ប្រទេសកម្ពុជាបានផ្តល់សច្ចាប័នលើអនុសញ្ញាអន្តរជាតិស្តីពីសិទ្ធិកុមារ កាលពីថ្ងៃទី ១៥ ខែតុលា ឆ្នាំ ១៩៩២ ហើយរដ្ឋធម្មនុញ្ញនៃព្រះរាជាណាចក្រកម្ពុជាបានចែងថា រដ្ឋធានារក្សាការពារសិទ្ធិរបស់កុមារ ដែលមានចែងក្នុងអនុសញ្ញាស្ដីពីសិទ្ធិកុមារនេះ ជាពិសេសសិទ្ធិមានជីវិតរស់នៅសិទ្ធិទទួលបានការអប់ រំរៀនសូត្រ សិទ្ធិត្រូវទទួលការគាំពារក្នុងស្ថានការណ៍មានសង្គ្រាម និងការការពារប្រឆាំងនឹងអាជីវកម្ម សេដ្ឋកិច្ចឬកាមគុណលើកុមារ។
រដ្ឋគាំពារការប្រឆាំងនឹងការងារទាំងឡាយ ដែលអាចធ្វើឲ្យខូចដល់ការ អប់រំ និងការរៀនសូត្ររបស់កុមារ ឬដែលនាំឲ្យអន្តរាយដល់សុខភាពរបស់កុមារ ។ ដើម្បីជាឧត្តមប្រ យោជន៍របស់កុមារផងដែរ កម្ពុជាបានផ្តល់សច្ចាប័នលើអនុសញ្ញាអន្តរជាតិមួយចំនួនទៀតជាបន្តបន្ទាប់ ដូចជាអនុសញ្ញារបស់អង្គការពលកម្មអន្តរជាតិលេខ ១៣៨ ស្តីពីអាយុអប្បរមាសម្រាប់ចូលធ្វើការ អនុ សញ្ញាលេខ ១៨២ ស្តីពីការហាមប្រាម និងសកម្មភាពបន្ទាន់សម្រាប់ការលុបបំបាត់ទម្រង់ធ្ងន់ធ្ងរបំផុតនៃ ពលកម្មកុមារ ពិធីសារបន្ថែមពីរដកស្រង់ពីអនុសញ្ញាស្ដីពីសិទ្ធិកុមារ អំពីការចូលរួមរបស់កុមារនៅក្នុងជំ លោះប្រដាប់អាវុធ និងអំពីការជួញដូរកុមារ ការធ្វើពេស្យាកម្មកុមារ និងរូបភាពអាសអាភាសកុមារ ពិធី សារស្ដីពីការទប់ស្កាត់ ការបង្ក្រាប និងការដាក់ទណ្ឌកម្ម ការជួញដូរមនុស្ស ពិសេសស្ត្រី និងកុមារ និង អនុសញ្ញាក្រុងឡាអេស្តីពីកិច្ចការពារកុមារ និងសហប្រតិបត្តិការទាក់ទងនឹងស្មុំកូនអន្តរប្រទេស។
ពិនិត្យទៅលើកាលបរិច្ឆេទនៃការផ្តល់សច្ចាប័នស្តីពីសិទ្ឌិកុមារ របស់រដ្ឋាភិបាលកម្ពុជាបាន បង្ហាញថា នៅក្នុងគ្រានោះស្ថានការណ៍ពុំមានភាពអនុគ្រោះបន្តិចសោះឡើយ ព្រោះថា នៅដើមទសវត្ស ឆ្នាំ ៩០ កម្ពុជាដែលទើបត្រូវបានរំដោះពីរបបប្រល័យពូជសាសន៍ ប៉ុល ពត ប្រមាណជា ១៣ ឆ្នាំនោះ ជាពេលដែលប្រទេសជាតិ បាន និងកំពុងស្ថិតនៅក្នុងសង្គ្រាមផង សន្តិភាពផង ហើយក៏កំពុងតែស្ថិតនៅ ក្នុងទណ្ឌកម្មសេដ្ឋកិច្ចផងដែរ។យើងនៅចាំបានថា ថ្វីត្បិតតែពួក ប៉ុល ពត ត្រូវបានផ្តួលរំលំក៏ពិតមែន ប៉ុន្តែពួកវានៅតែចិញ្ចឹមចិត្តក្នុងការវិលត្រឡប់មកកាន់អំណាចវិញ ហើយអ្វីដែលរដ្ឋាភិបាលសម័យរដ្ឋ កម្ពុជាបានធ្វើនោះគឺដៃម្ខាងទប់ស្កាត់ការប៉ុនប៉ងវិលត្រឡប់មកកាន់អំណាចវិញរបស់ពួកខ្មែរក្រហម ឯដៃម្ខាងទៀតធ្វើការអភិវឌ្ឍន៍ប្រទេសជាតិ ក្នុងពេលដែលវិស័យសេដ្ឋកិច្ច សង្គមកិច្ចស្ថិតក្នុង ស្ថានភាពមានជំងឺរ៉ាំរ៉ៃ ដែលបន្សល់ទុកមកពីរបបដ៏សាហាវយង់ឃ្នងនេះ។ទន្ទឹមនេះរដ្ឋាភិបាល ក៏បានយកចិត្តទុកដាក់ទៅលើបញ្ហាផ្សេងៗទៀតក្នុងនោះ ក៏មានការយកចិត្តទុកដាក់ទៅលើកុមារ ដែលជាសសរទ្រូងរបស់ប្រទេសជាតិផងដែរ។
ជាក់ស្តែងប្រសិនបើយើងពិនិត្យមើលក្របខណ្ឌនៃសិទ្ធិផ្នែកសេដ្ឋកិច្ច និងសង្គមកិច្ចនេះ នៅ ក្រោយថ្ងៃរំដោះ ៧ មករា ឆ្នាំ ១៩៧៩ ប្រជាជនយើងរួមមានទាំងកុមារ គ្មានអ្វីទាំងអស់ គ្មានទាំងម្ហូប អាហារ គ្មានទាំងសម្លៀកបំពាក់ គ្មានទាំងទីជម្រករស់នៅឲ្យបានសមរម្យ។ប្រជាជនយើងនៅទូទាំងប្រ ទេសបានស្ថិតនៅក្រោមភាពក្រីក្រ ទទួលរងនូវទុក្ខវេទនាតោកយ៉ាក និងមានជំងឺដង្កាត់ផ្សេងៗ។ ប៉ុន្តែបន្ទាប់ពីបានផ្តល់សច្ចាប័នលើអនុសញ្ញាអន្តរជាតិស្តីពីសិទ្ធិកុមារមក រាជរដ្ឋាភិបាលបានប្តូរ ផ្តាច់ដាក់ចេញនូវវិធានការគ្រប់បែបយ៉ាង ដើម្បីប្រយុទ្ធប្រឆាំងទម្រង់ធ្ងន់ធ្ងរនៃពលកម្មកុមារ និងទប់ស្កាត់ការជួញដូរកុមារ ការកេងប្រវ័ញ្ច និងអំពើពេស្យាចារលើកុមារ ព្រមទាំង ខិតខំសម្រេច ឲ្យបាននូវកម្មវិធីនយោបាយ និងយុទ្ធសាស្ត្ររបស់រាជរដ្ឋាភិបាលចំពោះកុមារ។ក្នុងការកសាង គោលនយោបាយ និងយុទ្ធសាស្ត្រជាតិជាច្រើន រាជរដ្ឋាភិបាលតែងបានដាក់បញ្ចូល និងគិតគូរ ដល់កុមារ។រាជរដ្ឋាភិបាលបានប្តេជ្ញាបង្កើនអន្តរាគមន៍ក្នុងវិស័យសង្គមកិច្ច តាមរយៈការបង្កើនថវិកាជាតិ ជាបន្តបន្ទាប់ សម្រាប់វិស័យអប់រំ សុខាភិបាល អភិវឌ្ឍជនបទ កសិកម្ម និងកម្មវិធីលើកកម្ពស់សុខុមាល ភាព និងជួយសង្គ្រោះជនរងគ្រោះដទៃទៀត។ម្យ៉ាងទៀតក្រសួងស្ថាប័នពាក់ព័ន្ធបានសហការជាមួយ សង្គមស៊ីវិល ធ្វើការងារយ៉ាងសកម្មពាក់ព័ន្ធនឹងកិច្ចការពារកុមារ ដោយផ្តល់នូវការការពារកុមារឲ្យរួច ផុតពីការរំលោភ បំពានផ្សេងៗ ផ្តល់ការចិញ្ចឹមបីបាច់ថែរក្សា ផ្តល់សេវាសុខភាព ការអប់រំរៀនសូត្រ សំដៅកសាងធនធានមនុស្ស និងលើកកម្ពស់ផលប្រយោជន៍ល្អបំផុតសម្រាប់អនាគតដ៏ប្រសើរ របស់កុមារកំព្រា កុមារអនាថា កុមារក្នុងគ្រួសារក្រីក្រ និងកុមារងាយរងគ្រោះដោយប្រការផ្សេងៗ នៅទូទាំងប្រទេស។ការលើកកម្ពស់ការថែទាំកុមារក្នុងគ្រួសារ និងសហគមន៍ ដែលអាចឲ្យកុមាររស់ នៅជួបជុំជាមួយគ្រួសារបង្កើតសាច់ញាតិ ហើយផ្សារភ្ជាប់យ៉ាងជិតស្និទ្ធជាមួយសហគមន៍ ដែលជា ជម្រើសល្អបំផុតសម្រាប់កុមារ។
ក្នុងអំឡុងពេលជាង ៣ ទសវត្សកន្លងមកនេះ កម្ពុជាសម្រេចបាននូវសមិទ្ធផលយ៉ាងច្រើន សន្ធឹកសន្ធាប់ទាំង ខាងផ្នែកហេដ្ឋារចនាសម្ព័ន្ធ សេដ្ឋកិច្ច សង្គមកិច្ច វប្បធម៌ និងសាសនា ដែលជាមូលដ្ឋាននៃការអភិវឌ្ឍ ការកាត់បន្ថយភាពក្រីក្រ ការកសាងស្ថាប័ន និងការពង្រឹងសិទ្ធិសេរីភាព សេចក្តី ថ្លៃថ្នូររបស់មនុស្ស និងលទ្ធិប្រជាធិបតេយ្យ។
ឆ្នាំនេះការប្រារព្ធខួបលើកទី ៦៣ ទិវាកុមារអន្តរជាតិ និងទិវាកុមារអន្តរជាតិ ១ មិថុនានឹងប្រព្រឹត្ត ទៅក្រោមប្រធានបទ«លើកកម្ពស់សមធម៌ សេវាសង្គម និងបង្កើនការយកចិត្តទុកដាក់ថែទាំកុមារក្នុង គ្រួសារ និងសហគមន៍» និងខួបលើកទី ១១ ទិវាពិភពលោកប្រឆាំងនឹងពលកម្មកុមារ ១២ មិថុនា ក្រោម ប្រធានបទ«រួមគ្នាលុបបំបាត់ពលកម្មកុមារ ដើម្បីសិទ្ធិមនុស្ស និងយុត្តិធម៌សង្គម»។ដែលប្រធានបទនេះ ស្របទៅនឹងយុទ្ធសាស្ត្រចតុកោណដំណាក់កាលទី ២ គោលដៅអភិវឌ្ឍសហស្សវត្ស ផែនការជាតិ សម្រាប់ការអប់រំទាំងអស់គ្នា និងទិសដៅសកលស្តីពីការលុបបំបាត់ទម្រង់ធ្ងន់ធ្ងរបំផុតនៃពលកម្មកុមារ។
ប្រាកដណាស់ថា ជាមួយនឹងប្រធានបទខាងលើនេះ ទិវាដ៏មានសារៈសំខាន់នេះមានន័យថា យើងត្រូវខិតខំឲ្យបានខ្លាំងក្លាបន្ថែមទៀត ដើម្បីលើកកម្ពស់សមធម៌ឲ្យកុមារគ្រប់រូបទទួលបាននូវសេវា សង្គម និងការយកចិត្តទុកដាក់ថែទាំពីសំណាក់គ្រួសារ និងសហគមន៍ ដើម្បីធានាថា កុមារទទួលបាន ស្បៀងអាហារ និងអាហារូបត្ថម្ភ ការព្យាបាល និងថែទាំសុខភាព ការអប់រំ ការគាំពារសង្គមលើរាងកាយ អារម្មណ៍ និងផ្លូវចិត្ត ការជួយជ្រោមជ្រែងផ្នែកសេដ្ឋកិច្ច និងសេវាដទៃទៀត ធ្វើយ៉ាងណាឲ្យពួកគេបាន រីកធំធាត់លូតលាស់នៅក្នុងក្រួសារ និងសហគមន៍ប្រកបដោយភាពកក់ក្តៅ។
ប្រាកដណាស់ថា អ្វីៗដែលរាជរដ្ឋាភិបាល ក៏ដូចជាក្រសួង ស្ថាប័នពាក់ព័ន្ធរួមជាមួយសង្គមស៊ី វិលបានធ្វើសកម្មភាពដើម្បីកុមារកម្ពុជាក្នុងរយៈពេលជាច្រើនឆ្នាំកន្លងមកនេះ ពិតជាមានតម្លៃមិនអាច កាត់ថ្លៃបានឡើយ។ដូច្នេះអ្វីៗដែលជាការតបស្នងរបស់កុមារនោះ គឺក្មួយៗ ប្អូនៗត្រូវតែយកចិត្តទុកដាក់ ក្នុងការខិតខំប្រឹងប្រែងរៀនសូត្រ និងថែរក្សាប្រពៃណីខ្មែរ ដើម្បីក្លាយខ្លួនទៅជាកូនល្អ សិស្សល្អ មិត្តល្អ និងជាពលរដ្ឋល្អ សម្រាប់សង្គមកម្ពុជាទៅថ្ងៃអនាគត ហើយក៏ដើម្បីក្លាយទៅជាទំពាំងស្នងឫស្សីប្រកប ដោយថាមពល និងពោរពេញទៅដោយសមត្ថភាពនោះ៕
ស្នាយពល
| < មុន | បន្ទាប់ > |
|---|
