្មីៗ​នេះ​បាន​ធ្វើ​ឲ្យ​ប្រជាពលរដ្ឋ និង​ពុទ្ធសាសនិក​មានការ​ភ្ញាក់ផ្អើល​យ៉ាង​ខ្លាំង​។ អ្វី​ដែល​ជា​ការ​គួរ​ឲ្យ​ភ្ញាក់ផ្អើល​នៅ​ត្រង់​ថា នៅ​ក្នុង​វត្ត​មួយ​នៃ​ខេត្ត​សៀមរាប មាន​ព្រះសង្ឃ​ពីរ​អង្គរ បាន​និមន្ត​ឆាន់​ស្រា​នៅ​ក្នុង​វត្ត មិន​ត្រឹមតែ​ប៉ុណ្ណោះ ព្រះសង្ឃ​ទាំងនោះ​ក៏បាន​នាំ​នារី​វ័យក្មេង​មក​ចូលក្នុង​បន្ទប់​តែមួយ​ផងដែរ​។ ជា​ទង្វើ​មួយ ដែល​ខុស​ទៅនឹង​ការប្រតិបត្តិ ឬ​វិន័យ​សង្ឃ​ក្នុង​ព្រះពុទ្ធសាសនា ដែល​កម្ពុជា​បាន​ចាត់ទុកថា​ជា​សាសនា​របស់​រដ្ឋ​។ ឥទ្ធិពល​នេះ ស្តែងចេញ​តាម​រូបភាព​ពីរ​យ៉ាង គឺ​ទី​១ ធ្វើ​ឲ្យ​សាសនាព្រះពុទ្ធ​ធ្លាក់ចុះ​អាប់​ឱន និង​ទី​២ ធ្វើ​ឲ្យ​ប្រទេសជិតខាង ដែល​មាន​សាសនា​ដូចគ្នា​ចាត់ទុកថា​ប្រទេស​យើង​មិន​មាន​វប្បធម៌​ត្រឹមត្រូវ។

ការអប់រំ​ក្នុង​ព្រះពុទ្ធសាសនា មិនបាន​ធ្វើ​ឲ្យ​មនុស្ស​យើង​ធ្វើអំពើ​អាក្រក់ ឬ​ហៅថា​ការ​ធ្វើ​បាប​នោះទេ​។ ប៉ុន្តែ​ស្ថិត​ក្រោម​រូបភាព​នេះ ព្រះសង្ឃ​មួយ​ចំនួន​បាន​យក​ព្រះពុទ្ធសាសនា​មក​ធ្វើ​ជា​ការ​លេងសើច ឬ​យក​សាសនា​មក​ធ្វើជា​រប​រកស៊ី​ទៅវិញ​ក៏មាន​។ ទង្វើ​ទាំងអស់​នេះហើយ ដែល​ធ្វើ​ឲ្យ​ព្រះពុទ្ធសាសនា​មានការ​អាប់ឱន ហើយ​អាច​ឈាន​ទៅរក​ការបាត់បង់​ក្នុង​រយៈ​ខាងមុខ​។ ព្រះពុទ្ធ​ព្រះ​បរមគ្រូ​នៃ​យើង​ទ្រង់​បាន​ពុទ្ធ​ដីកា​ថា​ព្រះពុទ្ធសាសនា​នឹងមិន​ត្រូវបាន​បំផ្លាញ​ដោយ​សាសនា​ដទៃ​ឡើយ តែ​ព្រះពុទ្ធសាសនា​នឹងត្រូវ​បំផ្លាញ​ដោយ​អ្នក​កាន់សាសនា​ព្រះពុទ្ធ​ខ្លួនឯង​តែម្តង​។ តាមរយៈ​ពុទ្ធ​ឱវាទ​នេះ យើង​អាច​មើល​ឃើញ​នូវ​សកម្មភាព​ក្នុង​ពេល​បច្ចុប្បន្ន​នេះ ដូចជា​ការ​លើក​ឧទាហរណ៍​ជាក់ស្តែង​ពី​ព្រះសង្ឃ​ក្នុង​វត្ត​មួយ​ក្នុង​ខេត្ត​សៀមរាប​កាល​ពីពេល​ថ្មីៗ​នេះ។

ជា​លទ្ធផល​ប្រជាពលរដ្ឋ​ខ្មែរ ដែលមាន​អ្នក​កាន់​ព្រះពុទ្ធសាសនា​ប្រមាណ​ជាង​៩០​ភាគរយ​នោះ អាច​នឹង​អស់​ទំនុក​ចិត្ត​ក្នុង​ការចូលរួម​ធ្វើបុណ្យ​នៅក្នុង​វត្ត​អារាម ដែលមាន​បញ្ហា​នោះ​ទៀតហើយ​។ តាមរយៈ​រូបភាព​នេះ​ផងដែរ ប្រជា​ពុទ្ធបរិស័ទ​មួយចំនួន នឹង​លែងមាន​ចិត្ត​ចង់​ប្រគេន​ចង្ហាន់​ដល់​ព្រះសង្ឃ ដែល​ព្រះអង្គ​មិនបាន​សាង​អំពើ​ទាំងនោះ ក៏​ថា​បាន។

សម្រាប់​កម្ពុជា​វប្បធម៌ ប្រពៃណី ទំនៀមទម្លាប់​គឺ​សំខាន់​ណាស់ ដែលជា​វត្ថុ​សម្រាប់​សម្គាល់​ពី​អត្តសញ្ញាណ​របស់​ខ្មែរ​។ ដូន​តាម​ខ្មែរ​បាន​ពោល​ថា វប្បធម៌​រលត់​ជាតិ​រលាយ វប្បធម៌​ពណ្ណរាយ​ជាតិ​ថ្កើងថ្កាន ហើយ​ដោយសារតែ​សាសនា​ក៏​ជា​មែកធាង​នៃ​វប្បធម៌ ឬ​អរិយធម៌​ផង​នោះ គឺអាច​និយាយ​បាន​ថាបើ​សាសនាព្រះពុទ្ធ​ត្រូវបាន​មនុស្ស​មួយ​ចំនួន ឬ​ព្រះសង្ឃ​មួយចំនួន​ធ្វើ​ឲ្យ​ខូច​ទៅហើយនោះ តើ​ជាតិ​សាសន៍​ខ្មែរ​ត្រូវ​បាន​ជនជាតិ​ដទៃ​ចាត់ទុកជា​អ្វី​ទៅ។

គ្រប់​សកម្មភាព​ទាំងអស់​របស់​សាសនា​គឺ​មាន​ឥទ្ធិពល​ខ្លាំង​ណាស់​សម្រាប់​សង្គម​កម្ពុជា និង​សម្រាប់​ប្រជាពលរដ្ឋ​កម្ពុជា​។ ដូច​អ្វី​ដែល​យើង​បាន​ដឹង​ហើយ​ថា ប្រទេស​កម្ពុជា​បាន​បែរ​មក​គោរព​ព្រះពុទ្ធសាសនា​វិញ ចាប់​តាំងពី​ក្រោយ​សម័យ​អង្គរ​មក​ម៉្លេះ​ ដូច្នេះ​ជំនឿ​នេះ​បានក្លាយ​ជាការ​គោរព​យ៉ាង​ល្អ​។ មិន​ត្រឹមតែ​ប៉ុណ្ណោះ ព្រះពុទ្ធសាសនា​ត្រូវបាន​ប្រទេស​កម្ពុជា​កំណត់ថា​ជា​សាសនា​របស់​រដ្ឋ ពោល​គឺ​ក្នុង​បាវចនា​ជាតិ បន្ទាប់ពី​ជាតិ គឺ​សាសនា​តែម្តង​។

យ៉ាងណាមិញ សាសនា​នៅ​ជុំវិញ​ពិភពលោក​មិនបាន​អប់រំ​មនុស្ស​ឲ្យ​ដើរ​កាប់សម្លាប់​អ្នកដទៃ​នោះទេ ប៉ុន្តែ​សាសនា​ខ្លះ​ត្រូវ​បាន​មនុស្ស​ក្នុង​បច្ចុប្បន្ន​នេះ យក​ធ្វើជា​ស្រោម​មុខ​មួយ​ពាក់​សម្រាប់​ធ្វើ​អំពើ​អាក្រក់​ណាមួយ ដែល​ជា​ការ​អាច​ជា​ការ​បំផ្លាញ​សាសនា​នោះ​។ បច្ចុប្បន្ន​កម្ពុជា បាន​អនុញ្ញាត​ឲ្យ​មានការ​បើក​ចំហ​យ៉ាង​ខ្លាំង​ចំពោះ​ការគោរព​ជំនឿ​សាសនា​។ ក្នុង​ន័យនេះ គេ​អាច​មើល​ឃើញ​ថា​សង្គម​កម្ពុជា​ហាក់ដូចជា​មានការ​យោគយល់​គ្នា​ចំពោះ​ការគោរព​សាសនា​។

ដំណោះស្រាយ​ដ៏​ល្អ​សម្រាប់​សាសនា​នេះ គឺ​មានតែ​ស្ថាប័ន​ពាក់ព័ន្ធ​ទេ ដែលមាន​សមត្ថកិច្ច​ក្នុងការ​លូកដៃ​ចូល ដើម្បី​ដោះស្រាយ​បញ្ហា​នេះ​។ ការដាក់ពិន័យ​ឲ្យ​ធ្ងន់ធ្ងរ​ចំពោះ​ជន​ទាំងឡាយណា ដែល​យក​សាសនា​សម្រាប់​ជា​មុខរបរ​រកស៊ី ឬ​ឈានទៅដល់​ការប្រព្រឹត្តិ​ទង្វើ​អបាយមុខ​ផ្សេងៗ​ជាដើម​។ យ៉ាងណាមិញ យើង​សូម​កោតសរសើរ​នឹង​លើកទឹកចិត្ត​ចំពោះ​ស្ថាប័ន ដែល​ពាក់ព័ន្ធ​ជុំវិញ​ការ​ចាត់វិធានការ​ផ្លូវច្បាប់​ទៅលើ​ជន​ទាំង​ឡាយ​ណា ដែល​យក​សាសនា​មក​ធ្វើជា​ល្បែង​របស់​ខ្លួន​នោះ​។ ម្តង​ហើយ​ម្តងទៀត ការចូលរួម​ពី​ប្រជាពលរដ្ឋ ឬ​ពុទ្ធបរិស័ទ​គឺ​ពិតជា​អាច​ចូលរួម​ចំណែក​យ៉ាង​ខ្លាំងក្លា​ក្នុងការ​លុបបំបាត់​វប្បធម៌​ជ្រក​ក្រោម​ស្បង់ ដើម្បី​ធ្វើ​របរ​អាជីវកម្ម​ផ្ទាល់ខ្លួន​នោះ​៕